ОХУ шатахууны экспортоо түр хориглосон талаар олон улсад албан ёсоор мэдээлэл цацагдаад байгаа. Энэхүү хориг манай улсад нөлөөлөх эсэх талаар Уул уурхай хүнд үйлдвэрийн сайд Ж.Ганбаатар мэдээлэл хийлээ.
Тэрбээр “ОХУ-ын Засгийн газрын 2023 оны есдүгээр сарын 21-ний тогтоолоор ОХУ-аас арилжааны бензин дизель түлш экспортлохыг түр хугацаагаар хориглосон. Уг тогтоолыг тодруулж, Гадаад харилцааны яамнаас албажиж, манай яаманд ирсэн.
Тогтоолд тодорхой нэр төрлийн дизель түлш болоод авто бензиний экспортод хориг тавьсан. Тодорхой нэр төрлийн дизель түлш гэдэг нь Евро-Азийн гаалийн кодын ангиллаар заасан зарим нэр төрлийн дизель түлшийг экспортлох боломжтой.
Өөрөөр хэлбэл, "Роснефть" компаниас манай руу экспортолж буй дизель түлш багтах боломжтой гэж харж байгаа. Эцсийн шийдвэр хоёр хоногийн дараа гарна. Тогтоолыг уншаад үзэхэд манай импортолж буй дизель түлш энэ хоригт багтаагүй гэж ойлгож болно. Гэвч үүнийг тодруулж байгаа. АИ-92, АИ-95 шатахууны хувьд хоригт орсон. Энэ нь ямар нэгэн улс төрийн шалтгаантай зүйл биш.
Гурван сарын өмнөөс ОХУ-ын шатахууны үнэ зах хязгаар нутагтаа нэмэгдсэн. Тиймээс үнийг нь тогтворжуулах арга хэмжээг ОХУ шат шатандаа авсан. Энэ хүрээнд тогтоол гарсан. Зөвхөн Монгол Улс багтаагүй. Дэлхийн бүх улс хамаарагдаж байгааг хэлье.
ОХУ дотооддоо шатахууныг дийлэнх тохиолдолд евро-5 ангиллын бензин хэрэглэдэг. Манай хэрэглэж буй нь евро-2 гэдгийг та бүхэн мэдэж буй. Тиймээс “Ангарский” үйлдвэрийн евро-2 авто бензин энэ тогтоолд хамаарахгүй байх магадлалтай. Үүнийг хоёр хоногийн дараа мэдээлнэ.
Тогтоолд Засгийн газрын комисс хоорондын гэрээтэй бол хамаарахгүй байх магадлалтай гэсэн үг өгүүлбэр байгаа.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.