Кыргызстаны Бишкек хотод болсон бөхийн төрлүүдийн “U17” насны ангиллын Азийн аварга шалгаруулах тэмцээн өчигдөр өндөрлөлөө. Тус тэмцээний сүүлийн өдөр хөвгүүдийн ангилалд Монголын гурван бөх хүрэл медалийн төлөө барилдсан ч медаль хүртэж чадсангүй.
Тодруулбал, 45 кг-ын жинд Орхон аймгийн “Ирээдүйн одод” сургуулийн тамирчин А.Мөнхтөгс Туркменистаны Азымберди Аширгулиевт, 55 кг-д Дархан-Уул аймгийн тамирчин Б.Одсүрэн Кыргызстаны Аскат Токтоматовт, 110 кг-д Архангай аймгийн тамирчин М.Рэнцэндаржаа Узбекистаны Хикматулло Курбановт ялагдлаа.
Өнөөдөр “Бишкек Арена”-д 23 хүртэлх насны Азийн АШТ сонгомол бөхийн төрлөөр эхэлнэ.
Эх сурвалж: Mnb.mn
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.