Эрэн хайх, эмнэлгийн тусламж үзүүлдэг Онцгойгийнхон

5/ 17/ 2024    8 цаг 51 минут

Монгол Улсад орчин цагийн онцгой байдлын байгууллага үүссэний 20 жилийн ой тохиож байна. Түүхт ойд зориулсан “Алба сурталчлах өдөрлөг”-ийг Сүхбаатарын талбайд зохион байгууллаа. Мөн энэ үеэр албан хаагчдын үзүүлэх тоглолт, онцгой байдлын алба хаагчдын өмсгөл, сүүлийн үеийн багаж, тоног төхөөрөмжийг дэлгэсэн үзэсгэлэн гаргажээ. Өдөрлөгийн үеэр Агаараас эрэн хайх, аврах 111 дүгээр ангийнхан шүхрээр буух болон агаараас хэрхэн тусламж, үйлчилгээ үзүүлдэг тухайгаа ард түмэндээ сонирхууллаа.

Сүхбаатарын талбайд онцгой байдлын байгууллагын нийт бие бүрэлдэхүүн оролцож тэдний үйл ажиллагааг сонирхохоор гадаад, дотоодын жуулчид их байв. Мөн онцгой байдлын хувцас өмссөн хүүхдүүд явах нь олны анхаарлыг татаж байлаа. Энэ үеэр Агаараас эрэн хайх, аврах 111 дүгээр ангийн Эрэн хайх, аврах ажиллагааны мэргэжилтэн, ахлах дэслэгч Э.Гончигдорж, Налайх дүүргийн “Эрдмийн оргил” цогцолбор сургуулийн сурагч Б.Нарантэнгэр, ОБЕГ-ын дэргэдэх Үндэсний аврах бригадын захирагчийн орлогч, Штабын дарга, хурандаа У.Ганхөлөг нарын сэтгэгдлийг сонирхсон юм.

 

Агаараас эрэн хайх, аврах 111 дүгээр ангийн Эрэн хайх, аврах ажиллагааны мэргэжилтэн, ахлах дэслэгч Э.Гончигдорж: Энэ төсөл хэрэгжвэл бүх газарт хүрэлцээтэй болно

-Манай албанд гурван нисдэг тэрэг байгаа. Гурвуулаа аврах болон түргэний гээд бүх төрлөөр ашиглаж болдог. Орчин цагийн аюул, гамшиг ослын үед байнга ашигладаг. Одоохондоо Монголд шинээр нэвтэрч байгаа болохоор хөрсөндөө шингээгүй байна. Энэ төсөл хэрэгжээд эхэлбэл бүх газарт хүрэлцээтэй болно. Бидний хувьд байгаа гурван нисдэг тэрэг маань түргэний нислэг, аврах ажиллагаанд явж байгаа. Энэ нисдэг тэргийг Европт байнга ашигладаг. Францад хот болгондоо баазтай. Бааз бүр нь хотынхоо аврах ажиллагаанд оролцдог. Төслийн хүрээнд орж ирсэн болохоор цаанаасаа багаж хэрэгсэл, инженерүүдтэй нь дагалддаг. Бид хувцас, хэрэглэлээ Францын өөрийнх нь иргэний хамгаалалтын хувцас, хэрэглэлээс санаачлаад Онцгой байдлын 121 дүгээр ангийн оёдлын үйлдвэр дээрээ бүх эсгүүрийг хийдэг.

Налайх дүүргийн “Эрдмийн оргил” цогцолбор сургуулийн VII ангийн сурагч Б.Нарантэнгэр: Бусад мэргэжлээс хамгийн онцгой нь 

-Манай эмээ нэг удаа “Өвөөгийн чинь найз онцгой байдлын төв гал унтраах ангийн дарга байсан” гэж хааяа ярьдаг. Энэ хувцсыг би ДХИС-ийн урд байдаг оёдлын газраар хийлгэсэн. Онцгой байдлын байгууллагын албан хаагч нар авран хамгаалах үйлсийн төлөө хүчин зүтгэж байдаг мундаг хүмүүс. Бусад мэргэжлээс хамгийн онцгой нь гэж хэлнэ. Би 12 дугаар ангиа төгсөөд Оросын иргэний хамгаалалтын академид суралцах сонирхолтой. Сургуулиа төгсөөд үндэсний аврах бригад эсвэл гал унтраах ангийн аврах бүлгийн дарга болно гэж мөрөөддөг. НОБГ-ын ах нарынхаа урилгаар ирсэндээ баяртай байна. Ер нь долоо хоногийн хагас, бүтэн сайн өдөр Налайх дүүргээс хотод ирж Нийслэлийн аврах анги дээр ирж олс зангилаа, өндрөөс аврах, нуранги, автомашины ослын дадлага, сургуулилт хийдэг.

