ОХУ болон БНХАУ-ын удирдагчид Хөгжиж буй эдийн засагтай таван орны виртуал форум буюу БРИКС-ийн хурлын нээлтийн үеэр Оросын эсрэг хоригуудыг буруутгалаа. БРИКС-т Бразил, Орос, Энэтхэг, Хятад, Өмнөд Африк гэсэн 5 орон багтдаг. ОХУ-ын Ерөнхийлөгч Путин хурлын нээлтэд цахимаар үг хэлэх үедээ "Дэлхийн хүнсний аюулгүй байдал, хангамжийн асуудал улам хүндэрч, үр тариа болон бусад хөдөө аж ахуйн гол нэрийн бүтээгдэхүүний үнэ хөөрөгдөж байна" гэж мэдэгджээ. Мөн тэрбээр Хятад, Энэтхэгт Оросын нефтийн экспорт мэдэгдэхүйц нэмэгдсэний зэрэгцээ, ОХУ БРИКС-ийн хүрээний орнуудад багагүй хэмжээний бордоо нийлүүлснийг онцолсон байна.
"Оросын бизнес эрхлэгчид БРИКС-ийн орнуудын бизнес эрхлэгчидтэй хамтран тээврийн дэд бүтцийг хөгжүүлэх талаар шуурхай арга хэмжээ авч байна. Тээвэр логистикийн чиглэлүүдийг шинэчлэн, үйлдвэрлэлийн шинэ сүлжээ бий болсон" гэж ОХУ-ын Ерөнхийлөгч мэдэгдсэн байна.
Үүний зэрэгцээ БНХАУ-ын дарга Ши Жиньпин Өрнөдийн орнуудын Оросын эсрэг тогтоосон хоригууд талуудын аль алинд уршиг тарьж болзошгүй байгааг мэдэгджээ.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.