Сонгууль 2024: “ЕС”-ын Кандидатууд

4/ 1/ 2024    15 цаг 18 минут

Л.Оюун-Эрдэнэ Засгийн газрын Хэрэг эрхлэх газрын дарга болсон даруйдаа дэлхийн шилдэг их дээд сургуулийг төгссөн залуусыг багтаа ажиллуулахаар урьсан гэдгээ илэрхийлдэг. Тухайлбал, О.Батнайрамдал, Б.Солонгоо, Б.Уянга, Э.Болормаа, Б.Дөлгөөн, Ж.Тана, Б.Болор-Эрдэнэ нар юм.

Харвардад хамт суралцаж байсан О.Батнайрамдал, Б.Солонго, Б.Уянга нарыг ЗГХЭГ-т 2019 оноос урьж, ажиллуулсан.  ЗГХЭГ-ын дэд даргаар хуульч Б.Солонгоог томилж, шууд л “Оюу Толгой” төслийн гэрээг шинэчлэх ажилд оруулсан байдаг. Харин О.Батнайрамдал, Б.Уянга нарын хувьд зөвлөхийн орон тоонд ЗГХЭГ-т орж ирсэн бөгөөд хоёул Уул уурхай, хүнд үйлдвэрийн дэд сайдаар ажилласан. Э.Болормаа, Б.Дөлгөөн нар “Шинэ сэргэлтийн бодлого” дунд хугацааны хөгжлийн хөтөлбөр дээр ажиллахаар уригдсан гэдэг. Харин Б.Болор-Эрдэнийн хувьд Засгийн газрын агентлагийн даргаар томилогдсон хамгийн залуу бүсгүй болсон гэхэд хилсдэхгүй. Тэдний дундаас олны анхаарлыг илүүтэй татсан хүн бол Ж.Тана. Учир нь, тэрээр Ерөнхийлөгч асан Н.Багабандийн оронд "Оюу Толгой"-н ТУЗ-д томилогдсон юм. Хэл амтайхан томилогдсон ч нам жимхэн байсан Ж.Тана сүүлийн өдрүүдэд хэвлэлүүдээр багагүй харагддаг болоод байна.

Харвардаас МАН-ын О.Батнайрамдал

Уул уурхай хүнд үйлдвэрийн дэд сайдаар ажиллаж байхдаа буюу 2021 онд өгсөн Хөрөнгө орлогын мэдүүлгээс нь харвал 666 сая төгрөгөөр үнэлэгдсэн 2 байр, хоёр гражтай, дотоодын банк санхүүгийн байгууллагад 405 сая төгрөг, гадаадад 16 ася төгрөгийн хадгаламжтай, "Анлок Пабилишинг" ХХК-ийн 50 хувийг эзэмшдэг гээд тэр өөрийн гэсэн санхүүгийн эх үүсвэртэй нэгэн.

 “Ховдоос Харвард руу” гэх Ерөнхийлөгч асан Ц.Элбэгдоржийг санагдуулам имиж бүрдүүлж, улс төрд орж ирсэн. Анх өгч байсан ярилцлагуудаас нь харвал боловсролыг дээдэлсэн, төрийн албаныг чадавхжуулах тухайд хөндсөн, Баялгийн сангийн хууль, тэгш хуваарилалтын талаар хөндсөн байдаг. Тэрээр 2020-2022 оныг хүртэл УУХҮ-ийн дэд сайдаар ажиллаж байгаад МАН-ын төв аппарат руу шилжсэн. Өөрөөр хэлбэл, “Улс төрд орохоос илүүтэйгээр бодлого бичилцэж, шинэчлэл хийхийг хүссэн” хэмээн ярьж суусан О.Батнайрамдал 2024 оны сонгуульд МАН-аас нэр дэвшихээр зэхэж, нарийн бичгийн дарга гэх албан тушаалыг хүлээн авсан. Гэвч харамсалтай нь, тэрээр анх ярьсан шигээ боловсролтой, үзэл бодолтой нэгэн мөн үү, хувь хүн талаасаа төлөвшиж чадсан уу гэдэгт эргэлзмээр үйлдлүүд гаргах болов. Тухайлбал, МАН-ын нарийн бичгийн даргаар томилогдоод Боловсролын зээлийн сангийн талаар олон нийтэд мэдээлэл хийсэн нь БШУ-ны сайд Л.Энх-Амгалангийн эгдүүцлийг хүргэсэн. Гэтэл энэ мэдээллээ эцэслээгүй байж, Эрдэнэтийн 49, Хөгжлийн банк гээд юм юм руу үсчих болж. Өөрийн сошиал хуудсаар хэрэгтэй мэдээлэл түгээхээс илүүтэйгээр хэрүүл, хэл ам хийх нь ихэссэн. Түүгээр зогсохгүй “пиар нь цөмөрчих вий дээ” гэж ад үзэгдтэлээ хэвлэлээр харагдах болсныг хэн хүнгүй анзаарч байна.

