Л.Халтар: Шалгадаг хүн нь би биш, миний мөр цагаан

5/ 25/ 2022    14 цаг 06 минут

 Зам тээврийн хөгжлийн сайд Л.Халтар Засгийн газрын хуралдааны дараа цаг үеийн асуудлаар мэдээлэл өглөө.

-Тавантолгой Гашуунсухайтын уртын тээвэр эхэллээ. Шивээхүрэнгийн боомт нээгдэж байна гэсэн мэдээлэл өгч байна. Энэ талаар та салбарын сайдын хувьд хариулт өгөөч?

-2022 оны тавдугаар сарын 25-наас зургадугаар сарын 1-ний хооронд Тавантолгойгоос Цагаанхад чиглэлийн уртын тээврийг эхлүүлэхээр ГХЯ болон холбогдох байгууллагууд Хятадын талтай зөвшилцсөн байна. Тиймээс Цагаанхадны чиглэлд уртын тээвэр эхэлнэ. Мөн хоёр жил зогссон Шивээхүрэнгийн боомтын ажил эхэлнэ. Хятадын талаас халдвар хамгааллын дэглэмийг сайтар хангах шаардлага тавьж байгаа.  Тээврийн байгууллагуудын удирдлагууд тухайн тээвэрт оролцож байгаа жолоочийн халдвар хамгааллын дэглэмийг чанд сахиж, үүнд улам бүр анхаарч ажиллахыг хүсч байна. Цар тахал бүрмөсөн холдчихоогүй байгаа учраас өмнөхөөсөө улам чанга дэглэм барьж гэмээнэ нүүрсний тээврээ нэмэгдүүлж, экспортын орлогоо бүрдүүлнэ. Хятадын талаас зогсоохгүй гэх баталгаа байхгүй.

-Контейнер тээвэртэй холбоотойгоор Хятадын талаас Эрээн хотын хил гаалийн удирдлагуудыг шалгаж байна гэсэн мэдээлэл бий. Үүнд таныг холбоотой гэх мэдээлэл ч байна?

-Эрээнд байгаа хил гаалийн хүмүүсийг барьсан, шалгаж байгаа гэдгийг би та бүхэнтэй адилхан хэвлэлийн мэдээллээс харсан. Албан ёсоор авсан мэдээлэл алга. Миний тухайд надад идсэн уусан зүйл байхгүй учраас хэзээ ч, хаана ч шалгуулахад бэлэн байна.  Монголын байтугай гадаадын хууль хяналтын байгууллагад ч шалгуулахад бэлэн. Миний гар цагаан, мөр цагаан. Хөрөнгө орлогын мэдүүлэгт ч бичээд байгаа шиг зүйл байхгүй.

-Эрээний хил гаалийн удирдах түвшнийхэнтэй манай улсын төрийн байгууллагынхан ч холбогдсон гэх хардлага байгаа. Танд ирсэн мэдээлэл байна уу?

-Нийгэмд хардлага байгааг үгүйсгэхгүй. Гэхдээ шалгадаг хүн нь би биш. Цагдаа тагнуулын байгууллага нь шалгах нь зүйтэй байх. Бид цагдаа тагнуулын байгууллагад ийм, ийм зүйлд анхаарч өгөөч гэсэн хүсэлт бол өгч байсан. Бидний хувьд өнгөрсөн оны нэгдүгээр сарын эхээр хаагдсан байсан хилээ гурван сар гаруйн дараа нээсэн явдал хамгийн чухал байсан. Учир шалтгаан  нь мэдээж цар тахалтай холбоотой байсан. Хятадын талаас хүн хоорондын харилцааг бий болгохгүй байх үүднээс дундын бүсэд чингэлгийг буулгаж ачдаг схем руу орно гэсэн санал тавьсан. Монголын хувьд хилээ нээх нь чухал байсан учраас Гадаад харилцааны яамаар дамжиж ирсэн энэ саналыг хэлэлцээд бэлтгэл ажилдаа орсон. Түүний цаана Хятадын талд юу нуугдаж, ямар авлига байсныг яг үнэндээ мэдэх юм алга.

