Энэ мэдээ хуучирсан буюу 2023-12-05 нд нийтлэгдсэн байна.

Б.Энх-Амгалан: Цахим худалдааны чиглэлд эрх зүйн таатай орчныг бүрдүүлэхэд парламент хоорондын хамтын ажиллагаа чухал

12/ 5/ 2023    10 цаг 36 минут

Монгол Улсын Их Хурлын гишүүн, Улсын Их Хурлын Аюулгүй байдал, гадаад бодлогын байнгын хорооны дарга Б.Энх-Амгалан тэргүүтэй төлөөлөгчид Бүх Хятадын Ардын Төлөөлөгчдийн Их Хурал (БХАТИХ)-ын Гадаад хэргийн хорооны урилгаар Бүгд Найрамдах Хятад Ард Улсад ажлын айлчлал хийж байгаа билээ.

Монгол Улсын Их Хурлын Аюулгүй байдал, гадаад бодлогын байнгын хорооны дарга, гишүүдийг өчигдөр (2023.12.04) БХАТИХ-ын Байнгын хорооны дэд дарга Луосан Жанцун хүлээн авч уулзав.

БХАТИХ-ын Байнгын хорооны дэд дарга Луосан Жанцун манай хоёр улсын төр, засгийн тэргүүн нарын уулзалтын давтамж нэмэгдэж, харилцаа, хамтын ажиллагаа өргөжин хөгжиж байгаад баяртай байгаагаа уулзалтын эхэнд тэмдэглэв. Тэрбээр, эдийн засгийн харилцаа, тэр дундаа Монгол Улстай хийсэн худалдааны хэмжээ 12.2 тэрбум ам.долларт хүрсэн, өнгөрсөн оны 10 дугаар сартай харьцуулахад 30 хувиар нэмэгдсэн үзүүлэлт гарч, 20 тэрбум ам.долларт хүргэх бүрэн боломжтой юм. Бидний зүгээс Монгол Улсын төрийн тэргүүний санаачилсан “Тэрбум мод” хөтөлбөрийг дэмжиж байгаа бөгөөд Цөлжилттэй тэмцэх төвийг хамтран байгуулан ажиллаж байна. Ирэх онд БНХАУ, Монгол Улс хооронд дипломат харилцаа тогтоосны 75 жил, Найрсаг харилцаа, хамтын ажиллагааны тухай гэрээ байгуулсны 30 жилий ой тохионо. Манай хоёр улсын төрийн тэргүүн нарын түвшинд нэгдсэн ойлголцолд хүрсэн ажлуудын хэрэгжилтийг хангах, бодит үр дүнд хүргэхэд Бүх Хятадын Ардын Төлөөлөгчдийн Их Хурал, Монгол Улсын Их Хурал хоорондын хамтын ажиллагааны байнгын механизм чухал үүрэгтэй гэлээ.

