“УИХ-ын “Нүүрсний хулгай”-г хянан шалгах Түр хороо УИХ-ын Хяналт шалгалтын тухай хуульд заасны дагуу өнөөдөр /2023.11.27/ хуралдлаа. Хуралдаанаар нүүрсний хэргийг хянан шалгах нотлох баримтыг шинжлэн судлах сонсголын албан ёсны товыг зарлаж, холбогдох гэрчийн нэрийг зарлах асуудлыг хэлэлцсэн. Ийнхүү хэлэлцсэн асуудалтай холбогдуулан мэдээлэл өглөө.
УИХ-ын “Нүүрсний хулгай”-г хянан шалгах Түр хороо хуралдаж, гишүүд 54,5 хувийн ирцтэй оролцлоо. Хуралдаанаар дараах хоёр асуудлын талаар хэлэлцэн баталлаа. Үүнд:
Эхний сонсголыг 2023 оны арванхоёрдугаар сарын 4-8-нд
-“Тавантолгой” ХК-ны болон “Эрдэнэс-Тавантолгой” компанийн нүүрс олборлолт, тээвэрлэлт, борлуулалт, экпортын үйл ажиллагаа болон бусад бараа ажил үйлчилгээ худалдан авалтад хяналт, шалгалт хийх.
-“Тавантолгой” ХК-д эрх бүхий байгууллагаас хийгдсэн хяналт шалгалтууд тэдгээрийн үр дүнд авсан арга хэмжээ
- “Эрдэнэс-Тавантолгой” компанийн үүсгэн байгуулагдсанаас хойшхи үйл ажиллагааны санхүүгийн болон ерөнхий мэдээлэл
- “Эрдэнэс-Тавантолгой” компанийн бараа ажил үйлчилгээ, худалдан авалтын үйл ажиллагаа, 2011-2023 оны 10 дугаар сарын гэрээт олборлогч компаниуд болон бусад бараа ажил үйлчилгээ худалдан авалтын үйл ажиллагааг эхний сонсголоор хэлэлцэнэ
Хоёр дахь сонсголыг 2023 оны арванхоёрдугаар сарын 18-22-нд
-“Эрдэнэс-Тавантолгой” компанийн нийт олборлолт, экспортын үйл ажиллагаа,
- “Эрдэнэс-Тавантолгой” компанийн тээвэрлэлийн үйл ажиллагаа
-“Эрдэнэс-Тавантолгой” компанийн охин болон хараат компаниудын хөрөнгө оруулалт тэдгээрийн үйл ажиллагааны хэрэгжилт
- “Эрдэнэс-Тавантолгой” компанийн санхүүжүүлсэн бусад төслүүд
- “Эрдэнэс-Тавантолгой” компанид эрх бүхий байгууллагаас хийсэн хяналт шалгалт тэдгээрийн үр дүнд авсан арга хэмжээ
-Хяналт шалгалтаар илэрсэн бусад асуудлыг хэлэлцэнэ.
Нийт 15 хянан шалгагч шинжээч томилсон. 17 хянан шалгагчийн бүрэлдэхүүнтэйгээр нэг сар гаруй ажиллаад байна. Энэ хугацаанд нотлох баримт нэмж цуглуулахаар төрийн 30 байгууллага, төрийн өмчит 5 компани, 2 ААН гээд нийт 37 байгууллагад нотлох баримт гаргуулахаар албан бичиг хүргүүлсэн. Газар дээрх хяналт, шалгалт хийсэн.
1. “Эрдэнэс-Тавантолгой” компанийн үүсгэн байгууллагаас хойшхи үйл ажиллагаа болон санхүүгийн мэдээллийг авч үзэж байгаа.
2. Тавантолгой ХК үйл ажиллагаа болон санхүүгийн мэдээлэл
3. ГЕГ-аас ирүүлсэн 1.5 сая гаруй мэдүүлгийн дэлгэрэнгүй жагсаалт, түүний программын 270 мянган бүртгэл, 630 гаруй худалдах, худалдан авах гэрээ, 110 гаруй олборлолтын гэрээ болон 10 гаруй жилийн уулын ажлын тайлан, санхүүгийн программын дата
4. Гашуунсухайт дахь Гаалийн ерөнхий газраас Цагаанхадад байрлах 36 хяналтын бүсээс 2.5 сая гаруй нэвтэрсэн тээврийн хэрэгслийн бичлэг
5. “Эрдэнэс-Тавантолгой” компанийн 2023 оны 10 дугаар сарын 31 хүртэлх нүүрс худалдах, худалдан авах 698 гэрээ, борлуулалтын тайланг нягталж, “Эрдэнэс-Тавантолгой” компанийн арилжааны банкинд бүртгэлтэй 75 дансны 10 мянга орчим гүйлгээг данс хөөх аргаар шалгаж байна.
6. “Эрдэнэс-Тавантолгой” компанийн бараа ажил үйлчилгээ худалдан авалтын үйл ажиллагаатай холбоотой нийт 943 гэрээ, тэдгээртэй холбоотой 188 мянга гаруй материалыг үзэж байна.
7. Давхардсан тоогоор 20272 хуулийн этгээдээр бүртгэлтэй үүсгэн байгуулагч эцсийн өмчлөгч, хувьцаа эзэмшигч гүйцэтгэх удирдлагаар ажиллаж байсан болон ажиллаж байгаа 217629 иргэн, ААН-ын мэдээллийг холбоо хамаарлыг тогтоож байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.