УИХ-ын гишүүд амлахгүй, өгөхгүй, тайлагнана

2/ 5/ 2024    10 цаг 48 минут

Үндсэн хууль болон Монгол Улсын Их хурлын сонгуулийн тухай хуульд оруулсан нэмэлт өөрчлөлтийн дагуу 2024 оны сонгуулиар тойргоос 78, хувь тэнцүүлэн буюу жагсаалтаар 48 гишүүн сонгогдоно.  УИХ-ын сонгуулийн тойргийг орон нутагт бүсчилсэн 7, Улаанбаатарт 6 нийт 13 байхаар УИХ-аас баталсан.

Тухайлбал, Увсаас УИХ-ын гишүүнээр сонгогдсон Ч.Хүрэлбаатар сайд 2024 онд Говь-Алтай, Завхан, Увс, Ховд аймгийг нэгтгэсэн сонгуулийн 2 дугаар тойрогт нэр дэвшинэ. Хэрвээ сонгогдвол баруун 4 аймгийг төлөөлж, УИХ-д сууна.

Хуулийг санаачлан батлуулсан Засгийн газрын тэргүүний тайлбарласнаар УИХ-ын гишүүд “Миний аймгийн дотуур байр” гэхээ болиод “манай бүсийн дотуур байрууд” гэж ярьдаг болох юм.

Мэдээж аливаа зүйл эерэг болон сөрөг талтай гэгчээр хэдийгээр гурваас дөрвөн аймгийг төлөөлнө гэж байгаа ч хамгийн олон хүн амтай хоёр аймгийн сонгогчдын саналыг авсан тохиолдолд УИХ-ын гишүүн болох магадлал өндөр. Энэ нь хүн ам цөөтэй аймгуудын сонгогчдын сонгох эрх тэр бүр хангагдахгүй гэсэн үг.

Гэсэн ч УИХ-ын сонгуулийн 2 дугаар тойргоос сонгогдсон л бол бүсийн төлөөлөл болно. “Миний Увс нутгийн түмэн” гээд яриад, төсөв хөрөнгийг чирээд, чиглүүлээд байх эрхгүй.

1.

2024 оны УИХ-ын сонгуулийг товлон зарлаж, санал авах өдрийг тогтоосон учраас хоёрдугаар сарын 1-нээс УИХ-ын сонгуулийн кампанит ажил албан ёсоор эхэлсэн байгаа. Хэсгийн хороо байгуулах, сонгуулийн төв комисс байгуулах, сонгогчдын нэрийн жагсаалтыг цахим хуудаст байршуулах, шилжилт хөдөлгөөнийг зогсоох, нам эвсэл мөрийн хөтөлбөрөө танилцуулах, нэр дэвшүүлэх гээд зургадугаар сарын 28-ны өдрийг хүртэл УИХ-ын сонгуулийн тухай мэдээллээр амьсгалах өдрүүд айсуй.

Сонгуулийн Ерөнхий хорооноос баталсан цаг хугацааны хуваариар нам эвслийн нэр дэвшүүлэх ажиллагаа 2024 оны 5 дугаар сарын 14-нөөс эхэлнэ. СЕХ нь 6 дугаар сарын 01-нээс нэр дэвшигчдийн бүртгэж, сурталчилгаа албан ёсоор 6 дугаар сарын 10 наас эхэлж, 26-нд дуусах юм байна. Тэгэхээр энэ 17 хоногийн хугацаанд гурваас дөрвөн аймгийн хамарсан тойргоо бүхлээр нь тойрч, сурталчилгаа хийнэ гэдэг нэр дэвшигчээс шандас шаардах нь тодорхой. 

УИХ-ын гишүүдийн хувьд хаврын чуулган эхэлтэл тойрогтоо ажиллах үүрэг хүлээсэн.  Ингэхдээ зөвхөн хуучин тойрог гэлгүй томсгосон тойргоор ажиллаж байгаа аж. Гол нь тэд хуулийн дагуу ажиллах ёстой. Энэ удаагийн сонгуулиар нэр дэвшигчээс илүүтэйгээр сонгогч бид хэрсүү, мэдлэг мэдээлэлтэй байх нь чухал гэдгийг хэн бүхэн анзаарч буй биз. 

Сонгуульд нэр дэвшихээр зэхэж байгаа шинэ хүмүүст өөрийгөө таниулахад цаг хугацаа хязгаарлагдмал ч өнөөдрийн УИХ-ын гишүүдэд тайлангаа тавьж, дүнгээ авахад хангалттай хугацаа байна. Тэдэнд хуулиар тайлан тавих эрх л зөвшөөрөгдсөн. Гэтэл сүүлийн өдрүүдэд тайлангийн сэтгүүлтэй хамт чихэр, сүү, гарын бэлэг гэх зүйлс ирж байгаа тухай мэдээллүүд харагдах болов. 

