Орон нутгийн эрх баригчдын мэдээлснээр, Афганистаны зүүн өмнөд хэсэгт орших Пактика мужид хүчтэй газар хөдлөлт болсны улмаас 280 гаруй хүн амь үрэгдэж, 600 гаруй хүн гэмтэж шархадсан байна.
Газар хөдлөлт ихэнх хүмүүс унтаж байх үеэр буюу үүр цайх үед болжээ. Олон нийтийн сүлжээгээр эвдэрсэн байшингууд, гудамжинд нуранги, дамнуурган дээрх хохирогчдыг харуулсан бичлэг тархаж байна.
Амиа алдагсдын тоо нэмэгдэх хандлагатай байгааг орон нутгийн эрх баригчид мэдэгдэв. Орон нутгийн хэвлэл мэдээллийн Бахтар агентлагийн мэдээлснээр гэмтэж шархадсан хүний тоо 600 гаруй болжээ.
Пактика мужид нурсан барилгууд
Газар хөдлөлтийн голомт Афганистаны зүүн өмнөд хэсэгт орших Хост хотоос 44 км-ийн зайд байжээ.
Газар хөдлөлт тус улсын хилээс 500 гаруй км-ийн зайд, тэр дундаа Пакистан, Энэтхэгт болон Афганистаны нийслэл Кабул, Пакистаны Исламабад мэдрэгдсэн байна.
Америкийн мэргэжлийн байгууллагын мэдээлснээр 6.1 магнитудын хүчтэй газар хөдлөлт өглөө эрт 51 км-ийн гүнд хүмүүсийг унтаж байх үедэр болжээ.
Газар хөдлөлт нь Афганистанд ихээхэн хохирол учруулдаг, ялангуяа хөдөө орон нутагт ихэвчлэн шаардлагатай дүрэм журмыг дагаж мөрдөлгүйгээр байшин сав барьдаг.
Афганистан нь нэгэн зэрэг хэд хэдэн хагарал бүхий газар хөдлөлийн идэвхтэй бүсэд оршдог бөгөөд өнгөрсөн 10 жилийн хугацаанд тус улсад газар хөдлөлтийн улмаас 7000 гаруй хүн нас барсан тухай НҮБ-ын Хүмүүнлэгийн хэрэг эрхлэх газраас мэдээлжээ. Газар хөдлөлтийн улмаас жилд хохирогчдын тоо дунджаар 560 орчим байдаг.
Эх сурвалж: ВВС
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.