ОБЕГ-ын дэргэдэх Үндэсний аврах бригадын захирагчийн орлогч, Штабын дарга, хурандаа У.Ганхөлөг: Обьектын гал түймэр дийлэнх хувийг эзэлдэг 

-Энэ жил онцгой байдлын алба байгуулагдсаны 20 жилийн ой болж байгаа. Энэ хүрээнд “Алба сурталчлах өдөрлөг”-ийг зохион байгуулж байна. Өдөрлөгийн арга хэмжээгээр онцгой байдлын албанд хэрэглэж байгаа багаж хэрэгсэл, хувцас, бусад бүтээгдэхүүний талаар танилцуулга үзэсгэлэн нээсэн. Үүнээс гадна эрэлч нохой, агаарын ажиллагааны үзүүлэх тоглолт мөн төрөл бүрийн аврах ажиллагаанууд, гал түймэр унтраах үзүүлэх тоглолтыг ард түмэндээ толилуулж байна. Тоног төхөөрөмжүүд шинэчлэгдсэн. Ахмадууд ирэхээрээ “Миний үеэс өөр болжээ. Өнгөрсөн жил ирэхэд ийм юм байгаагүй. Тэгсэн ийм багажтай болсон байна” гэж ярьдаг.

Монгол Улсын хэмжээнд гарч байгаа нийт аюулт үзэгдэл, ослын статистикийг харахад обьектын гал түймэр дийлэнх хувийг эзэлдэг. Галын нэг анги хоногт хоёроос дээш дуудлагатай байдаг. 20 жилийн хугацаанд өмнөхөө харахад аврагчдын хувцас, багаж хэрэгсэл өдөр, шөнө шиг ялгаатай. Мөн бид 20 жилийн өмнө үүрэг гүйцэтгэдэггүй, чаддаггүй байсан Монголд тэр тухай ойлголт байгаагүй тийм чиглэлийн аврах ажиллагаанууд эсвэл тэр чиглэлийн анги, байгууллага нэмэгдсэн. Үүний нэг нь Агаараас эрэн хайх, аврах 111 дүгээр ангийн үйл ажиллагаа байна. Өмнө нь манайд нисдэг тэрэг байгаагүй. Мөн гал түймэр унтраах тоног төхөөрөмжүүдтэй болж байна. Манайд эрэлч нохойн алба гэж байсангүй. Эрэлч нохой маань үүргээ гүйцэтгээд Турк улсад болсон нурангиас найман хүнийг аварсан. Энэ мэтчилэн тооцоод байвал амжилт их.

“Зууны мэдээ” сониноор дамжуулаад Монгол Улсын хэмжээнд ажиллаж байгаа онцгой байдлын нийт албан хаагчид, тэдний ар гэр, ахмад дайчиддаа 20 жилийн ойн мэндийг дэвшүүлж, бүгдэд нь аз жаргал, сайн сайхан бүхнийг хүсэн ерөөе гэсэн юм.

 

Эх сурвалж: “Зууны мэдээ” сонин

2024 ОНЫ ТАВДУГААР САРЫН 17. БААСАН ГАРАГ. № 99 (7343)

