Б.Энхбаяр: Бүртгэлтэй 1200 гаруй журмыг хүчингүй болгож, Засгийн газрын болон яамдаас батлах журмын хамгийн дээд хязгаарыг 500 байхаар тогтлоо

Засгийн газрын ээлжит хуралдаан боллоо. Хуралдаанаас гарсан шийдвэрийн талаар ЗГХЭГ-ын дарга Д.Амарбаясгалан, ХЗДХ-ийн сайд Б.Энхбаяр нар мэдээлэл өгөв. 

ХЗДХ-ийн сайд Б.Энхбаяр "Өнөөдөр манай улсад хэчнээн хууль тогтоомж хэрэгжиж байгааг судалж үзсэн. Өнөөдрийн байдлаар 437 хууль хүчин төгөлдөр үйлчилж байна. Уг хуулийн 300 хуульд ямар нэгэн журам батлах эрх олгосон заалт байна. 2500 гаруй журам батлахаар хуульчилж өгчээ. ХЗДХЯ-нд бүртгэгдсэн журам хууль зүйн хувьд хүчинтэй бөгөөд нийтээр дагаж мөрдөх хэм хэмжээтэй байдаг.  Улсын бүртгэлийн газарт 2595 журам бүртгэлтэй байна. 2018 онд 906 журамтай байсан байна. Сүүлийн хэдэн жилд энэ тоо эрс нэмэгджээ.

Голлох хүчин зүйл нь Хог хаягдлын тухай хууль, Эрчим хүчний тухай хууль, Малын тоо толгой, албан татварын тухай хууль 800 гаруй журмыг ИТХ баталжээ.  2300 журмын 33 хувь нь сайд нарын батласан журмууд байна. Засгийн газраас 600 гаруй журам баталжээ. Тодруулбал,

БОАЖЯ-89

БХБЯ-146

Сангийн яам-88

ХЗДХЯ-91 журам баталжээ.

Засгийн газрын агентлагуудаас нийт 173 журам баталжээ. Тодруулбал

ГЕГ-35

ТЕГ-47

Мал эмнэлгийн ерөнхий газар-25 журам баталжээ

ХЗДХЯ-нд бүртгэлгүй буюу баталчхаад бүртгүүлээгүй 850 гаруй журам байгаа нь тогтоогдлоо.  Тиймээс Ерөнхий сайдаас улс төрийн шийдвэр гаргаж энэ бүртгэлгүй журмыг хүчингүйд тооцох шийдвэр гаргасан. Мөн захиргааны хэм хэмжээний актын бүртгэлтэй байгаа, гүйцэтгэх эрх мэдлээс баталсан 2500 гаруй журмыг 2 дахин багасгах шийдвэр гаргасан. Бүртгэлтэй 1200 гаруй журам шууд хүчингүй болж байна гэсэн үг. Ингээд Засгийн газрын болон яамдаас батлах журмын хамгийн дээд тоог 500 байхаар тогтлоо.

Хууль тогтоох эрх мэдлийг УИХ зөвхөн эдэлнэ. Хууль тогтоох эрх мэдлийг шилжүүлэн авах байдал хавтгайрсан байна. Энэ журмаар дамжуулж албан тушаалтан, сайд дарга нар өөртөө эрх мэдэл хураах, авлигажих үндсэн шалтгаан нөхцөл болж байна. Түүнчлэн эдгээр журмаар дамжуулж иргэдэд хүнд суртал үүсгэж байгаа асуудлыг шийдвэрлэж байна. Цаашдаа ирэх оны нэгдүгээр улиралд багтаан эдгээр журмыг хуульд өөрт нь багтаах ажлын хэсгийг байгуулахаар болж байна гэв.