Их Британийн хатан хаан хоёрдугаар Элизабетийн хаан ширээнд заларсны 70 жилийн ой энэ жил тохиож, улс орон даяар өргөн дэлгэр тэмдэглэж эхэлсэн. Тэрээр Их Британийн түүхэн дэх анхны хаан ширээнд сууж цагаан алтан ойн баяраа тэмдэглэж буй залгамжлагч юм.
Түүний баярыг тэмдэглэн Их Британид найман хот шинээр байгуулж байгаа бөгөөд вант улсыг бүрдүүлдэг дөрвөн улсад тус бүр багадаа нэг, Фолкландын арлууд, Мэн аралд тус бүр нэг хот байгуулах ажээ. Англид байгуулах Милтон Кэйнес, Шотландад байгуулах Данфермлайн, Умард Ирландын Бангор, Уэльсийн Рексхэм хотууд хэдийнэ өрсөлдөөнд ялж, нэрээ авчээ. Мөн Фолкландын арлуудад Стэнли, Мэн аралд Дуглас суурингууд хот болох шалгуурт тэнцсэн байна. Түүнчлэн Английн Колчестер, Донкастер тосгонууд хот болох шалгуураа хангажээ.
Шинэ хотын статус авахын тулд соёлын өв болоод хааны удмынхантай хэрхэн холбоотой болохоо хүсэлтдээ дэлгэрэнгүй тайлбарлах шаардлага тавьсан байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.