Улсын Их Хурлын Аюулгүй байдал, гадаад бодлогын байнгын хорооны дарга Б.Энх-Амгалан БХАТИХ-ын Байнгын хорооны дэд даргатай уулзаж байгаадаа баяртай байна гээд Монгол Улс, Бүгд Найрамдах Хятад Ард Улсын төр, засгийн тэргүүн нар 2022, 2023 онд албан ёсны хэлэлцээ, уулзалт хийж, хоёр улсын хамтын ажиллагааны асуудлаар өргөн хүрээнд санал солилцон, ирээдүйн хамтын ажиллагааны хэтийн зорилтоо хамтдаа тодорхойлсон болохыг тэмдэглэв. Тэрбээр хэлэхдээ, манай хоёр улсын төр, засгийн тэргүүн нарын түвшинд нэгдсэн ойлголцолд хүрсэн ажлуудыг бодит ажил хэрэг болгох, хоёр улсын худалдаа, эдийн засгийн хамтын ажиллагааг хөгжүүлэх, эрх зүйн таатай орчин бүрдүүлэхэд хууль тогтоох байгууллага хоорондын харилцаа, хамтын ажиллагаа чухал юм. Парламент хоорондын хамтын ажиллагааг улам бүр бэхжүүлэх, шинэ шатанд гаргахад энэхүү айлчлал бодит үр дүнгээ өгнө гэдэгт эргэлзэхгүй байна. Монгол Улсын Их Хурал, Бүх Хятадын Ардын Төлөөлөгчдийн Их Хурал хооронд байгуулсан хамтын ажиллагааны байнгын механизмын үйл ажиллагааг эрчимжүүлэх, Байнгын хороод хоорондын уулзалтыг тогтмолжуулах саналтай байна. 2024 онд Монгол Улсын Их Хурал, Хятадын Ардын Төлөөлөгчдийн Их Хурал хоорондын байнгын зөвлөлдөх уулзалтын механизмын 5 дахь удаагийн хурал болно. Энэхүү арга хэмжээ Монгол, Хятадын хооронд дипломат харилцаа тогтоосны 75 жилийн ой, парламент хоорондын байнгын ажиллагаатай хамтарсан механизм байгуулсны 10 жилийн ойн үеэр зохион байгуулагдаж буйгаараа чухал ач холбогдолтой гэлээ. Мөн Монгол Улсын Их Хурлын санаачилгаар “Даян дэлхийн тогтвортой хөгжлийн форум”-ыг Монгол Улсад ирэх жил зохион байгуулахаар төлөвлөж байгааг дуулган, уг хуралд БХАТИХ-ын Байнгын хорооны дэд дарга Луосан Жанцун, Байнгын хорооны гишүүд болон эрдэмтэн, судлаачдыг өргөнөөр оролцуулахыг хүсэв. Түүнчлэн Монгол, Хятадын худалдаа, эдийн засгийн засгийн хамтын ажиллагааг хөгжүүлэх, дунд хугацааны хөтөлбөрийг шинэчлэх, эдийн засгийн бодит хамтын ажиллагааг нэмэгдүүлэх, худалдааны бүтцийг сайжруулах, хөрөнгө оруулалтыг нэмэгдүүлэхэд бүхий л талаар хамтран ажиллахад бэлэн байна. Монгол Улсын Ерөнхийлөгчийн санаачилсан “Тэрбум мод” хөтөлбөрийг дэмжиж байгаад талархалтай байна. БХАТИХ-ын Гадаад хэргийн хорооны дэд дарга Фү Зыин тэргүүтэй төлөөлөгчидтэй уулзах үеэр бид боомт, дэд бүтэц, боловсрол, цахим худалдаа, хиймэл оюун ухааны хөгжлийн талаар санал солилцсон. Нэн ялангуяа цахим худалдааны чиглэлд эрх зүйн таатай орчныг бүрдүүлэхэд парламент хоорондын хамтын ажиллагаа чухал болохыг санал нэгдсэн гэлээ.

 Талууд хоёр улсын хууль тогтоох дээд байгууллагын харилцаа, хамтын ажиллагаа, хоёр талын худалдаа, эдийн засаг болон бусад асуудлаар санал солилцлоо гэж Улсын Их Хурлын Хэвлэл мэдээлэл, олон нийттэй харилцах газраас мэдээлэв.

