Энэ мэдээ хуучирсан буюу 2024-01-24 нд нийтлэгдсэн байна.

Хүзүүгээр татсан хүслийн 3 жил

1/ 24/ 2024    12 цаг 41 минут

Л.Оюун-Эрдэнэ 2021 оны нэгдүгээр сарын 27-ны өдөр Монгол Улсын Ерөнхий сайдаар томилогджээ. Тэрээр ердөө хэдхэн жилийн өмнө “улстөрийн болон захиргааны эрх мэдэл нэг хүний гарт төвлөрөх ёстой” гэсэн зарчмыг МАН-ын дарга М.Энхболдод тулгаж байв. Өөрөөр хэлбэл, эрх баригч намын дарга бол ялаа ч үүр, ямбаа ч эдэл. Тиймээс дэлхийн жишгээр гүйцэтгэх засаглалын тэргүүнээ хий хэмээн “агсарч” явсан юм. Энэ ямба, ял хоёр өөрт нь ирнэ гэдгийг тухайн үед төсөөлж байсан нь юу л бол.

“Хүссэн юм хүзүүгээр татна” гэгчээр өнгөрсөн 3 жилд Л.Оюун-Эрдэнэ төрийн эрх баригч намын даргын хувьд ял үүрсэн үү, ямба эдэлсэн үү гэдгийг удахгүй иргэд үнэлнэ. Онцсайн үнэлгээ авахгүй нь ойлгомжтой. Наад захын жишээ нь, түүний итгэл үүрүүлж, томилсон нийслэлийн удирдлагуудын өнгөрсөн өдрүүдэд гаргасан “ давс мэт гашуун” шийдвэр МАН-ын рейтингийг багагүй хойш татсан гэж болно.

Монгол Улсын Ерөнхий сайдаар томилогдсон өдрөө УИХ-ын танхимд тэрээр хэд хэдэн томоохон “амлалт” өгсөн байдаг. Үүнээс, нэн тэргүүнд хүн амаа вакцинжуулах ажлыг шуурхай зохион байгуулна гэх амлалт нь хамгийн сайн биелсэн нь байж болох юм. Онцлох ёстой өөр нэг зүйл бол Оюутолгой төслийн үр өгөөжийг Монголын эрх ашигт нийцүүлэх, Дубайн гэрээг цуцлах. У.Хүрэлсүхийн Засгийн газрын Хэрэг эрхлэх газрын дарга байхаасаа эхлүүлсэн уг ажлаа Ерөнхий сайд болоод эрчимжүүлсэн. Мэдээж 100 хувь биш ч Оюутолгой төслийн Монголын Засгийн газрын 34 хувьд ногдох 2.3 тэрбум ам.долларын өрийг тэглүүлсэн, цаашид өр үүсэх эрсдэлгүй болсон. Дубайн гэрээ буюу далд уурхайн бүтээн байгуулалтыг санхүүжүүлэх төлөвлөгөөг цуцалсан, Монголын Засгийн газраас хөндлөнгийн аудит оруулахаар болсон, гүний уурхайг ашиглалтад оруулах хүртэл гарах зардлыг “Рио Тинто” хариуцахаар болсон, Монголын эрчим хүчний сүлжээнээс цахилгаан эрчим хүчээ хангах гэрээ байгуулах зэрэг нааштай мэдээлэл байгаа ч одоог хүртэл татварын маргааныг эцэслээгүй байна.

Тэр өдөр “хийнэ” хэмээн хэлсэн амлалтаас онцсайн биелсэн нэг зүйл бол хоёр яам нэмж байгуулах. Цахим хөгжлийн яам, Эдийн засгийн хөгжлийн яам. Ингэснээр, Авлигатай тэмцэх тэмцлийг эрчимжүүлж,төрийн бүр үйлчилгээг “E- Mongolia”-д шилжүүлж, төрийн үйлчилгээг үнэлдэг тогтолцоог арилгана гэж байв.

Төрийн 181 үйлчилгээг цахимжуулаад байсан E- Mongolia-гаас өнгөрсөн 3 жилд нийт 1170 үйлчилгээг цахимаар авсан. Мэдээж, төрийн үйлчилгээний цахимжуулалтад иргэд сэтгэл ханамжтай байгаа ч төрийн үйлчилгээг үнэлдэг тогтолцоо арилсан уу гэвэл толгой сэгсэрсэн хэвээр байна.