-Ачаа тээврийн үнэ нэмэгдсэн шалтгааныг хэрхэн тайлбарлаж байгаа вэ?

- Хуучин задгай тээвэр маань чингэлэгт шилжсэнээр үнэ өслөө гэдэг зүйл л байсан. Бидний зүгээс үнэ өндөр байна гэдгийг хил нээсний дараа нэлээн судалсан. Эрээнд байсан консултайгаа ярилцсан. Эрээнд байсан бүх ачаа Улаанбаатар нөхцөлтэй зарагддаг юм байна. Хүлээн авагчийн худалдаж авч байгаа бараанд Улаанбаатар хүртэлх үнэ төлөгдсөн учраас хүлээн авчийн зүгээс шууд Эрээнд ажиллаж байгаа Хятадын компанийн аманд багтаж мөнгөө төлдөг байсныг тогтоосон. Тиймээс Гадаад яамны харьяа дипломат төлөөлөгчийн газрын шугамаар Хятадын холбогдох газруудад тавьсан. Тэгээд Эрээнд сугалаа гэсэн зүйл хийж байгаа нь үнэ хөөрөгдөх гол арга болоод байна, үүнийг зогсоож өгөөч, орж ирсэн дарааллаар ачилт хийгээч гэдэг зүйл тавьж өгсөн. Магадгүй манай талаас тавьсан асуудалд ач холбогдол өгч өнөөдрийн нөхцөл байдал үүссэн байж болзошгүй. Цаашдаа Хятадын зүгээс цар тахлын хүнд үеэ бодвол бага зэрэг зөөлрөх хандлага гарч байна. Тэгэхээр задгайгаар явдаг тээвэр тодорхой хугацааны дараа эхлэхийг үгүйсгэх аргагүй ч хугацаа хэлж чадахгүй нь.Тээврийн зардал буух эсэх нь ачаа хүлээн авагч, илгээгчийн тохирох асуудал юм.

-Хэдэн боомтоор нүүрс гарч байна вэ?

-Яг өнөөдрийн байдлаар гурван боомтоор нүүрс гарч байна. Ханги, Гашуунсухайт, Булган боомтоор гарч байна. Шивээ хүрэн энэ долоо хоногийн сүүлээр нээгдвэл дөрөв дэх боомт нь болно.

-Уртын тээвэр эхлэхээр нүүрсний экспорт хэдий хэмжээгээр нэмэгдэх вэ?

-Цагаанхад дээр 4.6 сая тонн нүүрс байхад Хятадын талаас энэ бөөгнөрсөн нүүрсний 50 хувийг хилээр гаргасны дараа уртын тээврээ эхлүүлье гэсэн асуудал яригдсан.  Хятадын талаас уртын тээврээ эхлүүлэхэд хамтраад ажиллая гэсэн санал тавьсан нь цаашдаа Цагаанхаднаас урагшаа гарах нүүрс татан авалтыг нэмэгдүүлэх бодлого явж байна гэж ойлгож байгаа.

-Чингэлэг хүрэлцээгүй байгаагаас ганц компанид давуу эрх олгосон. Энэ нь авлигатай холбогдсон гэх мэдээлэл ч бий. Чингэлгийн хүрэлцээний талаар танд ямар мэдээлэл байна вэ?

-Чингэлгийн хувьд хэнээс яаж түрээслэж байгаа талаар мэдээлэл алга. Тээвэр зуучийн компаниуд хэнээс яаж тээвэрлэх нь тэдний дотоод асуудал.

-Төсөвт туссан нүүрсний экспортын хэмжээнд хүрэх боломж харагдаж байна уу?

