Владимир Зеленский Польшийн тээвэрлэгчид шалган нэвтрүүлэх боомтуудыг хаасантай холбоотойгоор "Одоо Украин хөрш орнуудынхаа улс төрийн алхмуудаас болж нөхцөл байдлын хувьд хил дээрээ хүндрэлтэй байна" гэж мэдэгдлээ.
-Бид хил дээрээ асуудалтай байна. Энэ нь юуны өмнө хөрш орнууд маань улс төрийн ямар нэг алхам хийсэнтэй холбоотой гэж бодож байна. Маш тэнцвэртэй бодлого явуулах хэрэгтэй гэж би үзэж байна. Үйл ажиллагааны төлөвлөгөөтэй байх хэрэгтэй. Бидэнд ийм төлөвлөгөө бий" гэж Зеленский хэлэв.
Украины Ерөнхийлөгчийн хэлснээр албаны хүмүүс энэ чиглэлээр аль хэдийн ажиллаж эхэлсэн байна. Одоо Киев хил дээр байгаа хөршүүддээ хугацаа өгөх хэрэгтэй гэж Зеленский тэмдэглэжээ.
Львов хотын дарга Андрей Садовой өмнө нь Польш бодит байдалдаа эргэн орж, Украйны "бүслэлт"-ээ зогсоох ёстой гэж мэдэгджээ.
АНУ-д суугаа Украины Элчин сайд асан Валерий Чалын хэлснээр, Польштой хиллэдэг хилийн хэсэгт Украины тээврийн жолооч нарыг хориглож бүслэн хаагаад байгаа нь хууль бус бөгөөд Киев энэ хөрш улсаа шүүхэд өгөх ёстой гэжээ.
Арваннэгдүгээр сарын эхээр Польшийн тээвэрлэгчид Украинтай хиллэдэг автомашины шалган нэвтрүүлэх цэгүүдийг хаасан тухай мэдээлэл гарсан. Тус арга хэмжээнд оролцогчид зөвхөн амьд амьтан, хүмүүнлэгийн болон цэргийн тусламж тээвэрлэж буй автомашин, автобус, тээврийн хэрэгслийг нэвтрүүлэх юм. Эсэргүүцлийн жагсаал албан ёсоор бүртгэгдсэн бөгөөд нэгдүгээр сарын 3 хүртэл үргэлжлэх төлөвтэй байна.
Эх сурвалж: Vm.ru
Сэтгэгдэл (1)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Хохоолууд ч хавь ойрынхноо залхааж дууслаа даа.