Л.Оюун-Эрдэнийн засгийн газраас “ Алсын хараа-2050”, “Шинэ сэргэлтийн бодлого” гэх зэрэг урт болон дунд хугацааны хөгжлийн бодлогуудыг тодорхойлж, эдийн засгийн олон тулгууртай болгох ажлыг цаг алдалгүй хийх нь чухлыг онцолж байсан ч өнгөрсөн 3 жил Монголын эдийн засгийн зөвхөн уул уурхайн салбар үүрсээр ямар ч байсан хасахаас нэмэх рүү чирээд ирэв.

Уг нь шинжлэх ухаан, инновац, хүнд хөдөө аж ахуй логистик, аялал жуулчлалыг улс орны тэргүүлэх чиглэл хэмээн тодорхойлно хэмээн том дуугарсан ч одоогоор шинжлэх ухаан, инновацын салбарт гарсан ахиц тун бага. Хөдөө аж ахуйн салбар бүүр -9 хувь хүртэл доошилсон. Аялал жуулчлаын салбарын орлогыг үлэмж өссөн хэмээн мэдээлж буй ч мэргэжлийнхэн энэ бол хөөсөрсөн тоо хэмээн үгүйсгэж буй.

Ухраагүй урагшилсан салбар гэвэл тээвэр. Мэдээж нүүрсний экспорт үлэмж нэмэгдсэнтэй холбоотой ч төмөр замын болон автозамын бүтээн байгуулалтын төслүүд нэлээн урагшилсан. Мухар, сохроор дуудуулсан ч Тавантолгой Гашуунсухайт, Тавантолгой Зүүнбаян чиглэлийн төмөр замыг ашиглалтад оруулж, 2 сая гаруй тонн ачаа тээвэрлээд буй. Эдийн засагт онцлох тоонууд байгааг бас үгүйсгэж болохгүй.

Экспорт 2023 онд түүхэн дээд амжилт тогтоож, 15.2 тэрбум ам.долларт хүрсэн, валютын нөөц нэмэгдсэн, ДНБ 63.3 их наяд төгрөгт хүрсэн, эдийн засгийн өсөлт 6.9 хувьтай гарсан, төлбөрийн тэнцэл 1.4 тэрбум долларын ашигтай гарсан, төсвийн орлого 6 их наяд төгрөгөөр өссөн гээд...

Харамсалтай нь, энэ бүх нэмэхтэй тоог УИХ-ын дарга Г.Занданшатар УИХ-ын 2023 оны намрын чуулганыг хааж хэлсэн үгээр үгүйсгэсэн. Тэрээр “ “Нийгэмд бухимдал маш их байна” гэсэн дүгнэлт саяхан хийсэн судалгааны дүнгээр гарсан. Бухимдлын шалтгаан 3 гол хүчин зүйлээс хамаарч байгаагийн хамгийн эхэнд “Шударга бус байдал”, хоёрдугаарт “Эдийн засгийн өсөлтийн хүртээмжгүй байдал” нэрлэгдсэн байна. Судалгаанд оролцсон 10 хүн тутмын 8 нь амьдрал доройтсон, инфляц буурч байгаа ч цалин, тэтгэвэр, орлогын нэмэгдэл нь үнийн өсөлтийг давж чадахгүй байна гэж үзжээ. Нэг үе 16.9 хувьд хүрээд байсан инфляц буурч, 7.9 хувь болсон нь бодит үзүүлэлт мөн. Гэвч иргэд “Бодитоор амьдрал, амьжиргаа сайжраагүй байхад эдийн засаг өсөж байна, инфляц нэг оронтой тоонд байна гэж ярих нь бухимдлыг улам нэмэгдүүлж байна” гэж үзсэн байна. Ард түмнийхээ боломжийг хулгайлдаг авлига, албан тушаалын гэмт хэрэг, баялгийн хулгайн бусармаг үйлдлүүд алхам тутамдаа илчлэгдэж байгаа ч хариуцлага тооцохгүй байна гэж ард түмэн бухимдаж байна” гэж хэлсэн байдаг.  

