Уулын Карабахын эрх баригчид 9-р сарын 20-ны лхагва гарагт Оросын энхийг сахиулагчдын санал болгосноор гал зогсоохоо зарлав.
Хүлээн зөвшөөрөгдөөгүй Бүгд Найрамдах Уулын Карабах улсын эрх баригчид мөргөлдөөнийг зохицуулах олон улсын хамтын нийгэмлэгийн ажиллагаа хангалтгүй байгаа болон Оросын энхийг сахиулагчдын санал болгосноор гал зогсоох шийдвэр гаргасан. Тэд дайны хохирол болон сөргөлдөгч талынхаа тооны хувьд давуу байдлыг хүлээн зөвшөөрсөн нь ийм шийдвэр гаргарахад нөлөөлөв бололтой.
“Одоогийн нөхцөлд дайныг зогсоох, нөхцөл байдлыг зохицуулах олон улсын хамтын нийгэмлэгийн үйл ажиллагаа хангалтгүй байна. Энэ бүхнийг харгалзан Бүгд Найрамдах Арцах Улсын эрх баригчид Оросын энхийг сахиулах командлалын гал зогсоох саналыг хүлээн авч байна гэж мэдээлжээ.
Азербайжаны армийн цэргийн ажиллагаа есдүгээр сарын 19-ний мягмар гарагт эхэлсэн. Тус улсын Ерөнхийлөгч Алиевын хэлснээр, зөвхөн нэг болзол буюу Карабахын нутаг дэвсгэрт армян цэргүүд бууж өгөхөд л дайтах ажиллагааг зогсоох боломжтой гэж байсан юм.
Энэ удаагийн ганцхан хоногийн мөргөлдөөний улмаас 30 гаруй хүн амь үрэгдсэн гэх мэдээлэл байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.