Хэрвээ танай гэрт ийм зүйл ороод ирвэл хууль бус сурталчилгааны нэг хэлбэр. Та хуулийн байгууллагад хандах эрхтэй бөгөөд  хэрвээ таны гомдол батлагдвал Сонгуулийн тухай хуулийн 75.2-оор СЕХ тухайн нэр дэвшигчийг бүртгэсэн тухай шийдвэрээ хүчингүй болгох хүртэл хариуцлага тооцох юм.

2.

Хууль бус сурталчилгаа гэж юуг хэлээд байна вэ. Хамгийн наад зах нь, УИХ-ын гишүүн тань тайлангийн сэтгүүлээ өмнөө бариад чихэр, сүү, ул боов, хөнгөлөлттэй үнийн купон, үнэ төлбөргүй үйлчилгээ санал болговол та цагдаад мэдэгд.

Мөн нийтийг хамарсан биеийн тамирын уралдаан, тэмцээн, баяр наадам, урлагийн тоглолт, хүлээн авалт, дайллага, цайллага, төлбөрт таавар, бооцоот тоглоом зохион байгуулах, ивээн тэтгэх, гадаад, дотоод аялал, амралт сувилалд амраах, ирээдүйд мөнгө эд бараа өгөх гэрээ байгуулах, ажлын байранд зуучлах, хувьцаа өгөх гэх зэрэг хуулиар хориглосон. Үүнээс гадна 2024 оны төсөвт тусгаагүй нийгмийн халамж, хамгааллын хөтөлбөр хэрэгжүүлэх, амлалт өгөх, зарлах нь хуулиар хориглосон зүйлд багтана. 2012 оны сонгуулиар МАН, АН хоёр уралдан 1 саяас 1.5 сая төгрөгийн иргэн бүрт өгөх амлалт өгч байсныг та санаж буй биз. Энэ удаад сохор зоос ч амлах эрх тэдэнд байхгүй.  

Тиймээс ирж буй гишүүнийхээ амнаас гарч буй гоё үг бүрийг анхааралтай сонсоход гэмгүй. Таны гомдлоор нэр дэвшигчийг эргүүлэн татах бүрэн боломжтой учраас гоё “донгоддог” гишүүнээ хуулийн дагуу “хөөх” боломж нь сонгогчид бий. 

УИХ-ын Сонгуулийн тухай хууль

75 дугаар зүйл.Нэр дэвшигчийг хасах

75.1.Нэр дэвшигч бүртгүүлсний дараа тухайн нэр дэвшигчийг бүртгэхээс татгалзах үндэслэл тогтоогдсон бол Сонгуулийн ерөнхий хороо тухайн нэр дэвшигчийг бүртгэсэн тухай шийдвэрээ хүчингүй болгож, нийтэд мэдээлнэ.

75.2.Нэр дэвшигч энэ хуулийн 35.3, 38.2, 48.1, 48.5.1, 48.5.2, 56.2-т заасныг зөрчсөн болох нь санал хураалтын дүн гаргахаас өмнө тогтоогдсон бол Сонгуулийн ерөнхий хороо тухайн нэр дэвшигчийг бүртгэсэн тухай шийдвэрээ хүчингүй болгож, нийтэд мэдээлнэ.

75.3.Саналын хуудас хэвлэгдэхээс өмнө нэр дэвшигчийг бүртгэсэн тухай шийдвэрийг хүчингүйд тооцсон бол түүний нэрийг саналын хуудаст бичихгүй.

75.4.Саналын хуудас хэвлэгдсэний дараа нэр дэвшигчийг бүртгэсэн тухай шийдвэрийг хүчингүйд тооцсон бол саналын хуудсыг дахин хэвлэх бөгөөд дахин хэвлэх боломжгүй бол уг саналын хуудсаар санал авч, хасагдсан нэр дэвшигчид өгсөн саналыг санал хураалтын дүнд оруулан тооцохгүй.