-Хамгийн сэтгэл зовоож байгаа асуудал бол энэ. Гэхдээ өнөөдөр болно болохгүй гэж хэлэхэд хэцүү байна. Сүүлийн хоногуудад Гашуунсухайтаас Ганцмод руу гарч байгаа нүүрсний хэмжээ 30, 30-аар нэмэгдээд байгаа юм. Энэ чигээрээ цааш явбал гайгүй өсөх болов уу гэсэн горьдлого байна. Булган боомтоор гарч байгаа нүүрсний хэмжээ өмнөх жилүүдээс өссөн. Өөдрөгөөр харлаа гэхэд 70-80 хувийн биелэлттэй байхыг үгүйсгэхгүй. Хятад улс өөрөө нүүрсний импортын татварыг тэглэсэн мэдээлэл гарсан. Үүнтэй холбогдуулаад татан авалт нэмэгдэх болов уу гэж бодож байна.

-МИАТ-ийн компанид татаас өгөх шаардлагатай гэдэг асуудал Засгийн газар дээр яригдсан гэсэн. Энэ тухайд ?

-МИАТ компани энэ оны нэгдүгээр улиралд бага ч гэсэн ашигтай ажилласан. Яаж вэ гэхээр Ази, Европын  хооронд сүүлийн жилүүдэд ачаа тээврийн үйлчилгээг сайн хийсэн. Үндсэндээ зорчигч тээврээс илүү карго тээврээр өөрсдийнхөө санхүүг болгосон. Үнэхээр хүнд жилүүд байсан ч сайн хичээсэн. Татаасын асуудал яригдсан. Гэхдээ зөвхөн Франкфурт чиглэлд юм. Аялал жуулчлалын бизнес эрхлэгчидтэй Ерөнхий сайд уулзах үеэр Европын нислэгийн тоог нэмэгдүүлж өгөөч гэсэн хүсэлт тавьсан.Энэ үед алдагдлын асуудал яригдсан. Ингээд тооцоо судалгаа хийгээд 4 орчим тэрбум төгрөгийн татаас МИАТ-д шаардлагатай юм байна гэж үзсэн. 30-40 хувь суудал дүүргэлттэй үед шүү дээ. Хэрвээ онгоцны суудал дүүргэлт сайн бол төрөөс татаас авах шаардлагагүй.

