Засгийн газрын ээлжит бус хуралдаанаас гарсан шийдвэрийг Ерөнхий сайд Л.Оюун-Эрдэнэ яг одоо танилцуулж байна.
Ерөнхий сайд Л.Оюун-Эрдэнэ "Саяхан болсон жагсаалтай холбоотойгоор 15 багц шаардлага ирүүлсэн. Ирүүлсэн шаардлагыг ангилан үзвэл 74 хувь нь үнийн өсөлт, 15 хувь нь төсвийн үргүй зардлыг хэмнэх, 12 хувь нь авлига, шударга бусаар байдлыг эсэргүүцэх,12 хувь нь цалин, нийгмийн баталгаа, суурь шинэчлэлтэй холбоотой асуудал байна. Дээрх шаардлагын 60 орчим хувь нь ойрын хугацаанд шийдвэрлэгдэх боломжтой. УИХ-аас Үнийн өсөлтийн эсрэг хэрэгжүүлэх арга хэмжээний хуулийг батлан гаргалаа. Ингэснээр шатахуун импортлогч ААН-үүдэд шаардлагатай валютын эх үүсвэрийг хөнгөлөлттэй нөхцөлөөр олгох, зээлийн хүүгийн татаасыг төр хариуцах эрх зүйн орчныг бүрдүүлсэн гэж ойлгож болно. Инфляцад их нөлөөлж, үнэ хөөрөгддөг зүйл бол шатахуун. Энэ багц арга хэмжээнд 100 орчим сая ам.доллар зарцуулах тооцоо байна" гэв.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.