Энэ мэдээ хуучирсан буюу 2023-10-30 нд нийтлэгдсэн байна.

Хотын бүтээн байгуулалтад үнэтэй хувь нэмэр оруулсан ахмадуудад хүндэтгэл үзүүллээ

10/ 30/ 2023    11 цаг 41 минут

Монгол Улсын нийслэл Улаанбаатар хот үүсэн байгуулагдсаны түүхт 384 жилийн ой тохиож буй. Уг тэмдэглэлт ойн хүрээнд Нийслэлийн Засаг дарга бөгөөд Улаанбаатар хотын Захирагч Х.Нямбаатар хотын бүтээн байгуулалтад үнэтэй хувь нэмэр оруулсан нийслэлийн ахмадуудын төлөөлөлд хүндэтгэл үзүүллээ. Тухайлбал, цахилгаан станц, дулааны станц, төмөр зам, боловсрол, хот байгуулалт, нийтийн аж ахуйн салбарт олон жил үр бүтээлтэй ажилласан хүндтэй эрхмүүдийг хүлээн авч уулзсан юм.

Энэ үеэр Хотын дарга Х.Нямбаатар “Орчин цагийн хот байгуулагдаж, өөрийн гэсэн өнгө төрхөө олоход үе үеийн ахмадууд мэдлэг чадвар, залуу насаа зориулсан. Залуус хотын бүтээн байгуулалтад оролцох, хот рүү тэмүүлэх хандлага 1960-аад оноос эрчимжиж эхэлсэн. Өдгөө бид их хот гэх статус руу шилжсэн гэдгийг одоогийн Улаанбаатар хотын иргэд, олон нийт ойлгож, хотын дүрэм, стандартыг мөрдөж амьдрах ёстой. Иймд нийслэл Улаанбаатар хотын авто замын түгжрэлийг бууруулах, гэр хорооллыг орон сууцжуулах анхдагч хууль болон дагалдах 30 хуульд нэмэлт өөрчлөлт оруулахаар хуулийн төсөл боловсруулан, УИХ-д өргөн барьсан. Цаашид бид та бүхний босгосон энэ их хотыг стандарттай болгож, түүнийг хүн бүр дагаж мөрдөх боломж нөхцөлийг хангахаар зоримог алхмуудыг хийнэ. Ирэх жилүүдэд хотоо улам өргөжүүлэн, хөгжүүлэхэд нийслэлийн удирдлагууд хичээнгүйлэн ажиллах болно” хэмээсэн юм.

Мөн нийслэл хотынхоо бүтээн байгуулалт, хөгжил дэвшлийг цогцлооход мөр зэрэгцэн ажиллаж явсан ахмадууд сэтгэгдлээ хуваалцлаа.

Хөдөлмөрийн баатар Д.Жүгдэр:

-Миний бие нийслэл Улаанбаатар хотын хөгжил дэвшилд, тэр дундаа барилгажилт, их бүтээн байгуулалтын ажилд 40 гаруй жил хүчин зүтгэсэн. 1967 онд сургуулиа төгсөөд аж ахуйн тооцоот нэгдсэн бригад байгуулж, өнөөгийн Улаанбаатар хотын ихэнх орон сууцны хорооллыг хамт олныхоо хүчээр барьж явлаа. Манайх орон сууцаар дагнасан бригад байсан юм. Мөн Хувьсгалын музей, Лениний музей, Тооцоолон бодох төв, гурилын үйлдвэр зэргийг барихад гар бие оролцож явлаа. Улаанбаатар хотынхоо хөгжил дэвшилд хувь нэмэр оруулж, барилга бүтээн байгуулалтын ажилд хамт олонтойгоо мөр зэрэгцэн ажиллаж явсандаа үргэлж талархаж явдаг.

