АНУ-ын цэргийн департамент АНУ-ын Олон улсын хөгжлийн агентлагийн USAID-ээр дамжуулан Украин дахь цэргийн биологийн хөтөлбөрт оролцож байгаагаа нуухыг оролдсон байж магадгүй гэж Оросын зэвсэгт хүчний цацраг, хими, биологийн хамгаалалтын албаны дарга Игорь Кириллов мэдэгдэв.
Дэслэгч генералын хэлснээр, Украинд болсон цэргийн тусгай ажиллагааны үеэр Оросын арми 2019 оноос хойш USAID болон түүний үндсэн гүйцэтгэгч болох "Лабиринт Украин" компани АНУ-ын цэргийн биологийн хөтөлбөрт оролцож байгааг нотлох баримт бичгүүдийг хураан авсан байна.
Тэрбээр Украины энэ компани нь Америкийн "Labyrinth Global Health"-ын салбар бөгөөд түүнийг үүсгэн байгуулагчдын дунд цэргийн биологийн үйл ажиллагааны чиглэлээр Пентагоны гол гүйцэтгэгч "Metabiota"-гийн хуучин ажилтнууд байдаг гэж тайлбарлав.
ОХУ Украины биологийн лабораторийн асуудалд илүү их анхаарал хандуулж санаа зовж байгаатай холбоотойгоор Пентагоныг биологийн зэвсэг бүтээсэн гэж буруутгахаас зайлсхийхийн тулд USAID-ийг уг ажлын зохицуулагчаар сонгосон байж болохыг Игорь Кириллов дурдав.
Тиймээс Батлан хамгаалах яам Украины Зэвсэгт хүчний эмнэлгийн албаны хурандаа Сергей Моргуны "Лабиринт Украин"компанийн захирал Карен Сейлорст хаягласан захидлыг нийтэлжээ. Моргун уг захидалдаа "Украины цэргийн эмч нарын зүгээс "Украйн лабиринт"-ийн үйл ажиллагааг сонирхож, дэмжиж байгаагаа илэрхийлжээ.
Тэрбээр цааш нь "Хэрвээ "Украины Лабиринт" АНУ-ын Олон улсын хөгжлийн агентлагаас дэмжлэг авбал 2022 онд Украины Зэвсэгт хүчний Эрүүл мэндийн цэргийн командлалын ариун цэврийн болон халдвар судлалын хэлтсийг PHS R&R/Эрүүл мэндийн тогттолцоо ба тогвортой байдал/ хөтөлбөрт оролцуулах, Лабиринттай зохион байгуулах чиглэлээр хамтран ажиллахыг тэсэн ядан хүлээж байна. "Лабиринт Украина ба түншүүд" гэж Моргун бичжээ.
Кириллов, Батлан хамгаалах яам чөлөөлөгдсөн нутаг дэвсгэрээс хүлээн авсан шинэ мэдээллийг харгалзан АНУ ба түүний холбоотнуудын Украин болон дэлхийн бусад бүс нутагт дахь цэргийн биологийн үйл ажиллагаанд дүн шинжилгээ хийсээр байгааг тэмдэглэв.
Эх сурвалж: РИА новости
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.