Баян-Өлгий аймгийн Өлгий сумаас өнгөрсөн нэгдүгээр сард 19 настай эмэгтэй М нь "рашаан авна" гэж гэрээсээ гараад ор сураггүй алга болсон билээ. Цагдаагийн байгууллага ар гэрийнхэнтэй нь хамтарч охиныг эрэн хайсан ч олоогүй 50 гаруй хоног болжээ. Тэгвэо өчигдөр эмэгтэй цогцсыг жорлонгоос олсон байна.
Цагдаагийн газраас өгсөн мэдээллээр Баян-Өлгий аймгийн Өлгий сумаас 2023 оны 01 дүгээр сарын 18-ны өдрөөс 19-нд шилжих шөнө сураггүй алга болсон Д.М-ийг эрэн сурвалжлах ажлын хүрээнд цагдаагийн байгууллагаас мөрдөн шалгах ажиллагааг явуулж А нь М-ийн амь насыг хохироож, цогсцыг нуусан байсныг олж тогтоон мөрдөн шалгах ажилллагааг Баян-Өлгий аймгийн цагдаагийн газарт үргэлжлүүлэн явуулж байна.
Сэжигтэн А нь хуримаас согтуу гарч явж байхдаа талийгаач эмэгтэйтэй танилцаж, улмаар машиндаа суулган авч явсан байна. Улмаар амийг нь хөнөөгөөд цогцсыг нь шуудайд хийж, аймгийн төвөөс 20 км-ийн зайтай газарт байдаг нэгэн хашааны жорлонд хийж, булчихаад явсан байжээ. А-г шалгах явцад тэрбээр хэргээ хүлээж, цогцсыг булсан газраа ч зааж өгсөн аж.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.