Ямар ч байсан тэрээр “Монгол Улсын иргэнийхээ хувьд Отгоншарын Батнайрамдал миний бие Үндсэн хуулиар олгогдсон бүрэн эрхийнхээ хүрээнд 2024 оны УИХ-ын ээлжит сонгуульд нэр дэвших хүсэлтээ хууль, журмын дагуу намынхаа Удирдах зөвлөлд албан ёсоор өглөө. Монгол Улсын хөгжлийн төлөө хамтдаа урагшаа” хэмээн 2024 оны сонгуульд хүч үзэхээ илэрхийлээд байна.

“Оюу Толгой”-н Б.Солонгоо

Ж.Таныг биш яагаад Б.Солонгоог “Оюу толгой”-н хэмээн онцлов гэхээр тэрээр Л.Оюун-Эрдэнийн Засгийн газрын түүхэнд үлдэх онцлох ажил болсон “Оюу Толгой”-н гэрээг шинэчлэх хууль шүүхийн бүхий л ажлыг гардан гүйцэтгэсэн нэгэн юм. Анх ЗГХЭГ-ын дэд дарга гэх албан тушаалтай орж ирсэн ч түүний гол үүрэг нь “Оюу Толгой”-н гэрээг шинэчлэх гэдгийг эх сурвалжууд мэдээлж байв. Энэ хугацаанд “Оюу Толгой” ордын гэрээнд ямар шинэчлэлт гарсныг хэвлэлүүд хангалттай мэдээлсэн. Тэр мөн л Харвардын магистрийн төгсөгч. Олон улсын бизнесийн хэлцлүүд, хөрөнгө оруулалт, санхүүжилтийн гэрээ, ашигт малтмалын эрхзүйгээр мэргэшсэн хуульч. Хөрөнгө орлогын мэдүүлгээс нь /2022/ харвал 1 тэрбум 43 саяар үнэлэгдэх үл хөдлөх хөрөнгөтэй, сая гаруй төгрөгийн хадгаламж, 200 гаруй сая төгрөгийн зээлтэй, “Мандарум интернэшнл”, “Эс И интернэшнл” гэх хоёр компанийн 50 хувийг эзэмшдэг юм байна. Тэр бүр хэвлэлийн өмнө гарч ирээд мэдээлэл хийгээд байдаггүй ч сүүлийн үед ажлын гэхээс илүүтэйгээр өөрийгөө танилцуулсан ярилцлага өгөх дуртай болоод байгаа.  Ярилцлагадаа “Цаашдаа улс төрийн карьерээр явна” хэмээн 2024 оны сонгуульд нэр дэвшихээ тодорхой хэлнэ билээ.

Уул уурхайгаас улс төрд- Б.Уянга

“ЕС”-ын Харвардын нөхдийн нэг. Тэр Харвардад докторын зэрэг хамгаалсан. Уул уурхай хүнд үйлдвэрийн яаманд бодлогын түвшинд сайдаас илүү ажиллаж байгаа “мэргэжилтэн” гэдгийг түүний ярилцлагуудаас харж болно. Уг нь, улс төрөөс илүү төрийн албанд өнөөдөр амин чухал хэрэгтэй байгаа боловсролтой, мэдлэгтэй, чадвартай нэгэн. Олон жил судалгааны ажил хийсэн эрдэмтэн гэж намтраас нь харагддаг.