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

Хокүсэйхо А.Даваанинж сүмогоос зодог тайлж, түүний багш Хакүхо М.Даваажаргалыг зэрэглэл бууруулжээ2 сар 23. 12:21Нийслэлийн Засаг даргын зөвлөхөөр М.Найданхүү, Ж.Энхжаргалан нарыг томиллоо2 сар 23. 10:52“Nova-C” буугч төхөөрөмж өнөөдөр саран дээр газардах төлөвлөгөөтэй байна2 сар 23. 9:00АТГ: Төрийн албан хаагчийн ёс зүй, хүнд сурталд хамаарах 6 гомдол, мэдээллийг хянан шалгав2 сар 23. 9:00Энэ оны дөрөвдүгээр сарын 1-нээс цалин, тэтгэврийг  нэмнэ2 сар 23. 8:45МЕДВЕДЕВ:  ОХУ-ын зэвсгийн үйлдвэрлэл 1500 хувиар нэмэгдсэн2 сар 23. 8:45ЦАГ АГААР:  Хангай, Хөвсгөл, Хэнтийн уулархаг нутгаар цас орж,  шуурна2 сар 23. 7:45ЗУРХАЙ: Өнөөдөр Идэрийн барилдлагатай өдөр2 сар 23. 7:30Сэлбэ голын 21,340 тонн мөсийг зөөн тээвэрлээд байна2 сар 22. 17:05УИХ-ын дарга Г.Занданшатар Бүгд Найрамдах Киргиз Улсад энэ сарын 25, 26-ны өдөр айлчилна2 сар 22. 13:08С.АМАРСАЙХАН: Малчид Төрийн банкнаас 685 тэрбум, Хаан банкнаас 580 тэрбумын зээл авсан байна2 сар 22. 12:24Яармагийн гүүр орчмын шонг өвс ачсан “Норд бенз“ мөргөжээ2 сар 22. 12:09Элон Маск Цагаан ордонд нууцаар зочилжээ2 сар 22. 9:25БНСУ-д суралцах оюутнууд суралцангаа ажиллах хөтөлбөрт хамрагдана2 сар 22. 9:13Ерөнхий сайд Л.Оюун-Эрдэнэ зудын дараах нөхөн сэргээлт, малчдын амьдралд онцгой анхаарахаа илэрхийллээ2 сар 22. 9:10" Тавантолгой төмөр зам" ХХК-д Засгийн газар, Цагдаагийн байгууллагаас шалгалт оржээ2 сар 22. 8:30ЗУРХАЙ: Улаан бар сарын гурван хөх улаан луу өдөр2 сар 22. 7:45Өнөөдөр хангайн уулархаг нутаг болон Орхон голын сав газраар цас орж  шуурна2 сар 22. 7:30Туркийн үйлдвэрлэсэн тав дахь үеийн сөнөөгч онгоц анхны нислэгээ үйлдэв2 сар 21. 19:35Орон нутгийн замд хунгарласан цасыг цэвэрлэж, үнс, давс цацаж байна2 сар 21. 19:29НИТХ-ын зөвлөл нийслэлийн төсвийн тодотголыг хэлэлцэхийг дэмжлээ2 сар 21. 19:25НӨАТ-ын урамшууллын сугалаанаас 43 261 иргэн азтан болжээ2 сар 21. 19:21МАДУРО: Венесуэл улс  удахгүй БРИКС-т элсэнэ2 сар 21. 11:00Эрдэнэбүрэнгийн УЦС-ын үндсэн барилгын ажлыг эхлэх гэрээг удахгүй үзэглэх төлөвлөгөөтэй байна2 сар 21. 10:30Папуа Шинэ Гвинейн овог аймгуудын хооронд мөргөлдөөн болж 53 хүн амь үрэгджээ2 сар 21. 10:00Өнөөдөр НӨАТ-ын урамшууллын сугалааны тохиролтой2 сар 21. 9:30Малчдын зээлийн эргэн төлөлтийг 6 дугаар сар хүртэл хойшлуулна2 сар 21. 9:10Өнөөдөр болох үйл явдал2 сар 21. 9:06ФОН ДЕР ЛЕЙЕН: ЕХ ойрын өдрүүдэд Оросын хөрөнгийн орлогыг ашиглахыг хуульчлах болно2 сар 21. 8:50Г.Занданшатар: Татварын бодлогын цогц шинэчлэл нь дотоодын үйлдвэрлэгч, ажлын байр бий болгогчдыг дэмжихэд чиглэх ёстой2 сар 21. 8:30ЗУРХАЙ: Хаврын тэргүүн улаан бар сарын дөрвөн ногоон хөхөгчин туулай өдөр2 сар 21. 7:40ЦАГ АГААР: Өнөөдөр говийн нутгийн өмнөд хэсгээр цас орж, явган шуурга шуурна2 сар 21. 7:30"Тавантолгой төмөр зам" ХХК бичлэг нь задарсан ажилтнуудаа халжээ2 сар 20. 14:50Зудын гамшигт нэрвэгдсэн малчдад УБТЗ “ХНН” 500 сая төгрөг хандивлав2 сар 20. 13:45Үндсэн хууль: Газрын хэвлий, түүний баялаг төрийн нийтийн өмч Бодит байдал: Газрын хэвлий төрийн өмч, түүний баялаг “Ажнай” Д.Бат-Эрдэнийх2 сар 20. 12:19Путин Хойд Солонгосын удирдагч Ким Жон Унд Орост үйлдвэрлэсэн машин бэлэглэжээ2 сар 20. 10:44П.Сайнзориг: Энэ онд метроны суурь судалгаануудыг хийж, барилгын ажлыг эхлүүлнэ2 сар 20. 9:59АТГ: Хэрэг бүртгэлтийн 20 хэрэг шинээр нээв2 сар 20. 9:54Сүүлийн 49 жил ажиглагдаагүй цас ихтэй жил болж байна2 сар 20. 9:45 ЮЛИЯ НАВАЛЬНАЯ: Нөхрийнхөө үйл хэргийг  үргэлжлүүлнэ2 сар 20. 8:50
 Facebook Twitter Youtube