Үнэхээр Л.Оюун-Эрдэнийн хувьд “Авлигатай тэмцэх” гэдэ том пиартай гарч ирсэн хүн. “Авлигад барьцаалагдсан 30 жилийг цэгцэлж, шударга ёс тогтсон шинэ 30 жилийг эхлүүлэхийн төлөө ордон дотор хүч мөхөствөл олон нийтийн дэмжлэг авч, тууштай тэмцэнэ” хэмээн тэр чанга дуугарсан. Үүнийхээ төлөө тэр Хөгжлийн банкны зээлдэгч, Нүүрсний хулгайч, Улсын томоохон үйлдвэрүүдийг өөрийн болгохоор санаархагч улстөр бизнесийн бүлэглэлийг олон нийтийн өмнө гаргаж тавьсан. Гэвч хариуцлага тооцож чадсан уу гэхээр “асуултын тэмдэг”-тэй хэвээр...

Тухайлбал, Хөгжлийн банкны хэрэгт нэр бүхий 80 хүн, дөрвөн хуулийн этгээдэд гэм буруугийн шүүх хуралдааныг 47 хоногийн туш нээлттэй хийж, 48 хүнийг гэм буруугүй, 32 хүнийг гэм буруутай хэмээн шийдвэрлэсэн. Гэм буруутай этгээдүүдийн хувьд авсан зээлээсээ хэдэн арав дахин бага мөнгөн торгууль, нийтийн албанд томилогдох эрхээ хасуулах хэмжээний шийтгэл авсан. Харин “Нүүрсний” гэх тодотголтой хэргийн хувьд эхний 11 хүнд холбогдох гэм буруугийн шүүх хурал 5 удаа хойшилж, одоогоор хаалттай явагдаж буй. Эрдэнэтийн 49 хувийг Монголд шилжүүлсэн нэрээр төрийн мөнгөөр төрийн өмчийг авсан гэх хэргийн тухайд, одоогоор эзэн холбогдогчоо гадагш нь алдсан байдалтай хүлээгдэж байна. Засгийн газрын тусгай сангуудын нэг Боловсролын зээлийн сангаас энгийн иргэний хүүхэд биш “эзний” хүүхдүүд хүртдэг байсан нь ил болсон ч тэд бас л хариуцлагын гадна явна. Яг үнэндээ ганц шүдгүй болсон “Арслан” гадаадаас чирч ирснээс өөр үр дүн хараахан гараагүй байна.

Ард түмэн МАН ч, АН ч адилхан “хулгай” гэсэн ойлголттой болсныг эс тооцвол хариуцлага хаа, хаанаа үүрээгүй байгаа юм.

Шүүх засаглал  руу хариуцлагыг чиглүүлсээр байгаа ч ард түмэн МАН, АН-аас л нэхэж байна.

МАН-ын, бүүр тодруулбал Засгийн газрын тэргүүний хүслээр Үндсэн хууль, Сонгуулийн тухай хуульд оруулсан өөрчлөлтөөр 2024 оны сонгуулиар парламент 126 гишүүнтэй болно. Тэгэхээр өнөөдөр УИХ-д суугаа 76 гишүүнээс гадна 50 хүн нэмэгдэнэ. Харин МАН-д “2024 оны сонгуульд нэг ч хулгайч оруулахгүй” гэх амлалтыг Л.Оюун-Эрдэнийн амлалтад хүрэх нэр дэвшигч хэд бол...

“Хүссэн юм хүзүүгээр татна” гэх үгний утгыг Ерөнхий сайд маань Сонгуулийн босгон дээр гүнээ мэдрэх нь тодорхой болоод байна.

 

 

 

 