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

Хокүсэйхо А.Даваанинж сүмогоос зодог тайлж, түүний багш Хакүхо М.Даваажаргалыг зэрэглэл бууруулжээ2 сар 23. 12:21Нийслэлийн Засаг даргын зөвлөхөөр М.Найданхүү, Ж.Энхжаргалан нарыг томиллоо2 сар 23. 10:52“Nova-C” буугч төхөөрөмж өнөөдөр саран дээр газардах төлөвлөгөөтэй байна2 сар 23. 9:00АТГ: Төрийн албан хаагчийн ёс зүй, хүнд сурталд хамаарах 6 гомдол, мэдээллийг хянан шалгав2 сар 23. 9:00Энэ оны дөрөвдүгээр сарын 1-нээс цалин, тэтгэврийг  нэмнэ2 сар 23. 8:45МЕДВЕДЕВ:  ОХУ-ын зэвсгийн үйлдвэрлэл 1500 хувиар нэмэгдсэн2 сар 23. 8:45ЦАГ АГААР:  Хангай, Хөвсгөл, Хэнтийн уулархаг нутгаар цас орж,  шуурна2 сар 23. 7:45ЗУРХАЙ: Өнөөдөр Идэрийн барилдлагатай өдөр2 сар 23. 7:30Сэлбэ голын 21,340 тонн мөсийг зөөн тээвэрлээд байна2 сар 22. 17:05УИХ-ын дарга Г.Занданшатар Бүгд Найрамдах Киргиз Улсад энэ сарын 25, 26-ны өдөр айлчилна2 сар 22. 13:08С.АМАРСАЙХАН: Малчид Төрийн банкнаас 685 тэрбум, Хаан банкнаас 580 тэрбумын зээл авсан байна2 сар 22. 12:24Яармагийн гүүр орчмын шонг өвс ачсан “Норд бенз“ мөргөжээ2 сар 22. 12:09Элон Маск Цагаан ордонд нууцаар зочилжээ2 сар 22. 9:25БНСУ-д суралцах оюутнууд суралцангаа ажиллах хөтөлбөрт хамрагдана2 сар 22. 9:13Ерөнхий сайд Л.Оюун-Эрдэнэ зудын дараах нөхөн сэргээлт, малчдын амьдралд онцгой анхаарахаа илэрхийллээ2 сар 22. 9:10" Тавантолгой төмөр зам" ХХК-д Засгийн газар, Цагдаагийн байгууллагаас шалгалт оржээ2 сар 22. 8:30ЗУРХАЙ: Улаан бар сарын гурван хөх улаан луу өдөр2 сар 22. 7:45Өнөөдөр хангайн уулархаг нутаг болон Орхон голын сав газраар цас орж  шуурна2 сар 22. 7:30Туркийн үйлдвэрлэсэн тав дахь үеийн сөнөөгч онгоц анхны нислэгээ үйлдэв2 сар 21. 19:35Орон нутгийн замд хунгарласан цасыг цэвэрлэж, үнс, давс цацаж байна2 сар 21. 19:29НИТХ-ын зөвлөл нийслэлийн төсвийн тодотголыг хэлэлцэхийг дэмжлээ2 сар 21. 19:25НӨАТ-ын урамшууллын сугалаанаас 43 261 иргэн азтан болжээ2 сар 21. 19:21МАДУРО: Венесуэл улс  удахгүй БРИКС-т элсэнэ2 сар 21. 11:00Эрдэнэбүрэнгийн УЦС-ын үндсэн барилгын ажлыг эхлэх гэрээг удахгүй үзэглэх төлөвлөгөөтэй байна2 сар 21. 10:30Папуа Шинэ Гвинейн овог аймгуудын хооронд мөргөлдөөн болж 53 хүн амь үрэгджээ2 сар 21. 10:00Өнөөдөр НӨАТ-ын урамшууллын сугалааны тохиролтой2 сар 21. 9:30Малчдын зээлийн эргэн төлөлтийг 6 дугаар сар хүртэл хойшлуулна2 сар 21. 9:10Өнөөдөр болох үйл явдал2 сар 21. 9:06ФОН ДЕР ЛЕЙЕН: ЕХ ойрын өдрүүдэд Оросын хөрөнгийн орлогыг ашиглахыг хуульчлах болно2 сар 21. 8:50Г.Занданшатар: Татварын бодлогын цогц шинэчлэл нь дотоодын үйлдвэрлэгч, ажлын байр бий болгогчдыг дэмжихэд чиглэх ёстой2 сар 21. 8:30ЗУРХАЙ: Хаврын тэргүүн улаан бар сарын дөрвөн ногоон хөхөгчин туулай өдөр2 сар 21. 7:40ЦАГ АГААР: Өнөөдөр говийн нутгийн өмнөд хэсгээр цас орж, явган шуурга шуурна2 сар 21. 7:30"Тавантолгой төмөр зам" ХХК бичлэг нь задарсан ажилтнуудаа халжээ2 сар 20. 14:50Зудын гамшигт нэрвэгдсэн малчдад УБТЗ “ХНН” 500 сая төгрөг хандивлав2 сар 20. 13:45Үндсэн хууль: Газрын хэвлий, түүний баялаг төрийн нийтийн өмч Бодит байдал: Газрын хэвлий төрийн өмч, түүний баялаг “Ажнай” Д.Бат-Эрдэнийх2 сар 20. 12:19Путин Хойд Солонгосын удирдагч Ким Жон Унд Орост үйлдвэрлэсэн машин бэлэглэжээ2 сар 20. 10:44П.Сайнзориг: Энэ онд метроны суурь судалгаануудыг хийж, барилгын ажлыг эхлүүлнэ2 сар 20. 9:59АТГ: Хэрэг бүртгэлтийн 20 хэрэг шинээр нээв2 сар 20. 9:54Сүүлийн 49 жил ажиглагдаагүй цас ихтэй жил болж байна2 сар 20. 9:45 ЮЛИЯ НАВАЛЬНАЯ: Нөхрийнхөө үйл хэргийг  үргэлжлүүлнэ2 сар 20. 8:50
 Facebook Twitter Youtube