Банк санхүүгийн академийн гүйцэтгэх захирал Г.Бумчимэг эхний хагас жилд макро эдийн засгийн үзүүлэлт ямар байсан талаар мэдээлэл өглөө.
Тэрээр "Эхний хагас жилд эдийн засаг 1.9 хувиар өссөн. Ийнхүү өсөхөд уул уурхайн бус салбар ялангуяа үйлчилгээний салбарын хувь нэмэр их байсан. Уул уурхайн салбарын олборлолт бага байснаас болоод эдийн засгийн өсөлтөд сөргөөр нөлөөлсөн. Хөдөө аж ахуйн салбарын бүтээгдэхүүний цэвэр татвар эдийн засгийн өсөлтийг эерэг гаргахад чухал нөлөө үзүүлсэн. Гадаад худалдааны тэнцэл өмнөх оны мөн үеэс 64 хувиар өссөн. Хил гаалийн хязгаарлалт экспортод сөргөөр нөлөөлж буй хэдий ч цаашид нэмэгдэх төлөвтэй байна. Хоёр дахь улиралд сэргэсэн. Импорт тогтвортой өсөлттэй байна. Экспортын нөхцөл байдал сайжирч, гадаад худалдааны тэнцэл 1.4 тэрбум ам.долларын ашигтай гарсан.
Төгрөгийн ханш суларсан боловч инфляцыг гүйцэж сулраагүй. Инфляц эхний хагас жилийн байдлаар 16.2 хувьтай гарсан бол төгрөгийн ханш 16 хувиас бага суларсан. Төлбөрийн тэнцэл эхний хагас жилийн байдлаар 104 сая төгрөгийн алдагдалтай гарсан. Эхний улиралд нүүрсний экспорт зогссон байсан бол хоёрдугаар улиралд сэргэсэн нь нөлөөлсөн. Инфляц 16.2 хувьтай гарсан. Импортын бараа бүтээгдэхүүний үнэ, тээвэр логистикийн хүндрэлүүд үнийн өсөлтөд ихээхэн нөлөөлж байна. Үнийн өсөлт иргэдийн бодит худалдан авалтад дарамт учруулахаар өндөр түвшинд байгаа юм" гэлээ.
Сэтгэгдэл (1)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Гуцаад бай. Доллар зарах нь 3300 болчихоод бна . МАН төр засаг барьснаас хойш 1000 гаруй төгөөр өсчихөөд бна. Яагаад аль ч намд нь итгэхийн аргагүй юм бэ.