УИХ Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж өчигдөр баталлаа. Ингэснээр 2023 оны нэгдүгээр сарын нэгнээс 34 градусаас дээш хатуулагтай согтууруулах ундааны татварыг нэмэхээр болж байна. Ингэхдээ нэлээд өндөр буюу 50 хувиар нэмээд, дараа жилээс нь бага хатуулагтай архи, согтууруулах ундааны татварыг бага хэмжээгээр үе шаттай нэмэх ажээ. Ингэснээр согтууруулах ундааны зохистой хэрэглээ нэмэгдэнэ гэж үзжээ. Үүнийг Н.Наранбаатар гишүүн эсэргүүцсэн ч гишүүдийн олонх нь архины татварыг нэмэх ёстой гэж үзлээ.
Н.Наранбаатар гишүүн "Архины онцгой албан татварыг нэмэгдүүлж байгаа юм байна. Ингэхээр сөрөг үр дагаварууд гарах болов уу гэж бодож байна.
Нэгдүгээрт, "Нэг литр архи 15600 байгаа бол энэ хууль батлагдсанаар 31300-гаас дээш үнэтэй болох нь. Үйлдвэрлэгчид энэ татварын нэмэгдлийг архиныхаа борлуулалтын үнэ дээр нэмээд л явна. Эцсийн дүндээ энэ татварын зөрүү чинь ард иргэдийн халааснаас гарна.
Хоёрдугаарт, архийг өндөр үнэтэй болгочихоор хуурамч, чанар муутай архи ихээр үйлдвэрлэгдэж хүмүүсийн эрүүл мэндээрээ хохирох, улсын төсөвт нөлөөлөх зэрэг асуудал гарна" гэсэн юм.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.