Хөдөлмөрийн насны эрэгтэйчүүдийн нас баралт эмэгтэйгээс 2.8 дахин илүү байна

Хүн болгоны амнаас #ТЭМБҮҮ гэх үг гарч. Пий , Паа болоод байх шиг. Зарим сайтууд бараг 1,500 оюутнаас хэд ч гэнэ үү сүрхий тоо хэлээд сэвж өглөө.
Бараг улаан тарианы үе шиг ярих юм. Тоо худлаа хэлдэггүй тул 2021 оны үзүүлэлт харцгаая.
Нийт халдварт өвчний 63.1 хувийг бэлгийн замаар дамжих халдварт өвчин эзэлж, өмнөх оноос 14.7 хувиар өссөн гэх өгүүлбэр.
Тиймээ өссөн.
Гэхдээ: Зонхилон тохиолдох бэлгийн замын халдвараас тэмбүүгийн халдварын тохиолдол сүүлийн 10 жилийн дунджаар 6206 тохиолдол бүртгэгдэж, 10 000 хүн амд харьцуулахад 21 байна.
2021 онд тэмбүүгийн халдварын 3617 тохиолдол бүртгэгдсэн нь сүүлийн 10 жилийн дунджаас 2589, өмнөх оноос 2938 тохиолдлоор буурсан ба 10 000 хүн амд тутамд тэмбүүгийн халдварын тохиолдол сүүлийн 10 жилийн дунджаас 10, гонококкт халдвар 7, трихомониаз 5 тохиолдлоор тус тус буурсан байна.
Харин тэр дээр яагаад 14.7 хувиар өссөн гэх өгүүлбэр байгаа юм гэхээр Өнгөрсөн 2 жилийн хувьд ковидтой холбоотой бусад төрлийн тэр дундаа томуу, сүрьеэ, гэдэсний гэх мэт халдварт өвчнүүд бидний амны хаалт, гэрийн хорио, гараа ариутгасан тай шууд холбоотойгоор буурангуут, нөгөө талдаа БЗДХ өссөн мэт дүн харагдаж байгаа л хэрэг.
2021 оны жилийн эцсийн байдлаар төрөлхийн тэмбүүгийн 19 тохиолдол бүртгэгдсэн нь өнгөрсөн оны мөн үеэс 14 тохиолдлоор буурсан байна. Аймгуудад 8 тохиолдол бүртгэгдсэн
нь нийт тохиолдлын 42.1 хувийг эзэлж байна. Энэ харин асуудал байгаа биз. Нийслэлд хүний амын хэдэн хувь байдаг билээ, орон нутагт хэд билээ. гэх мэт зөв анализ хийж, зөв сэвцгээе.
Залуус соёлтой болж байгаа, тэд хамгаалалт, нөхөрлөл, үнэнч байдлыг эрхэмлэдэг болсон гэдэгт итгэдэг.
БЗХД - тэмбүү буурсаар байгаа шүү нөхдөө.
Тэгээд өөсдийгөө л сайн хичээгээд, бэлгийн эрүүл зан үйлийг сонгоод явж байхад болно доо.
Нэмэлт мэдээлэл: халдварын цонх үе байх ба урьдчилсан байдлаар л үе үе өгөх зүгээр. Ялангуяа эрсдэлтэй бэлгийн харьцааны дараа эргэлзэж байгаа тохиолдолд шинжилгээ, арчдас, мазок, ПСР зэргийг өгөх нь зөв.
Тохиолдлын бэлгийн хавьталд орсон бол 14 хоногоос сарын дараа сериологийн шинжилгээ өгөх хэрэгтэй. Энэ шинжилгээг цусаар авдаг. Бүх дүүргүүдийн БЗДХ-ын сайн дурын үзлэг, шинжилгээ өгөх кабинет байдаг. Тэнд харьяа дүүрэг харгалзахгүй “Зөвхөн таны нууцыг танд” гэдэг нууцлалттайгаар үнэ төлбөргүй үйлчилгээ үзүүлдэг байгаа.
Тэмбүү анхаарч байх зүйл мөн ч гэлээ худлаа мэдээллээр айдас нийгэмд үүсгээд дэмий. Бүгд л бэлгийн боловсролоо дээшлүүлье.
Тэрний оронд эрчүүддээ анхаарцгаая хэдүүлээ.
Хөдөлмөрийн насны эрэгтэйчүүдийн нас баралт эмэгтэйгээс 2.8 дахин илүү байна. Яанам бээээ #ЭрчүүдээХайрлая
Жич: Сайтуудын сэвээд байгаа шиг тань дээр очоод ТЭМБҮҮ наалдчихгүй. Амжилт.

VIA  Batjargal MD Galbadrakh