Хөрөнгө орлогын мэдүүлгээс нь үзвэл /2022/ 1.9 тэрбум төгрөгөөр үнэлэгдэх үл хөдлөх хөрөнгөтэй, 178 сая төгрөгийн машин, 415 сая төгрөгийн мал, 10 сая төгрөгийн газар, 300 саяын үнэт эдлэлтэй. 39 саяын хадгаламжтай, 420 саяын зээлтэй, “Эрдэнэс Тавантолгой” ХК-ийн хувьцаатай. Ямар нэгэн компанийн хувь эзэмшдэггүй аж. Улс төрд шинэ хүн. 1980-1990 оны залуусын төлөөлөл.

Ерөнхий сайдын зөвлөхөөс хөдөөг товхинуулахаар томилогдсон Э.Болормаа

Тэр бол Харвардын төгсөгч биш. АНУ-ын Ореганы Их сургуульд эдийн засаг, олон улсын харилцаагаар бакалавр, Колумбийн их сургуульд төрийн удирдлага, хөгжлийн бодлогоор магистр хамгаалсан. Гэхдээ Ерөнхий сайд Харвардад сурч байхдаа танилцсан залуусын нэг. Түүний хувьд Монголоос олон улсын байгууллагад ажилласан туршлага нь илүү. 2021 онд “Шинэ сэргэлтийн бодлого” боловсруулах багийг тэргүүлж, Ерөнхий сайдын зөвлөхөөр улс төрд орж ирсэн. 2022 онд 2.3 тэрбум төгрөгөөр үнэлэгдэх үл хөдлөх хөрөнгө, дотоодын банк, санхүүгийн байгууллагад 56 сая, гадаадын банкинд 330 сая төгрөгийн хадгаламжтай. 1 тэрбум гаруй төгрөгийн зээлтэй, тээврийн хэрэгсэл, мал, газаргүй гэж хөрөнгөө мэдүүлжээ.

Залуухан ганц бие эмэгтэй аймгийн Засаг даргаар томилогдсон, бас багагүй хөрөнгөтэй нь олон хүний анхаарлыг татаж, тэр хэмжээгээр хэл амны бай болсон. Ерөнхий сайдын зүгээс Ховд аймагт хэрэгжүүлэх томоохон төслүүдэд ахиц гаргахын тулд Э.Болормааг тус аймгийн Засаг даргаар томилох санал оруулсан хэмээн илэрхийлсэн байдаг. Боомт, усан цахилгаан станц гээд томоохон ажлууд түүнийг угтсан. Гэвч дээрх төлөвлөсөн ажлуудад нь төдийлэн ахиц гараагүй байхад тэрээр УИХ-ын сонгуульд нэр дэвших нь. Одоогоор нэр дэвшихээ илэрхийлээгүй байгаа ч Л.Оюун-Эрдэнийн АНУ-аас олж ирсэн “кандидат”-ын нэг мөн.