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

"Ажнай" хурууны үзүүр төдийгээр л Л.Оюун-Эрдэнийн шүгэлийг...1 цаг 44 минутын өмнөТөсвийн төлөвлөлтийг хүчлэхийн муухай үр дагавар1 цаг 59 минутын өмнөСурах бичигт сул тал бий юү?2 цаг 12 минутын өмнөС.Амарсайхан: Өндөр барилгад гарсан галыг унтраах машин ойрын хугацаанд авна2 цаг 15 минутын өмнөӨмнөговь аймгийн Засаг даргын нөөц санг Р.Сэддорж өөрийн хувийн сан гэж "андуурчээ"2 цаг 15 минутын өмнөТэмбүүгийн өвчлөл 154 тохиолдлоор өсчээ2 цаг 16 минутын өмнөД.Амартүвшин: Эрх мэдэл хэт төвлөрчихсөн Ардын намын эсрэг Ардчилсан намтай хамтарч орохоос өөр сонголт байсангүй2 цаг 18 минутын өмнөЧ.Өнөржаргал: Нийгмийн даатгал, нэмэлт даатгал хоёр тусдаа ойлголт2 цаг 23 минутын өмнөУлаанбаатарт +4...+6 градус дулаан байна2 цаг 25 минутын өмнөБаялгийн хуваарилалтыг хуулиар зохицуулдаг боллоо2 цаг 28 минутын өмнөТүүхэн товчоон: Эрдэнэ засгийн хошуу (Сайн ноёны аймаг)2 цаг 31 минутын өмнөЗурхай: Үс шинээр үргээлгэх буюу засуулбал өнгө зүс доройтно2 цаг 35 минутын өмнөП.Цагааны "Ачит ихт" компанийн 34 хувийг "Эрдэнэт үйлдвэр" эзэмшинэ4 сар 24. 14:02Засгийн газар "Шинэ хоршоо хөдөлгөөн" өрнүүлэх тухай төслийг хэлэлцэж байна4 сар 24. 10:32Олон Улсын Ардчиллын Холбооны ТОГТООЛ – II4 сар 24. 9:34"Ажнай" хурууны үзүүр төдийгээр л Л.Оюун-Эрдэнийн шүгэлийг...4 сар 24. 9:28Эдийн засагч Б.Лакшми: Ардчиллын арал гэж сурталчилдаг Монголын төр бизнесүүддээ халдаж, хоёр хөршөөсөө ялгарахааргүй болчихлоо4 сар 24. 9:26Өнөөдөр морь өдөр4 сар 24. 8:52"Энэ жил Орбит, Тахилт, Найрамдал, Баянхошууны замыг бүхэлд нь засварлана" гэв4 сар 24. 8:50Түүхэн товчоон: Мянга есөн зуун хорин дөрвөн оны Зөвлөлт-Хятадын хэлэлцээр4 сар 24. 7:47Үндэсний аудитын газарт 25 бие даагч мөрийн хөтөлбөрөө хүргүүлжээ4 сар 24. 7:29“Алтаргана” наадам Булган аймагт болно4 сар 24. 7:27Ёс зүйн ДЕЛО: Ц.Цэрэнпунцаг Банкны хуулийн төсөл “шахаж”, Б.Лхагвасүрэн Банкны салбарыг ерөнхийлөн мөлхүүлсээр…4 сар 24. 7:25Улаанбаатарт 6 хэм дулаан байна4 сар 24. 7:24Эсрэг, тэсрэг байр суурь: Н.Алтанхуяг, Д.Цогтбаатар4 сар 24. 7:23Нэр дэвшигчдийн “хар зураг” генсекүүдийн ширээн дээр өрөгдөөд эхэлсэн үү4 сар 24. 7:22С.Зоригтой хамгийн сүүлд ресторанд уулзсан хүмүүс ам нээгээд эхэллээ4 сар 24. 7:21Оюутнуудын дундах "хал цэргийн дэг"4 сар 24. 7:20Хүүхэд залуучуудын театр “Хайрыг хайрла” жүжгээр дахин хөшгөө нээнэ4 сар 23. 13:09Өнөөдөр: Монгол бөхөнгийн өдөр4 сар 23. 12:30Их Британи Украинд 570 сая еврогийн тусламж үзүүлэхээ амлав4 сар 23. 12:20О.Батнайрамдал баруун бүсэд ялагдахаар байгаа тул тойрог хайж эхэлжээ4 сар 23. 11:27И.Мөнхжаргал: Эрх баригчид зөвхөн ялахын төлөө Үндэсний эв нэгдлийг уландаа гишгэж болохгүй4 сар 23. 10:15АЖНАЙГ АЖИХАД: Амны цавчаачдын толгойлгогч "АЖНАЙ"4 сар 23. 9:43Монголын баячууд улстөрчдөд дарлуулж байхдаа таарсан увайгүй л дээ4 сар 23. 9:41“Миний дайсны дайсан бол миний найз”4 сар 23. 7:49Түүхэн товчоон: Улаанбутангийн тулалдаан4 сар 23. 7:24Хуулийн сайд асны “шүгэл үлээсэн” дээрэмчин нь “Цагаан Шонхор”-ын Ч.Энхтайван байв4 сар 23. 7:18Д.СОСОРБАРАМ: С.Зориг амиа алдсан хэрэг хамт зүтгэж байсан нөхдийг нь насан туршид нь хардуулж, нулимуулж явдаг тогтолцооны цөм болчихлоо4 сар 23. 7:17Улаанбаатар ба Токио хотын цэвэрлэх байгууламж хэрхэн ажилладаг вэ?4 сар 23. 7:14
 Facebook Twitter Youtube