ОХУ-ын Засгийн газар Грек, Дани, Словени, Хорват, Словак зэрэг улс орноор "найрсаг бус улс"-ын жагсаалтаа өргөжүүлсэн байна. Орос улсад нийтдээ ийм хоёр жагсаалт бий. Эдгээр улс өмнө нь зөвхөн АНУ, Чех улс байсан жагсаалтад нэмэгджээ. Хаин нөгөө жагсаалтад 48 улс багтсан.
Эхний жагсаалт
ОХУ-ын гадаад дахь дипломат болон консулын төлөөлөгчийн газруудын эсрэг чиглэсэн "нөхөрсөг бус үйлдэл" гаргасан улсын жагсаалтыг "шинэчилсэн" гэж Ерөнхий сайд Михаил Мишустин мэдэгдэв.
Дайны өмнө ч Оросын эрх баригчид тус улсын эсрэг "нөхөрсөг бус үйлдэл хийдэг" улсуудыг "найрсаг бус улс" гэж нэрлэх болсон. Энэ нь дипломат дуулиантай холбоотой байв.
2021 оны 4-р сарын 23-нд ОХУ-ын Ерөнхийлөгч эдгээр улсын Москва дахь дипломат төлөөлөгчийн газарт Оросын иргэдийг ажиллуулах эрхийг хязгаарласан зарлигт гарын үсэг зурсан юм. Эхлээд энэ жагсаалтад хоёрхон улс байсан. Тодруулбал дээр өгүүлсэнчлэн 2021 оны 5-р сарын 14-нд Оросын засгийн газар Чех, АНУ-ыг энэ жагсаалтад оруулжээ.
Харин сая шинээр нэмэдэж буй Грек, Дани, Словени, Хорват, Словак зэрэг улс одоо ийм хязгаарлалттай тулгарах болно. Учир нь Ерөнхий сайд Мишустин 2021 оны дөрөвдүгээр сарын Путины зарлигийг иш татан захирамжид гарын үсэг зурсан юм.
Уг тогтоолд Элчин сайдын яам, консулын газруудад "Оросын нутаг дэвсгэрт амьдардаг хүмүүс"-ийг ажилд авах боломжийг бүрмөсөн хориглох, хязгаарлахыг санал болгож байна.
Энэ тушаалын дагуу Грект 34, Дани 20, Словак 16 хүний хязгаар тогтоосон байна.“ Словени, Хорват улс дипломат төлөөлөгчийн газар болон консулын газартаа ажилчид авах боломжгүй” гэж баримт бичигт дурджээ.
Хоёр дахь жагсаалт
Энэ оны 3-р сарын эхээр, өөрөөр хэлбэл, Украин руу довтолж эхэлсний дараа Оросын засгийн газар өөр нэг "найрсаг бус" улс, болон газар нутгийн жагсаалтыг баталсан.
Дараа нь ЕХ-ны гишүүн орнууд, Австрали, Албани, Андорра, Их Британи, Исланд, Канад, Лихтенштейн, Микронез, Монако, Шинэ Зеланд, Норвеги, Бүгд Найрамдах Солонгос, Сан Марино, Хойд Македон, Сингапур, АНУ, Тайвань (Хятад), Украйн, Монтенегро, Швейцарь, Японзэрэг 48 улс орон багтсан жагсаалтыг баталсан.
Энэхүү жагсаалтаас харахад АНУ болон ЕХ-ны гишүүн орны хувьд Чех улс хоёр жагсаалтад багтаж байна.
Энэхүү жагсаалтыг В.Путины өөр нэг зарлигийн үндсэн дээр боловсруулсан бөгөөд тэр нь 2022 оны 3-р сарын 5-ны өдрийн зарим гадаадын зээлдүүлэгчдийн өмнө хүлээсэн үүргээ биелүүлэх түр журмын тухай тогтоол юм.
"Нөхөрсөг бус" орнуудын жагсаалтад багтсан гадаадын зээлдүүлэгчдийн өмнө гадаад валютын үүрэг хүлээсэн ОХУ-ын иргэд, аж ахуйн нэгжүүд төлбөрөө рублээр төлөх боломжтой болно гэж Засгийн газар мэдэгдэв.
Харин үүний хариуд барууны орнууд ОХУ-ын эсрэг хориг арга хэмжээ авч, Орос улс сөрөг хориг, хязгаарлалтыг ихэвчлэн "найрсаг бус улс" гэж нэрлэдэг. бөгөөд "Нөхөрсөг" орнуудын хувьд ямар нэг хязгаарлалт хориг байхгүй.
Эх сухвалж: ВВС
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.