Украины Гадаад хэргийн сайд Кулеба Лавровтой уулзах боломжийг авч үзэхэд бэлэн байна гэжээ
Украины Гадаад хэргийн сайд Дмитрий Кулеба Зүүн Өмнөд Азийн орнуудын холбооны дээд хэмжээний уулзалтад оролцох үеэрээ, хэрэв ийм санал ирвэл ОХУ-ын Гадаад хэргийн сайд Сергей Лавровтой уулзах боломжийг нухацтай авч үзэхэд бэлэн байна гэж мэдэгджээ. Украины улстөрчийн энэ мэдэгдлийг "Страна" хэвлэлд нийтэлжээ.
Үүний зэрэгцээ, одоогийн байдлаар ОХУ-ын ГХЯ-наас ийм санал ирээгүй гэдгийг Кулеба тодотгов.
Украйны сайд үг хэлэх үеэрээ зөвхөн сайхан дүрс зураг авахуулахын тулд хэлэлцээрийн ширээний ард суух нь утгагүй гэж үзэж байгаагаа онцлон тэмдэглэсэн бөгөөд Киев одоогоор Москвагийн шударга үнэнчээр хэлэлцээ хийх гэсэн хүсэл эрмэлзлийг олж харахгүй байна гэжээ.
Өмнө нь Украины Гадаад хэргийн сайд Дмитрий Кулеба АСЕАН-ы дээд хэмжээний уулзалтын үеэр үг хэлэхдээ тус байгууллагын бүх гишүүдийг Оросыг "өлсгөлөнгийн тоглоом" зохион байгуулахаас сэргийлэхийг уриалсан юм. Түүний бодлоор АСЕАН-ы гишүүн орнууд үүний тулд боломжтой бүх аргыг ашиглах ёстой.
Үүнээс өмнө буюу арваннэгдүгээр сарын 10-нд Украины Ерөнхийлөгч Владимир Зеленский CNN-д өгсөн ярилцлагадаа Москватай хэлэлцээ хийх боломжтой гэж мэдэгдсэн ч энх тайван тогтоох хамгийн чухал нөхцөл бол шударга ёсыг сэргээх явдал гэж мэдэгдсэн ч харин үүний хариуд ОХУ-ын зүгээс ямар нэг мэдэгдэл мэдээлэл өгөөгүй байна.
Эх сурвалж: Лента.ру
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.