Испанийн эрх баригчид Шакираг татварын хэрэгт буруутгаж байна

 Испанийн эрх баригчид  Колумбын алдарт дуучин Шакираг татвараас зайлсхийсэн хэрэгт хоёр дахь удаагаа буруутгав. Дуучин хэсэг хугацаанд Испанид амьдарч байсан юм. 

Испанийн прокурорууд түүнийг 2018 онд Эль Дорадо аялан тоглолтынхоо орлогоос улсад 6.7 сая евро буюу 7 сая орчим доллар дутуу төлж, бусад орлогоо нуусан гэж буруутгаж байна.

Эрх баригчдын мэдээлснээр 2018 онд Шакира хуучин найз залуу, хөлбөмбөгчин Жерар Пикегийн хамт Барселонад байнга амьдарч байсан тул Испанийн татварын оршин суугч байжээ.

Хэргийг өнгөрсөн долдугаар сард шалгаж эхэлсэн ч мягмар гарагт л дэлгэрэнгүй мэдээлэл өгсөн юм.

RTVE телевизийн мэдээлснээр 46 настай дуучин бүсгүй энэ хэргүүдийн талаар мэдэж байгаа ч одоо амьдарч буй Майами дахь Шакирагийн хуулийн баг 11-р сарын 20-нд эхэлж, 2012-2014 оныг хамарсан анхны хэргийн шүүх хуралд бэлтгэхэд анхаарлаа хандуулж байна гэж Ройтерс мэдээлэв.

Энэ хэрэгт түүнийг 2012-2014 оны хооронд 14.5 сая еврогийн татвар төлөөгүй хэмээн буруутгаж байгаа юм. Дуучин өөрөө буруугүй гэдгээ удаа дараа мэдэгдсээр ирсэн.

Испанийн эрх баригчид Шакира Испанид татварын оршин суугч байхдаа бүх орлогоосоо татвар төлөх ёстой байсан гэж мэдэгдэж байсан ч дуучин  "татвар багатай, шилэн байдал өндөртэй орнуудад бүртгэлтэй компаниуд" руу шилжүүлжээ.

Шакира саяхан өгсөн ярилцлагадаа "Надад миний зөв гэдгийг батлах хангалттай нотолгоо байгаа гэдэгт итгэлтэй байна. Шударга ёс миний талд байх болно." гэжээ.

Эх сурвалж: ВВС