АН-аас МАН-д Б.Дөлгөөн

Тэрээр 2024 оны УИХ-ын сонгуульд нэр дэвшихээ зарласан. Л.Оюун-Эрдэнийн багийн бодлого тодорхойлогчдын нэг. Шинэ сэргэлтийн бодлогын хурдасгуур төвийн гүйцэтгэх захирал гэсэн албан тушаалд ажиллаж буй. Мөн л Харвардад магистр хамгаалсан. Засгийн газрын “Шинэ сэргэлтийн бодлого”-ын багийн гишүүн. Тэр “ Дан ганц эдийн засагч байснаар биш улс төрийн ойлгож мэдсэнээр улс орны хөгжилд илүү бодитой хувь нэмэр оруулья гэж бодсон” хэмээн улстөрд орсон зорилгоо тодорхойлжээ. Анх улстөрд хөл тавихдаа АН-ыг сонгосон ч Л.Оюун-Эрдэнэ түүнд илүү боломж санал болгосон учраас МАН-ыг сонгосон аж. Магадгүй тэр Л.Оюун-Эрдэнийн энэ багаас хамгийн олон удаа ярилцлага өгсөн, хамгийн олон удаа хэвлэлд гарсан нь байж болох ч УИХ-ын 2024 оны сонгуульд цоо шинэ “кандидат”. Хөрөнгийн хувьд 680 сая төгрөгийн 3 орон сууцтай, 15 саяын газар, сая төгрөгийн хадгаламж, 35 саяын авлага, 85 саяын зээлтэй. Ямар нэгэн компанийн хувьцаа эзэмшдэггүй гэнэ.

 Ж.Тана-Л.Оюун-Эрдэнийн "сонголт" мөн үү

Жамбалдоржийн Танын хувьд 1989 онд дипломатчийн гэр бүлд төржээ. Багаасаа Англи, АНУ-ын сургуульд суралцаж байгаад Харвардын эдийн засгийн сургуульд элсэн бакалавр хамгаалсан анхны Монгол хүүхэд. Австралийн “Рио Тинто”-гоос ажлын гараагаа эхэлсэн. 2023 оны 4 дүгээр сард "Оюу толгой" компанийн ТУЗ-ийн гишүүнээр томилогдсон. Тухайн үед “Маккинзи”-ийн менежер хийж байсан.  Түүнийг “Оюу Толгой”-н ТУЗ-д томилогдоход аав нь буюу УИХ-ын Тамгын газрын Гадаад харилцааны хэлтсийн дарга Ц.Жамбалдорж нөлөөлсөн үү. Үнэхээр “Оюу Толгой” компанийн ТУЗ-д түүнийг Ерөнхий сайд Л.Оюун-Эрдэнэ санал болгосон уу гэх асуудал үүсч байсан.

Хамгийн сүүлд өгсөн ярилцлагадаа Ж.Тана “Шинэчлэлийг хүсэж, зорьж тэмүүлж яваа олон залуусыг хараад, намайг юу гэж хэлэхээс илүү өөрчлөлтийн нэг хэсэг болох итгэл, амбиц төрж байна.” хэмээн өөрийгөө илэрхийлжээ.

