Орон нутагт 60 тонн газ хүргэхээр Улаанбаатар хотоос гарах гэж явсан автомашин суудлын автомашинтай шүргэлцсэний улмаас "Дүнжингарав" худалдааны төвийн уулзварт дэлбэрэлт болж ойр орчноо галд автууллаа.
Ослын газарт ажилласан ОБЕГ-ын дарга Г.Ариунбуян "11 ангийн 230 гаруй алба хаагч үүрэг гүйцэтгэж байна. Галын шалтгаан нөхцөлийн тогтоохоор Үндэсний аврах бригадын химийн бүлэг хэмжилт хийлээ. Дэлбэрсэн тээврийн хэсгийн ёмкост орчим агаарын хэмжилт хийхэд одоогоор газ буюу хий илрээгүй.
Тухайн тээврийн хэрэгсэл зорчиж байсан хэсгийн хажуугийн 60 айлын орон сууцанд дэлбэрэлтийн улмаас гал гарсан. Түймрийн утаажилтын бүсэд байсан иргэдийг нүүлгэн шилжүүлэх арга хэмжээг зохион байгуулсан. Эрлийн ажиллагаа үргэлжилж байна. 7, 8, 11 давхрын буюу зүүн жигүүрийн гурван айл галд өртсөн нөхцөл байдалтай байна. Утаажилт буурсан, түймрийг хяналтдаа авсан.
Гал гарсан шалтгаан нөхцөлийг урьдчилсан байдлаар дүгнэхэд тээврийн хэрэгсэл мөргөлдөх шүргэлцэх үед тухайн ёмкост орчимд хэт халалт үүссэний улмаас дэлбэрсэн гэж урьдчилсан байдлаар үзэж байгаа. Ёмкост дэлбэрсний улмаас 40 метрийн зайд үүрэг гүйцэтгэж байсан Онцгой байдлын алба хаагчид ёмкосны дэлбэрэлтэд хүчтэй шидэгдэн амиа алдлаа. Мөн тухайн замаар зорчиж байсан хоёр иргэн өртсөн байж болзошгүй байна. Үзлэг шалгалт хийж байна" гэлээ.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.