ҮАБЗ-өөс Үндэсний аюулгүй байдалд нөлөөлж болохуйц гэмт хэргийн шинжтэй үйлдлүүдийн талаар мэдээлэл өглөө.
Ерөнхийлөгчийн нэр төрд халдсан, худал мэдээлэл тараасан талаарх мэдээлийг ЦЕГ-ын Кибер гэмт хэрэгтэй тэмцэх хэлтсээс өглөө.
Мэдээлэлд "Энэ оны 11 дүгээр сарын 19-ний өдөр Цахим ертөнц нэртэй цахим хаягаас хүний мэдээлэл дуу хоолойг өөрчлөн засварлах боломжтой программ ашиглан Монгол Улсын Ерөнхийлөгч У.Хүрэлсүхийн 9 дүгээр сарын 1-ний өдрийн телехичээлийн дүрс бичлэгийг ашиглан хятад хэлээр ярьж байгаа мэт хиймэл оюун ухааны тусламжтайгаар бүтээсэн 38 секундын хуурамч бичлэг үйлдэж, олон нийтийн цахим сүлжээнд буюу БНХАУ-ын ӨМӨЗО-ны "Талын дуу хоолой радио үзэх" пэйж сувгаар нийтлэгдсэн. Энэ асуудалд цагдаагийн байгууллагаас мөрдөн шалгах ажиллагаа явуулж байгаа.
Хойшлуулашгүй мөрдөн шалгах ажиллагаа явуулахад уг бичлэгийг Монгол Улсын иргэн М, А нар цахим орчинд тараасан нь гэмт хэргийн шинжтэй байж болзошгүй нөхцөл тогтоогдсон тул сэжигтнээс мэдүүлэг авч, М, А нарыг баривчлан, худал мэдээлэл тараасан байж болзошгүй үндэслэлээр эрүүгийн хэрэг үүсгэн яллагдагчаар татан шалгаж байна." гэв.
Сэтгэгдэл (1)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Интернет ашиглаж ингэж элийрэгчдийг бусдад нь сургамж болохоор хатуухан шийтгэх хэрэгтэй.