Улаанбаатар хотын Ерөнхий менежер асан, Үйлчилгээний гавьяат ажилтан Т.Гантөмөр:

-Миний бие 1992-2016 он хүртэл НИТХ-д зургаан удаа буюу 24 жил сонгогдож, НИТХ-ын төлөөлөгч, байнгын хорооны дарга, тэргүүлэгч, намын бүлгийн даргын алба хашиж явлаа. 1994 онд НИТХ-аар Улаанбаатар хотын ойн өдрийг тэмдэглэх тухай хэлэлцэн, нийслэл өөрийн гэсэн газар нутгийн хил хязгаартай, туг, сүлд тэмдэгтэй байхаар баталж, Монгол Улсын нийслэлийн төв Улаанбаатар хот болж байсан түүхтэй. Хэдий Улаанбаатар хот өдгөө 384 жилийн түүхтэй ч 1940-1950 оны хооронд эрчимтэй барилгажилт явагдаж, хүн амьдрах таатай орчин, цэцэрлэгжүүлэлт, ногоон байгууламж, авто замын сүлжээ, дэд бүтэцтэй метрополис хот болох суурь тавигдсан. Энэ бол нэг өдрийн дотор бий болгох ажил биш. Үе үеийн хотын удирдлагууд, нийслэлийн иргэдийн оролцоотойгоор өнөөдөр ийнхүү 1.7 сая хүн амтай, орчин үеийн метрополис хот болон хөгжиж байна. Хотод тулгамдсан олон асуудал бий. Тэдгээрийг Нийслэлийн Засаг дарга Х.Нямбаатар эрхзүйн хүрээнд шийдэхээр хэд хэдэн хуульд нэмэлт өөрчлөлт оруулан, УИХ-д өргөн барьсан байна. Үүнийг одоо л хийхгүй бол хэзээ хийх билээ. Тиймээс хуулийн төслийг нийслэлийн ахмад ажилтны хувиар дэмжиж байгаа.

Улаанбаатар хотын Ерөнхий архитектор асан Я.Шархүү:

-Би 1969-1978 оны хооронд Улаанбаатар хотын Ерөнхий архитектораар ажилласан. Тухайн үед нийслэл хот эрчимтэй хөгжиж байв. Учир нь Улаанбаатар хотын орон сууцны хангамж, нийтийн тээврийн үйлчилгээ, хүн амын амьдралын чанарт тэр үеийн хотын хөгжлийн бодлого төвлөрч, нийслэлийн удирдлагууд уйгагүй ажиллаж байсан. Монгол Улсын хүн амын өсөлт, ирээдүйн хөгжлийн бодлоготой уялдуулан эрүүл мэндийн барилга, их дээд сургуулийн өргөтгөл баригдаж, троллейбусны шугам тавьсан. Мөн инженерийн дэд бүтэц эрчимтэй хөгжин, 3,4 дүгээр цахилгаан станцыг байгуулж байв. Түүнээс гадна орон сууцны томоохон хорооллууд сүндэрлэж, суурьшлын бүсийг тогтоож байлаа. Өдгөө хүн амын тоо хурдацтай нэмэгдэж байгаа энэ үед зэрэгцээ байгаа хөдөө аж ахуйн суурьшил, үйлдвэрлэлийг дэмжих хэрэгтэй. Өөрөөр хэлбэл, хот хөдөөгийн хөгжлийг уялдуулан бодлого, шийдвэрээ гаргах ёстой гэв.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

