АНУ-ын Худалдааны яам Хятад болон бусад улс орнуудад хагас дамжуулагчийн үйлдвэрлэлийг санхүүжүүлэхэд АНУ-ын засгийн газрын татаасыг ашиглахыг хориглоно. Энэхүү шийдвэр нь АНУ-ын үндэсний аюулгүй байдлыг хамгаалах шаардлагаас үүдэлтэй гэж Ройтерс агентлаг мэдээллээ.
"Чипс ба шинжлэх ухааны тухай" хуульд засгийн газраас 52.7 тэрбум ам.долларын татаас олгохыг тусгасан. Энэ хөрөнгийг өндөр технологийн чиглэлээр төрөл бүрийн судалгаа хийх, мөн ажиллах хүчнийг хөгжүүлэхэд зарцуулах ёстой. Хязгаарлах арга хэмжээний эцсийн жагсаалтыг нийтлэсний дараа АНУ-ын ерөнхийлөгч Жо Байдены засаг захиргаа хагас дамжуулагч үйлдвэрлэгчдэд 39 тэрбум долларын санхүүгийн тусламж үзүүлэх боломжтой болно.
Эцсийн хувилбарын гол заалтуудын дагуу тэтгэлэг авагчид хөрөнгөө Хятад, Орос зэрэг гадаад орнуудад үйлдвэрлэлээ өргөжүүлэхэд ашиглах, хамтарсан судалгаа хийх, холбогдох байгууллагуудын туслалцаатайгаар бий болгосон технологийн лиценз олгох боломжгүй болно.
Энэ нь 8-р сарын 1-нээс эхлэн барууны орнуудад нийлүүлэх газрын ховор металлын (галли, германий) экспортыг хязгаарласан Хятадын эрх баригчдын үйл ажиллагаанд АНУ-ын хариу арга хэмжээ болж байна. БНХАУ-ын Худалдааны яам энэ шийдвэрээ үндэсний аюулгүй байдал, эрх ашгийг хамгаалсан гэж тайлбарлаж байв.
Хязгаарлалтын арга хэмжээ авсны дараа галли, германий бүтээгдэхүүний экспорт тэг болж буурсан. Хятад бол газрын ховор металлын бүрэн мөчлөгтэй дэлхийн цорын ганц орон юм. Тус улс янз бүрийн тооцоогоор дэлхийн зах зээлийн 60-85 хувийг хянадаг.
Эх сурвалж: Лента.ру
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.