ОХУ-ын Батлан хамгаалах яам Мариуполь дахь "Азовсталь" үйлдвэрээс энгийн иргэдийг нүүлгэн шилжүүлэх ажил дууссаныг зарлав.
5-р сарын 7-ны бямба гарагт ОХУ-ын Батлан хамгаалах яам НҮБ болон Олон улсын Улаан загалмайн нийгэмлэгийн оролцоотойгоор Мариуполь дахь "Азовсталь" төмөрлөгийн үйлдвэрийн нутаг дэвсгэрээс энгийн иргэдийг нүүлгэн шилжүүлж дууслаа гэж мэдэгдэв. Энэ тухай Оросын цэргийн департаментын сайтад мэдээлсэн байна.
Хүмүүнлэгийн ажиллагааны хугацаанд (5-р сарын 5-аас хойш) 51 хүнийг (18 эрэгтэй, 22 эмэгтэй, 11 хүүхэд) аварсан байна.
ОХУ-ын Үндэсний батлан хамгаалахын хяналтын төвийн дарга, хурандаа генерал Михаил Мизинцевын хэлснээр, аврагдсан энгийн иргэд тус бүрд аюулгүй байдал, эмнэлгийн болон сэтгэл зүйн мэргэшсэн тусламж үзүүлж, сонгогдсон түр байрлах газар руу явсан байна.
Мөн үүнтэй зэрэгцэн Украины Шадар сайд Ирина Верещук Ерөнхийлөгч Владимир Зеленскийн Азовсталийн нутаг дэвсгэрээс энгийн иргэдийг нүүлгэн шилжүүлэх тухай тушаалын хэрэгжилтийн талаар мэдээлэв. Түүний хэлснээр үйлдвэрээс бүх эмэгтэйчүүд, хүүхэд, өндөр настангуудыг нүүлгэн шилжүүлсэн байна.
Цагаан туг
Мөн өдөр Бүгд Найрамдах Донецк Ард Улсын (БНДАУ) батальоны командлагч, "Восток" бригадын үүсгэн байгуулагч Александр Ходаковский "Азовсталь" үйлдвэрээс Украины цэргийнхэн цагаан туг барин гарсан гэж мэдэгдэв.
Түүний хэлснээр, Украины Зэвсэгт хүчний дайчид цагаан туг барин төв зам дээр гарч ирсэн бөгөөд Оросын цэргийнхэн эвлэрлийн элч болж тэдний зүг хөдөлж байна. "Восток" бригадыг үүсгэн байгуулагчийн хэлснээр, энэ нь Мариуполь хотыг бүслэн хааж эхэлснээс хойш хоёр талын цэргийнхэн анхны биечлэн уулзаж байгаа явдал юм.
Түүний энэ мэдэгдлийн дараа Өмнөд цэргийн тойргийн төлөөлөгч ТАСС агентлагт ярилцлага өгөхдөө энэ мэдээллийг үгүйсгэв. "Өнөөдөр Украйны цэргийн хэн нь ч цагаан туг барин үйлдвэрээс гараагүй" гэж эх сурвалж хэлэв.
Гадаадын хөлсний цэргүүд
Бүгд Найрамдах Донецк Ард Улсын (БНДАУ) Засгийн газрын тэргүүний зөвлөх Ян Гагин хэлэхдээ, Мариуполь дахь "Азовсталь" үйлдвэрийн нутаг дэвсгэрт барууны орнуудын ахлах офицерууд байх магадлалтай байна гэжээ. Азовын бүс дэх дайчид, мөн олзлогдсон, зэвсгээ тавьсан цэргийнхэн болон, үйлдэрийн бүсийг орхин явсан энгийн иргэд энэ тухай мэдэгдсэн гэж тэрбээр дурджээ.
Энэ нь Азовын үйлдвэрт бүслэгдсэн цэргийнхнийг суллах оролдлого, барууны орнуудын төлөөлөгчид, тухайлбал Францын Ерөнхийлөгч Эммануэль Макрон энэ асуудлаар тохиролцохыг хүссэн зэрэг нь шууд бусаар нотлогдож байгааг Гагин онцоллоо. Тэрбээр АНУ, Их Британи, Францын хөлсний цэргүүд тэнд байх боломжтой гэдгийг дурджээ. "
ОХУ-ын ГХЯ-ны мэдээлснээр, Украины нутаг дэвсгэрт болж буй байлдаанд гадаадын 7000 орчим хөлсний цэрэг оролцож байна. Тус яамны албан ёсны төлөөлөгч Мария Захаровагийн мэдээлснээр Украинд нийтдээ 63 орны хөлсний цэргүүд бүотгэгдсэн байна.
Украинд байлдаж байгаа гадаадын хөлсний цэргүүдийн тоо байнга нэмэгдэж байгааг ОХУ-ын Ерөнхийлөгч Владимир Путин мэдэгдээд байгаа юм.
Эх срувалж: Лента.ру
Сэтгэгдэл (1)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Одоо хөлсний байлдагчидад өгөх ёстойг нь өг. День победы