Ойрын өдрүүдэд нутгийн хойд хэсгээр дуу цахилгаантай аадар бороо орно6 сар 24. 14:05ЦЕГ: Хүүхдийн эрхийг зөрчсөн 82 иргэнд 24.600.000 төгрөгийн торгуулийн шийтгэл оногдуулав6 сар 24. 12:19ХҮЭК-т сонгуультай холбоотой гэм хэргийн шинжтэй 182 гомдол мэдээлэл иржээ6 сар 24. 12:09МАН-ын дарга, Ерөнхий сайд Л.Оюун-Эрдэнэ: 2025 оныг залуучуудын жил болгоно6 сар 24. 12:05Нэр дэвшигч, нам, эвсэл хандив болон сонгуулийн зардлын тайлангаа Аудитын байгууллагад хүргүүлж, ил тод мэдээлнэ6 сар 24. 11:05Нам, эвслийн дарга нарын хамгийн олон давтамжтай “үгс”6 сар 24. 10:59ЭМД-ын шимтгэлээ 2019 оноос тасралтгүй төлснөөр тусламж үйлчилгээ авах боломжтой6 сар 24. 10:56Дүнжингарав худалдааны төвийн уулзвараас 133 дугаар сургууль хүртэлх авто замын өргөтгөлийн ажил хийгдэж байна6 сар 24. 10:51Нийтийн тээврийн үйлчилгээнд шинэ чиглэлүүд нэмлээ6 сар 24. 10:47Монгол Улсын Ерөнхийлөгч У.Хүрэлсүхийн Бүгд Найрамдах Узбекистан Улсад хийх төрийн айлчлал эхэллээ6 сар 24. 10:42Р.Даваадорж: Төсвийн 5-7 тэрбумаар Сэлэнгэ аймагт “балгас” барьсан байхыг харлаа6 сар 24. 10:38Нийслэлийн хэмжээнд гамшгаас хамгаалах өндөржүүлсэн бэлэн байдлын зэрэгт шилжлээ6 сар 23. 16:54Гэр, хашаа, гудамж, талбайд ус орсон 70 дуудлага, мэдээллийн дагуу ажиллалаа6 сар 21. 20:20Үерийн далан халих эрсдэлээс сэргийлж Дунд голын төгсгөлд зөвшөөрөлгүй барьсан түр замыг сэтэллээ6 сар 21. 13:36Иргэдийн аюулгүй байдлыг хангаж, бэлэн байдалд ажиллаж байна6 сар 21. 10:45Шар хоолойн 3 км автозамын ажил удахгүй эхэлнэ6 сар 21. 10:39Ц.Энхбат: Үр хүүхдэдээ новшийн нийгэм үлдээчхээд “би сошиал дээр зөндөө сэтгэгдэл бичсэн” гээд сууж баймааргүй байна6 сар 21. 10:36Монгол Улсын Арслан Б.Ганбат: Б.Заяабал бол бэлтгэгдсэн төрийн хүн6 сар 19. 20:22С.Батсайхан: Ус зайлуулах шугам угсарсан газруудад үзлэг хийхэд ус тунасан асуудал гараагүй6 сар 19. 19:23Б.Заяабал: Баруун бүст Ховдын цементийн үйлдвэртэй адил том оврын гангийн үйлдвэр байгуулахаар мөрийн хөтөлбөрт туссан6 сар 19. 13:55Хотын реформын автор Э.Бат-Амгалан6 сар 19. 13:09Д.Оюунбат: Өчигдөр шөнө орсон аадраар үерийн нөхцөл байдал үүсээгүй6 сар 19. 10:32Сайдын дэвшсэн тойрогт пуужингийн хуртай6 сар 19. 9:49Туркийн нэг ч аяллын компанид агнуурын тусгай зөвшөөрөл олгоогүй6 сар 19. 9:12Нийслэл 2024 онд багтан бонд гаргаж, дотоодын зах зээлд арилжаална6 сар 19. 9:05НӨАТ-ын сугалааны тохирол явагдана6 сар 19. 8:54Хүнийг 48 цагийн дотор үхэлд хүргэх аюултай, “эдээр хооллодог” нянгийн өвчлөл Японд тархаад байна6 сар 19. 8:49Улаанбаатарт дуу цахилгаатай бороотой6 сар 19. 8:43Зурхай: Үс шинээр үргээлгэх буюу засуулбал жаргал ирнэ6 сар 19. 8:41Завхан аймагт болсон үерт 5 багийн 158 өрх өртжээ6 сар 18. 21:33Харцага Ц.Бямба-Отгонд Улсын арслан цолыг нөхөн олгов6 сар 17. 11:41Төв цэнгэлдэх хүрээлэнгийн гадна талбайн ногоон байгууламжийн ажил 40 хувьтай үргэлжилж байна6 сар 17. 10:39Улаанбаатарт +29...+31 градус дулаан байна6 сар 17. 8:16Зурхай: Сэтгэлд сэвтэй газар очиход муу6 сар 17. 8:14Ардчилсан намын дарга Лу.Гантөмөр эмгэнэл илэрхийллээ6 сар 17. 8:02Б.Заяабал: "Шинэ хоршоо" хөтөлбөр амжилттай хэрэгжиж байна6 сар 15. 16:47Шинэ хоршоологчдод алдаа оноогоо дэнслэх судалгаа, туршлага хэрэгтэй6 сар 15. 16:28Ричард Бреслин: Улаанбаатар хотын төв цэнгэлдэх хүрээлэнг бүрэн шинэчлэх шаардлагатай6 сар 14. 17:00“ASIAN FOLK” АЗИЙН ХОТУУДЫН АРДЫН УРЛАГ, ГАР УРЛАЛЫН НААДАМ ЭХЭЛЛЭЭ6 сар 14. 14:25Ерөнхий сайд Л.Оюун-Эрдэнэ 30 саяын машин, 364 саяын орон сууцтай6 сар 14. 9:11
 Facebook Twitter Youtube