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

Ойрын өдрүүдэд нутгийн хойд хэсгээр дуу цахилгаантай аадар бороо орно6 сар 24. 14:05ЦЕГ: Хүүхдийн эрхийг зөрчсөн 82 иргэнд 24.600.000 төгрөгийн торгуулийн шийтгэл оногдуулав6 сар 24. 12:19ХҮЭК-т сонгуультай холбоотой гэм хэргийн шинжтэй 182 гомдол мэдээлэл иржээ6 сар 24. 12:09МАН-ын дарга, Ерөнхий сайд Л.Оюун-Эрдэнэ: 2025 оныг залуучуудын жил болгоно6 сар 24. 12:05Нэр дэвшигч, нам, эвсэл хандив болон сонгуулийн зардлын тайлангаа Аудитын байгууллагад хүргүүлж, ил тод мэдээлнэ6 сар 24. 11:05Нам, эвслийн дарга нарын хамгийн олон давтамжтай “үгс”6 сар 24. 10:59ЭМД-ын шимтгэлээ 2019 оноос тасралтгүй төлснөөр тусламж үйлчилгээ авах боломжтой6 сар 24. 10:56Дүнжингарав худалдааны төвийн уулзвараас 133 дугаар сургууль хүртэлх авто замын өргөтгөлийн ажил хийгдэж байна6 сар 24. 10:51Нийтийн тээврийн үйлчилгээнд шинэ чиглэлүүд нэмлээ6 сар 24. 10:47Монгол Улсын Ерөнхийлөгч У.Хүрэлсүхийн Бүгд Найрамдах Узбекистан Улсад хийх төрийн айлчлал эхэллээ6 сар 24. 10:42Р.Даваадорж: Төсвийн 5-7 тэрбумаар Сэлэнгэ аймагт “балгас” барьсан байхыг харлаа6 сар 24. 10:38Нийслэлийн хэмжээнд гамшгаас хамгаалах өндөржүүлсэн бэлэн байдлын зэрэгт шилжлээ6 сар 23. 16:54Гэр, хашаа, гудамж, талбайд ус орсон 70 дуудлага, мэдээллийн дагуу ажиллалаа6 сар 21. 20:20Үерийн далан халих эрсдэлээс сэргийлж Дунд голын төгсгөлд зөвшөөрөлгүй барьсан түр замыг сэтэллээ6 сар 21. 13:36Иргэдийн аюулгүй байдлыг хангаж, бэлэн байдалд ажиллаж байна6 сар 21. 10:45Шар хоолойн 3 км автозамын ажил удахгүй эхэлнэ6 сар 21. 10:39Ц.Энхбат: Үр хүүхдэдээ новшийн нийгэм үлдээчхээд “би сошиал дээр зөндөө сэтгэгдэл бичсэн” гээд сууж баймааргүй байна6 сар 21. 10:36Монгол Улсын Арслан Б.Ганбат: Б.Заяабал бол бэлтгэгдсэн төрийн хүн6 сар 19. 20:22С.Батсайхан: Ус зайлуулах шугам угсарсан газруудад үзлэг хийхэд ус тунасан асуудал гараагүй6 сар 19. 19:23Б.Заяабал: Баруун бүст Ховдын цементийн үйлдвэртэй адил том оврын гангийн үйлдвэр байгуулахаар мөрийн хөтөлбөрт туссан6 сар 19. 13:55Хотын реформын автор Э.Бат-Амгалан6 сар 19. 13:09Д.Оюунбат: Өчигдөр шөнө орсон аадраар үерийн нөхцөл байдал үүсээгүй6 сар 19. 10:32Сайдын дэвшсэн тойрогт пуужингийн хуртай6 сар 19. 9:49Туркийн нэг ч аяллын компанид агнуурын тусгай зөвшөөрөл олгоогүй6 сар 19. 9:12Нийслэл 2024 онд багтан бонд гаргаж, дотоодын зах зээлд арилжаална6 сар 19. 9:05НӨАТ-ын сугалааны тохирол явагдана6 сар 19. 8:54Хүнийг 48 цагийн дотор үхэлд хүргэх аюултай, “эдээр хооллодог” нянгийн өвчлөл Японд тархаад байна6 сар 19. 8:49Улаанбаатарт дуу цахилгаатай бороотой6 сар 19. 8:43Зурхай: Үс шинээр үргээлгэх буюу засуулбал жаргал ирнэ6 сар 19. 8:41Завхан аймагт болсон үерт 5 багийн 158 өрх өртжээ6 сар 18. 21:33Харцага Ц.Бямба-Отгонд Улсын арслан цолыг нөхөн олгов6 сар 17. 11:41Төв цэнгэлдэх хүрээлэнгийн гадна талбайн ногоон байгууламжийн ажил 40 хувьтай үргэлжилж байна6 сар 17. 10:39Улаанбаатарт +29...+31 градус дулаан байна6 сар 17. 8:16Зурхай: Сэтгэлд сэвтэй газар очиход муу6 сар 17. 8:14Ардчилсан намын дарга Лу.Гантөмөр эмгэнэл илэрхийллээ6 сар 17. 8:02Б.Заяабал: "Шинэ хоршоо" хөтөлбөр амжилттай хэрэгжиж байна6 сар 15. 16:47Шинэ хоршоологчдод алдаа оноогоо дэнслэх судалгаа, туршлага хэрэгтэй6 сар 15. 16:28Ричард Бреслин: Улаанбаатар хотын төв цэнгэлдэх хүрээлэнг бүрэн шинэчлэх шаардлагатай6 сар 14. 17:00“ASIAN FOLK” АЗИЙН ХОТУУДЫН АРДЫН УРЛАГ, ГАР УРЛАЛЫН НААДАМ ЭХЭЛЛЭЭ6 сар 14. 14:25Ерөнхий сайд Л.Оюун-Эрдэнэ 30 саяын машин, 364 саяын орон сууцтай6 сар 14. 9:11
 Facebook Twitter Youtube