Их хүрээ хийдийн хамба З.Санждорж “Д.Чойжамц хамбын нарийн бичгийн дарга Б.Бүрнээ намайг зодсон” хэмээн худал мэдээ тарааж Б.Бүрнээгийн нэр төр, алдар хүндэд халдсан болохыг Монгол Улсын Шүүх тогтоосон. Өөрийгөө Гандантэгчэнлин хийдэд зодуулсан гэж хэвлэлийн бага хурал зарлаж, Б.Бүрнээг эрүүгийн хэрэгтэн болгож, хохирогчийн дүр эсгэж явсан З.Санждорж бусдыг гүтгэсэн болох нь гэрчүүдийн мэдүүлэг, хяналтын камерын бичлэгээр нотлогдож түүнд гүтгүүлсэн Б.Бүрнээ ламыг шүүхээс цагаатгаад буй. Лам нарын маргааныг цагдаа, прокурорын байгууллага шалгаж хоёр шатны шүүхээр хэлэлцэх явцад З.Санждорж мэдүүлгээ хэд хэдэн удаа өөрчилсөн ч гэдэг. Улмаар Монгол Улсын шүүхээс З.Санждоржийг бусдыг ор үндэслэлгүйгээр гүтгэсэн гэмт үйлдэлдээ уучлалт гуйн, гүтгэсэн хэлбэрээрээ залруулга хийхийг даалгаж шийдвэрлэсэн юм.
З.Санждорж ч хэргээ хүлээн зөвшөөрч 2022.05.19-ний өдөр Sonin.mn сайтад Б.Бүрнээ ламын нэр төр, алдар хүндэд халдсан ёс зүйгүй үйлдэлдээ уучлалт гуйж залруулга мэдээ нийтлүүлсэн байдаг. Гэвч З.Санждоржийн залруулга, дүр эсгэсэн уучлалт байв. Тэрбээр өнгөрөгч 7 хоногт хэвлэлийн бага хурал зарлаж олон нийтэд хандан мэдээлэл хийх үеэрээ Б.Бүрнээ лам болон Гандантэгчэнлин хийдийн нэр хүндэд ээлжит удаагаа халдсан юм. Энэ үйлдлээрээ З.Санждорж Монгол Улсын шүүхийн хүчин төгөлдөр шийдвэрийг басамжилж, шүүхийн шийдвэрийг үл тоогч нэгэн гэдгээ батлав.
Тухайн хэвлэлийн бага хурлын үеэр Их хүрээ хийдийн хамба З.Санждорж “Гандантэгчэнлин хийдийн газрын наймааг Д.Чойжамц хамбын нарийн бичгийн дарга Б.Бүрнээ хийдэг. Газрын луйвар хийдэг маш том гэмт бүлэглэлийн талаар би дандаа баримттай ярина. Ганданг би шүүх дээр 20 гаруй удаа ялсан” гэж мэдээлсэн юм.
Тэгвэл баримт түшдэг З.Санждорж ламын худлаа ярьсан болохыг илчлэх баримтуудыг одоо хүргэе.
Сонгинохайрхан дүүргийн Иргэний хэргийн анхан шатны шүүхээс Гандантэгчэнлин хийдийн тэргүүн их хамба ламын нарийн бичгийн дарга Б.Бүрнээгийн нэр төр, алдар хүндийг гутаасан мэдээлэлдээ няцаалт хийхийг хариуцагч З.Санждоржид өнгөрсөн 04-р сард даалгажээ. Үүгээр зогсохгүй Нийслэлийн шүүхийн шийдвэр гүйцэтгэх газарт “Шүүхийн шийдвэрийг албадан гүйцэтгүүлэх тухай” захирамжийг хүртэл хүргүүлсэн байдаг. Ингээд шүүхийн шийдвэр гүйцэтгэл дээр ажиллагаа явагдсан.
Уг асуудлыг Нийслэлийн шүүхийн шийдвэр гүйцэтгэх газрын шийдвэр гүйцэтгэгч Р.Азбаяраас тодруулахад “ З.Санждорж sonin.mn сайт дээр уучлалт гуйсан мэдээ гаргуулаад энэ ажиллагаа дууссан. Энэ талаар Б.Бүрнээ ламд мэдэгдсэн” гэв. Өөрөөр хэлбэл З.Санждорж бусдын нэр төрд халдсан хэргээ хүлээж шүүхийн шийдвэрийг биелүүлсэн. Харин дараа нь хэвлэлийн бага хурал зарлаад “Ганданг шүүх дээр үргэлж ялж ирсэн” хэмээн өөрийгөө өмгөөлж жишимгүй худлаа ярьсан байгаа юм.
Үүнээс гадна надад үйлдсэн гэмт хэрэг үгүй гэж З.Санждорж дахиад л худал хэлсэн. Их хүрээ хийдийн хамба З.Санждорж өмнө нь өөрийн багш н.Доржжанцангийн гэрээс их хэмжээний мөнгө, үнэт эд зүйлс хулгайлж байгаад баригдаж Сүхбаатар районы ардын шүүхээр хэргээ таслуулж байсан хүн. Сүхбаатар районы ардын шүүхийн шийдвэр одоо ч архивын газарт хадгалагдаж буй. Ийм баримт байсаар байтал би гэмт хэрэг үйлдэж байгаагүй хүн гээд З.Санждорж хамба мэлзэж сууна. Хэвтэрт орсон багшийнхаа гэрээс хулгай хийж хэрэгтэн болж явснаа З.Санждорж мартаагүй байлтай.
Сэтгэгдэл (8)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Хоёр хар хэрээ
Хэзээ бурхан номын хүмүүс ингэж явлаа даа Эд буддист бишээ хаха
xaxa
Mongoliin lam nar bugd shimegch shdee ene ch gandan ch ylgaagui ingeed heruul hiigeed suuj bdag gegeenten ch gej yu bhaw lalar
Энэ сайхан гараа
Ene lam chin uuriiguu helmegdsen gd bsan hergee huleechihsen ym bna shde butehguieee
Энэ лам нар чинь яасан ч худалч зарагч хүмүүс байдаг юм дээ
naad ygee sanjdorjdoo l xel