Өнөөдөр дарс /wine/-ны өдөр

Жил бүрийн 05-р сарын 25-нд дарсны өдрийг тэмдэглэдэг юм байна. 2-р сард бас нэг өдөр байдаг ч тухайн өдөр зөвхөн дарсыг уудаг өдөр бол энэ өдөр нь уухаас гадна түүний ач холбогдолд анхаарлаа хандуулан, хоолтой хэрхэн зохицохыг харуулдаг өдөр аж. Магадгүй зарим хүмүүсийн хувьд жилийн бүх өдөр ч виноны өдөр шиг байдаг байх. 

Уг ундааг байсныг нотлох эртний, хамгийн сайн баримт МЭӨ 7000 жилийн тэртээ Хятадад үүссэн гэж үзхэд хүргэдэг. Эртний олон соёл иргэншлүүдэд дарс үнэтэй байр суурь эзэлдэг байсан бөгөөд ихэвчлэн шашны үйлүүдэд хэрэглэж байсан байх юм.

 

Харин өнөөдөр дарс нь дэлхий даяар хамгийн их үйлдвэрлэгдэж, хэрэглэгддэг ундаануудын нэг болжээ. Улаан, цагаан, хуурай, чихэрлэг гэх мэт үзүүлэлтийн ялгаатай байхаас гадна Шардон, Мерлот, Ризлинг, Шираз гэх мэт олон төрөл болон задардаг. Мөн бид шилэн дотор зөвхөн усан үзэмнээс гаргаж авсан ундаа байгаа гэж төсөөлөх цаг нэгэнт өнгөрсөн бөгөөд олон төрлийн жимс, цэцэг тэр байтугай хүнсний ногооноос ч гаргаж авсан дарс үйлдвэрлэгдэх болж.

 

Улаан дарс- Бараан /хар хөх/ өнгийн усан үзмээр исгэгдсэн.

Цагаан дарс- Шаргал, ногоон өнгийн усан үзмээр исгэгдсэн.

Вермут дарс- Дарсыг тусгай ургамлуудад хандалж бусад жимсний охьтой хослуулсан

Оранж дарс- Цагаан усан үзмийг улаан усан үзмийн дарсны исгэлтийн аргаар буюу үр, хальснаас салгалгүй хамтад нь исгэсэн.

 

Оргилуун дарс- Цагаан усан үзмийн дарсны 2 дахь исгэлтийн шилэн лонхонд эсвэл тусгай даралтын танканд исгэж , нүүрс хүчлийн хийг шингээсэн. Францийн Шампань мужид үйлдвэрлэгдсэн оргилуун дарсыг Шампань дарс, Италид Просекко бусад улсад үйлвэрлэгдэж буйг оргилуун дарс / хийжүүлсэн дарс гэж нэрлэнэ.

 

Чангаруулсан дарс- Дарсыг дахин боловсруулж тусгай охиор чангаруулсан 17% дээш хатуулагтай. Марсала, Шерри Портвайн зэрэг.

 

Розе дарс- Улаан усан үзмийг цагаан дарсны технологиор буюу үр хальснаас салгаж исгэсэн.

Өдрийг тэмдэглэхдээ өөртөө болон найз нартаа зориулан нэгээс хоёр төрлийн дарс худалдан авна. Ингээд тагтан дээрээ магадгүй, зусландаа нэг бол рестораны тохилог суудалд ч найз нартайгаа хооллонгоо дарс шимэх урилгаа илгээнэ.

 

Тэгээд дарсандаа тохирох хоол хийж найзуудаа дайлах мөн ямар дарс, ямар хоолонд илүү тохирч аль альныхаа амтыг нэмж өгдөг талаар ярилцах орой болгоорой.

 

Зөвлөгөө: Цагаан дарс нь хөнгөн буюу тахиа болон загасны махтай хоолонд илүү зохицдог. Улаан дарсыг шүүрхий шарсан стейк юм уу? улаан өнгийн загасны махтай хослуулвал илүү. Дарс исгэлэн байх тусмаа өөх тос ихтэй хоолонд тохирно. Мөн дарсны хүчиллэг чанар хоолны аагнаас илүү байвал тохирно. Мөн цагаан дарс, сарнай, оргилуун дарсыг хослуулан зассан ширээ хүн бүрд сэтгэгдэл төрүүлдэг. Хэрэв дарс мах хоёрын өнгө хослох боломжгүй тохиолдолд соусны өнгийг дарстай ижилсүүлж болдог.

 

Ингээд танд амжилт хүсэе энэ нь мөн л согтууруулах ундаа тул хэтрүүлэхгүй байхдаа анхаараарай.

Сонирхолтой баримтууд:

- Эртний Ромд эмэгтэйчүүд дарс уух хориотой байсан бөгөөд нөхөр нь эхнэрээ дарс уусныг мэдвэл амийг нь хөнөөх эрхтэй байж.

- Германы Шпайер хотын түүхийн музейд МЭ-ний 325 онд үйлдвэрлэгдсэн дарс бий

- Эртний Грекд эхний хундага дарсыг гэрийн эзэн ууж хоргүй гэдгийг илчилдэг байж

- Нэг шил дарснаас авах антиоксидантыг та жүржийн шүүснээс авахыг хүсвэл 6 шилийг ууна

- Титаник бол одоогоор мэдэгдэж байгаа хамгийн урт настай дарсны агуулах

- Дарснаас айх айдастай хүмүүс байдаг. Үүнийг оенопобиа гэнэ.

                                                                                   

                                                                 Эх сурвалж: Хашир Анжигай ингэж хэлэв блог