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

"Ажнай" хурууны үзүүр төдийгээр л Л.Оюун-Эрдэнийн шүгэлийг...2 цаг 3 минутын өмнөТөсвийн төлөвлөлтийг хүчлэхийн муухай үр дагавар2 цаг 18 минутын өмнөСурах бичигт сул тал бий юү?2 цаг 31 минутын өмнөС.Амарсайхан: Өндөр барилгад гарсан галыг унтраах машин ойрын хугацаанд авна2 цаг 34 минутын өмнөӨмнөговь аймгийн Засаг даргын нөөц санг Р.Сэддорж өөрийн хувийн сан гэж "андуурчээ"2 цаг 34 минутын өмнөТэмбүүгийн өвчлөл 154 тохиолдлоор өсчээ2 цаг 35 минутын өмнөД.Амартүвшин: Эрх мэдэл хэт төвлөрчихсөн Ардын намын эсрэг Ардчилсан намтай хамтарч орохоос өөр сонголт байсангүй2 цаг 37 минутын өмнөЧ.Өнөржаргал: Нийгмийн даатгал, нэмэлт даатгал хоёр тусдаа ойлголт2 цаг 42 минутын өмнөУлаанбаатарт +4...+6 градус дулаан байна2 цаг 44 минутын өмнөБаялгийн хуваарилалтыг хуулиар зохицуулдаг боллоо2 цаг 47 минутын өмнөТүүхэн товчоон: Эрдэнэ засгийн хошуу (Сайн ноёны аймаг)2 цаг 50 минутын өмнөЗурхай: Үс шинээр үргээлгэх буюу засуулбал өнгө зүс доройтно2 цаг 54 минутын өмнөП.Цагааны "Ачит ихт" компанийн 34 хувийг "Эрдэнэт үйлдвэр" эзэмшинэ4 сар 24. 14:02Засгийн газар "Шинэ хоршоо хөдөлгөөн" өрнүүлэх тухай төслийг хэлэлцэж байна4 сар 24. 10:32Олон Улсын Ардчиллын Холбооны ТОГТООЛ – II4 сар 24. 9:34"Ажнай" хурууны үзүүр төдийгээр л Л.Оюун-Эрдэнийн шүгэлийг...4 сар 24. 9:28Эдийн засагч Б.Лакшми: Ардчиллын арал гэж сурталчилдаг Монголын төр бизнесүүддээ халдаж, хоёр хөршөөсөө ялгарахааргүй болчихлоо4 сар 24. 9:26Өнөөдөр морь өдөр4 сар 24. 8:52"Энэ жил Орбит, Тахилт, Найрамдал, Баянхошууны замыг бүхэлд нь засварлана" гэв4 сар 24. 8:50Түүхэн товчоон: Мянга есөн зуун хорин дөрвөн оны Зөвлөлт-Хятадын хэлэлцээр4 сар 24. 7:47Үндэсний аудитын газарт 25 бие даагч мөрийн хөтөлбөрөө хүргүүлжээ4 сар 24. 7:29“Алтаргана” наадам Булган аймагт болно4 сар 24. 7:27Ёс зүйн ДЕЛО: Ц.Цэрэнпунцаг Банкны хуулийн төсөл “шахаж”, Б.Лхагвасүрэн Банкны салбарыг ерөнхийлөн мөлхүүлсээр…4 сар 24. 7:25Улаанбаатарт 6 хэм дулаан байна4 сар 24. 7:24Эсрэг, тэсрэг байр суурь: Н.Алтанхуяг, Д.Цогтбаатар4 сар 24. 7:23Нэр дэвшигчдийн “хар зураг” генсекүүдийн ширээн дээр өрөгдөөд эхэлсэн үү4 сар 24. 7:22С.Зоригтой хамгийн сүүлд ресторанд уулзсан хүмүүс ам нээгээд эхэллээ4 сар 24. 7:21Оюутнуудын дундах "хал цэргийн дэг"4 сар 24. 7:20Хүүхэд залуучуудын театр “Хайрыг хайрла” жүжгээр дахин хөшгөө нээнэ4 сар 23. 13:09Өнөөдөр: Монгол бөхөнгийн өдөр4 сар 23. 12:30Их Британи Украинд 570 сая еврогийн тусламж үзүүлэхээ амлав4 сар 23. 12:20О.Батнайрамдал баруун бүсэд ялагдахаар байгаа тул тойрог хайж эхэлжээ4 сар 23. 11:27И.Мөнхжаргал: Эрх баригчид зөвхөн ялахын төлөө Үндэсний эв нэгдлийг уландаа гишгэж болохгүй4 сар 23. 10:15АЖНАЙГ АЖИХАД: Амны цавчаачдын толгойлгогч "АЖНАЙ"4 сар 23. 9:43Монголын баячууд улстөрчдөд дарлуулж байхдаа таарсан увайгүй л дээ4 сар 23. 9:41“Миний дайсны дайсан бол миний найз”4 сар 23. 7:49Түүхэн товчоон: Улаанбутангийн тулалдаан4 сар 23. 7:24Хуулийн сайд асны “шүгэл үлээсэн” дээрэмчин нь “Цагаан Шонхор”-ын Ч.Энхтайван байв4 сар 23. 7:18Д.СОСОРБАРАМ: С.Зориг амиа алдсан хэрэг хамт зүтгэж байсан нөхдийг нь насан туршид нь хардуулж, нулимуулж явдаг тогтолцооны цөм болчихлоо4 сар 23. 7:17Улаанбаатар ба Токио хотын цэвэрлэх байгууламж хэрхэн ажилладаг вэ?4 сар 23. 7:14
 Facebook Twitter Youtube