Хөгжлийн банкны Гүйцэтгэх захирал Н.Мандуул:
Хөгжлийн банкны нөхцөл байдал тун хүнд байсан. Өнгөрсөн оны сүүлээр Монголбанкнаас Хөгжлийн банканд шалгалт хийсэн. Банканд нэг чухал үзүүлэлт байдаг, өөрийн хөрөнгөний хүрэлцээний харьцаа гэдэг. Энэ нь Монголбанкны тавьсан шаардлагаар манай банк дээр 9 хувиас дээш байх ёстой байсан. Оны эцсийн байдлаар Монголбанкны шалгалтын үр дүнд энэ дүн 1.3 хувь болж буурах нөхцөл байдал үүсээд байсан. Өнгөрсөн хугацаанд чанаргүй зээлүүдийг төлүүлэх арга хэмжээ авч хэрэгжүүлсэн, мөн Сангийн сайдын хэлсэнчлэн "Кью Эс Си" ХХК-ийн төлбөр бүрэн төлөгдөж, барагдсанаар бидний урьдчилан тооцсоноор манай банкны өөрийн хөрөнгөний хүрэлцээний харьцаа үзүүлэлт 13.8 хувь болж байна. Энэ нь банкны хэвийн үйл ажиллагаатай болох бидний зорилттой тун дөхөж байна. Бид оны эцэс гэхэд Хөгжлийн банкны хувьд аливаа нэгэн бэрхшээлгүй хэвийн үйл ажиллагаатай болно гэсэн зорилттой ажиллаж байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.