Нийслэлийн шүд эрүү нүүрний төвийг удирдаж байсан Нүүр амны согог заслын эмч П.Зөнбилэгтийг үндэслэлгүйгээр чөлөөлсөн гэх мэдээллийн дагуу асуудлыг одоо тус төвийн даргын үүргийг түр орлон гүйцэтгэж байгаа Д.Долгормаагаас тодрууллаа. НЭМГ-ын дарга Б.Бямбадорж П.Зөнбилэгтийг албан тушаалаас нь чөлөөлж, түүний оронд Дотрын их эмч Д.Долгормааг томилсон юм.
Өмнө нь бид энэ талаар Нийслэлийн шүд эрүү нүүрний төвийн Эмчилгээ эрхэлсэн орлогч дарга, Хэвлэл мэдээлэл хариуцсан ажилтан Б.Дэлгэржаргалаас тодруулан хүргэсэн билээ. /Өмнөх дугаарыг ЭНД дарж үзнэ үү/
Манай редакцид ирсэн болон өмнөх тодруулга мэдээллээс товч дурьдахад, тус төвийн эмч, ажилчид анх удаа өөрсдийн саналаар хамт олон дундаасаа удирдлагаа сонгожээ. Өмнө нь тус төвийн дарга байсан Б.Дөлгөөнийг тодорхой шалтгааны улмаас ажлаас нь халсан байна. Ингээд дараагийн удирдлагыг ийнхүү байгууллага дотроос хийсэн сонголтоор П.Зөнбилэгтийг 2021 оны есдүгээр сард томилжээ.
Харин Б.Дөлгөөний хувьд өдгөө шүүхийн шийдвэрээр эргэж ажилдаа орох боломжтой болсон гэнэ. Энэ хооронд дээд удирдах байгууллагаас нь буюу тодруулбал НЭМГ-ын дарга Б.Бямбадорж 2021 оны арванхоёрдугаар сард НШЭНТ-ийн бүтэц орон тоонд байхгүй Стратеги төвлөлтийн дарга гэдэг албан тушаал дээр Д.Долгормаа эмчийг томилсон юм байна. Улмаар П.Зөнбилэгтийг ажлаас нь чөлөөлж, Б.Дөлгөөнийг иртэл Д.Долгормааг тус төвийн даргын үүргийг түр орлон гүйцэтэгчээр томилж, дээрх албан тушаалыг хавсран гүйцэтгүүлэхээр шийдвэрлэсэн нь асуудал, асуулт дагуулж эхэлжээ. Үргэлжлэл бий...
Эх сурвалж: Bolod.mn
Сэтгэгдэл (3)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
MANgariig songoson ta nariin l hohih
Eruul mendiin gazriin darga bolood olon ajiltnaa halj solison nowsh doo
Энэ Бямбадорж гэж есөн шид нь бүрдсэн нөхөр байна шүү Саяхан санхүүгийн баахан зөрчил нь ил болоо биздээ том артай хулгайч байх нь