"Эрдэм транс” ХХК-ны захирал Я.Эрдэмбилэгийг цагдаагийн байгууллагаас өнгөрсөн оны арваннэгдүгээр сараас эхэлж эрэн сурвалжилж эхэлжээ. Түүнийг оруулж ирсэн ногоон автобусуудынхаа арлын дугаар болон оныг сольж, хуурамчаар бичиг баримт бүрдүүлсэн гэх хэрэгт сэжиглэн шалгаж байсан. Шалгалтын хүрээнд автобусны бичиг баримтыг хуурамчаар үйлдэж, хуучин автобусуудыг шинэ мэтээр Авто тээврийн үндэсний төв болон нийтийн тээврийн газарт бүртгүүлсэн болохыг тогтоосон хэмээж байсан юм.
Тодруулбал, Ямааранз овогтой Эрдэнэбилэгийг залилах, хуурамч бичиг үйлдэх, ашиглах, мөнгө угаах хэрэгт эрэн сурвалжилж байна.
Содон шинж тэмдэг:
Гэмт хэрэгт сэрдэгдсэн этгээд 50 настай 185-190см өндөртэй. 100 орчим кг жинтэй, шар царайтай, өтгөн хөмсөгтэй, буржгар урт хар өнгийн үстэй, хар өнгийн нүдтэй.
Улаанбаатар хотод болон хөдөө орон нутагт орогнож байж болзошгүй. Энэ хүний талаарх мэдээллийг Цагдаагийн байгууллагын 102 тусгай дугаар болон 86225533, 91863399 дугаараар хүлээн авна. Мэдээллийн нууцлалыг чанд хадгална.
Харин улсын хилээр гарсан гэх бүртгэл байхгүй байгаа гэдгийг албаны эх сурвалж хэлж байгаа юм.
Зарим мэдээллийн хэрэгслээр түүнийг 19 тэрбум төгрөг авч яваад түүнийгээ хаяад зугтаасан гэх мэдээлэл ч байгаа юм. Тэгэхээр эрүүгийн хэрэгт сэжиглэгдэж байгаа Я.Эрдэмбилэг нь гадагшаа биш орон нутагт орогнож байж болзошгүй учир Эрүүгийн цагдаагийн газраас мөрдлөг шалгалтын ажиллагааг эрчимжүүлсэн байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.