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

Үндэслэлгүйгээр үнэ нэмж ашиг олсон бол буцаагаад хураалгана49 минут 14 секундын өмнөНаадамчдад зориулж зургаан чиглэлд 56 автобус нэмж явуулна1 цаг 20 минутын өмнөГ.Өсөхбаяр аварга А.Сүхбат аваргын өмнө эрэмбэлэгдэнэ1 цаг 23 минутын өмнөӨнгөрсөн жилийн Хүй долоон худагт болсон барилдаанд шөвгөрсөн бөхчүүдэд цол олгох эсэхийг Ерөнхийлөгч шийднэ2 цагийн өмнөСингапурын Хуримтлалын төв санг тэтгэврийн үйлчилгээтэй уялдуулсан туршлагыг нэвтрүүлнэ2 цаг 5 минутын өмнөНХОГ-аас Монгол Улсын гавьяат барилгачин төрлөө2 цаг 11 минутын өмнөАрдын жүжигчин Данзанваанчигийн Ухнаа нарт Хөдөлмөрийн баатар цол хүртээлээ3 цаг 11 минутын өмнөТаван удаагийн халдварт өвчний голомтыг удирдан ажилласан ХӨСҮТ-ийн М.Тунсагт ГАВЬЯАТ ЭМЧ цол хүртээлээ3 цаг 12 минутын өмнөУс хальсан байршилд шуурхай албаныхан ажиллаж байна3 цаг 13 минутын өмнөШатахуун импортын дундаж үнэ 830 долларт хүрч өсчээ3 цаг 41 минутын өмнөӨчигдөр 16 настай хүү туул голд живж амиа алджээ3 цаг 48 минутын өмнөУлсын баяр наадамд Баян-Өлгий аймгаас хамгийн олон харваач иржээ3 цаг 55 минутын өмнөЕрөнхий сайд Л.Оюун-Эрдэнэ Төрийн үйлчилгээг цахимжуулж эрчимтэй шинэчлэл хийж буйгаа танилцуулав3 цаг 57 минутын өмнөЗээлийн гэрээнд гарын үсэг зурсан бол үүрэг хүлээнэ4 цаг 4 минутын өмнөЛ.Оюун-Эрдэнэ: Сингапурын мэдлэгт суурилсан хөгжлийн туршлагыг Монголд нутагшуулах сонирхолтой байна4 цаг 10 минутын өмнөХүнсний хангамж, чанарын асуудлаар түр хороо байгууллаа5 цаг 26 минутын өмнөЛ.Наранбаяр: Орос, Монгол хоёр хэвлэлийн мэдэгдэл гаргаснаас өөр С.В.Лавровын айлчлалаар юу ч шийдсэнгүй5 цаг 32 минутын өмнөМанай улсад онгоцны түлш бусад улс орноос 28.8 хувиар илүү үнэтэй байна7 цаг 5 минутын өмнө"Архины татварыг нэмснээр чанар муутай архи ихээр үйлдвэрлэгдэж иргэдийн эрүүл мэндийг хохирооно"7 цаг 7 минутын өмнөГавьяаг нь Х.Бадамсүрэн хүртэж, гавыг нь Д.Эрдэнэбилэг зүүлээ7 цаг 11 минутын өмнөМонголын рагбичид Киргиз шигшээ багийг 69:7-гоор хожлоо7 цаг 17 минутын өмнөСудалгаа: Д.Өнөрболор, Ч.Ундрам, Г.Мөнхцэцэг нар сонгогчдоос хамгийн тааруу үнэлгээг авчээ7 цаг 25 минутын өмнөАнгараг, Саран дээр хүн амьдрахад тохиромжтой байгууламж барихаар төлөвлөж байна8 цагийн өмнөЧикаго хотын төв талбайд Монголын соёлыг сурталчлах үйл ажиллагааг зохион байгуулжээ8 цаг 3 минутын өмнөЕБС-д ажиллах мэргэжлийн сэтгэл зүйчдийн сонгон шалгаруулалт эхэллээ8 цаг 31 минутын өмнөГазрын тосны бүтээгдэхүүний тухай хуульд нэмэлт оруулах тухай хуулийн төслийг хэлэлцэхийг дэмжлээ8 цаг 40 минутын өмнөГ.Занданшатар: Эдийн засгийн голлох үзүүлэлтүүд сайжирна гэдэгт итгэж байна8 цаг 44 минутын өмнөХөрөнгө оруулалт бүтээн байгуулалтын ажлын гүйцэтгэгч компаниудын төлөөлөлтэй уулзалт зохион байгууллаа7 сар 7. 8:43Шри-Ланкийн Ерөнхийлөгч Путинаас тусламж хүсэв7 сар 7. 8:21ӨНӨӨДӨР: Үндэсний их баяр наадмын Урианхай сурын харваа эхэлнэ7 сар 7. 8:09Монгол Улсын Их Хурлын 2022 оны хаврын ээлжит чуулган өндөрлөлөө7 сар 7. 8:07Х.Энхтуяа: Олимпийн аварга болно гэж хүүдээ амласан7 сар 7. 8:05Хэвлэл мэдээллийн зөвлөлд ирсэн гомдлын агуулга, шийдвэрлэсэн байдалд дүн шинжилгээ хийлээ7 сар 7. 8:03Барилгын материалын үнийн өсөлтийг тооцож Сангийн яаманд хүргүүлнэ7 сар 7. 8:02Каракалпакстан дахь эсэргүүцлийн хөдөлгөөн: Төв Ази өөрчлөлтийн ирмэг дээр байна уу?7 сар 7. 8:00Б.Жигжид: Монгол Улсын шинэ мянганы хөгжил “Мянганы зам”-аас эхэлсэн7 сар 7. 8:00Цаг агаарын урьдчилсан мэдээ7 сар 7. 7:30В.Путин "Их 20"-ийн уулзалтад оролцохоор төлөвлөж байгааг ОХУ-ын ГХЯ мэдэгдлээ7 сар 7. 7:20Түүхэн товчоон: Орос-Дундад Иргэн улсын 1913 оны тунхаг7 сар 7. 6:40Энэ өдрийн зурхай7 сар 7. 6:35
 Facebook Twitter Youtube