Өвөлжилтийн бэлтгэл ажил өнөө маргаашгүй эхэлж байна. Өнөөх утаа угаар, түлш түлээ яах бол гэсэн асуудал “горьгүй” гэдгийг нийслэлчүүд тэр аяараа мэднэ. Өнгөрсөн өвөл нүүрс хямд байгаа учраас хүмүүс их түлээд байна гэж хурган дарга нь хэвлэлд ярьж байлаа. Шахмал түлшний чанар муугаас хот утаа униартаа дарагдаж өнгөрөөснийг хэн хүнгүй мэдэж буй. Угтаа Тавантолгой түлш гэх компанийг олигтой удирдаж, шахмал нүүрсийг чанартай үйлдвэрлэж, хотыг утаа багатай байлгаж чадаагүйгээ мэдэрсэн “По” гэх М.Ганбаатар өөрийн хүсэлтээр ажлаас чөлөөлөгдсөн.
Гэтэл нэмэгдэхүүний байрыг сольсон ч нийлбэрийн дүн өөрчлөгдөхгүй гэдгийн адилаар М.Ганбаатарын оронд Тавантолгой түлш компанийн захирлаар “Эрдэнэт үйлдвэр” ТӨҮГ-аас балагтайгаар “хусагдаж” байсан Ц.Даваацэрэн томилогдчихсон явна.
Ц.Даваацэрэнг экс ерөнхийлөгч Ц.Элбэгдоржийн хүн гэлцдэг. АН-ын харъяалалтай хүн. Тэр АН-ыг эрх барьж байх үед буюу 2012-2016 онд Эрдэнэт үйлдвэрийн захирлаар ажилласан. Гэвч ажлаа чин шударга хийлгүй авлига хээл хахуулийн олон хэрэгт нэр холбогдож АТГ, прокурорын байгууллагад шалгагдаж байлаа. Одоо ч түүний нэр холбогдсон хэргүүд эцэслэгдээгүй буй.
Тухайлбал Ц.Даваацэрэн нь Эрдэнэт үйлдвэрийн захирлаар ажиллаж байх үедээ Эрдэнэт үйлдвэрийн хөрөнгөөр барьсан "Эрдэнэт медипас" эмнэлгийн барилгыг Ядамсүрэнгийн Энхчулуун захиралтай Медикал ХХК-д өгөх тушаал гаргасан хүн юм. Тодруулбал, Эрдэнэт үйлдвэрийн 69.9 тэрбумын хөрөнгөөр 2015 онд барьж дуусгасан уг эмнэлгийг 2016 онд ямар ч үнэ төлбөргүйгээр 18 жилийн гэрээ байгуулж дээрх хувийн компанид шилжүүлсэн байдаг. Өнөөдөр хүртэл нэг ч төгрөгөө улс аваагүй. Энэ хэрэгт холбогдсоны дагуу түүнийг ШШГЕГ-ын харьяа хориг 461-р ангид Я.Энхчулууны хамтаар баривчилж, нэг сарын хугацаатай цагдан хорьж байсан ч Ц.Даваацэрэн эрүүл мэндийн шалтгааны улмаас батлан даалтаар гарч байлаа.
Дээрээс нь Эрдэнэт үйлдвэрээс 2016-2020 он хүртэл 12.7 тэрбум төгрөг бэлнээр урьдчилан сэргийлэх үзлэг нэрээр авсан хэмээн шадар сайд ярьсан юм. Мөн 2009-2017 оны хооронд оффшор дахь дансанд их хэмжээний сая доллар гуйвуулсан зэрэг хэрэгт холбогдуулан АТГ, ЭЦГ, ТЕГ-аас шалгаж байлаа. Эдгээр хэргүүд одоо хэрхэн эцэслэгдсэн нь тодорхойгүй, төмөр сэйфэнд хав дарагдчих шиг боллоо.
Ийм хүнийг, тэр дундаа өрсөлдөгч намынхаа хүнийг МАН төрийн өндөр албан тушаалд томилсон нь бас сонин. Төрийн гурван өндөрлөг нь ам нээх болгондоо шахам авлига, албан тушаалын хэрэгтэй хатуу тэмцэнэ, төрийн албыг цэвэрлэнэ гэгдэх. Гэтэл нэр цэвэр бус хүмүүсийг энэ мэтчилэн хариуцлагатай албан тушаалд томилдог нь юуны учир вэ...
Угтаа бол төр авлига, албан тушаалын хэрэгт холбогдож, улс оронд хохирол учруулсан хүнийг дахин төрийн албанд томилохгүй байх нь шударга ёсонд нийцнэ. Даан ч манай төр, төр баригчид завшсан, задарсан нэгнийг нэг ажлаас нь чөлөөлсөн болж харагдаад өөр өндөр албанд томилчихдог тоогүй тогтолцоотой болоод бугшчихаж.
Б.Мөнх
Сэтгэгдэл (14)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Ч.Ганзориг хамгийн гол буруутан нь гэж ГОК даяар ярьж байгаа
Даваасүрэн захиралдаа амжилт хүсье
Даваасүрэн захиралдаа ажлын амжилт хүсье
Энэ бүх муу муухайг хүзүүгүй хүн хийлгэсэн байха. Ачит эх ххкг энд дурьдаагүй бн
Даваацэрэн захирал бол цул уурхайн салбарт олон жил үр бүтээлтэй ажилласан үнэхээр туршлагатай удирдах ажилтан, өмнөх асуудлыг шалгаад хянаад шийдсэн бхад одоо яахаараараа бие биендээ өш санадаг юм бэ? Би бол Даваацэрэн захирлыг хэзээ ч тийм ул суурьгүй зүйл хийхгүй хүн гэдэгт итгэдэг. Даваацэрэн захиралд шинэ ажилд нь амжилт эрүүл энх тайван амьдралыг хүсэн ерөөе....
Даваацэрэн уул уурхайн мундаг мэргэжилтэн сайн удирдагч. Ийм хүмүүсээ ашиглах л хэрэгтэй.медис эмнэлгийн хувьд эзний тушаалаар хийгдсэн байх даа
Энэ хүүр үхээч
энэ яаж яваад албан тушөөл очоод бна вэ сонин уим даа намынхаа хүмүүсиыг тавиачээ еронхий сайд намын дарга нь ингээд яваад байх уу арай уим даа
Nam-iin galzuu tsagaan solio tussan mal bichij dee, mgl-d iimerkhuu nohduudiig ugui hiij uls ornoo bodoh tsag ug ni bolson, ali ch nam yalgaaguigeer chadvarlag hunuusiig tsugluulah, ajil yavuulah heregtei
Бас л сайн хүн дээ
энэ нөхөр чинь АН-ын үед Эрдэнэт үйдвэрийн захирал, Дархны төмөрлөгийн үйлдвэр, АМХЭГ-ын дарга зэрэг ажлуудыг хийж явсан, МАН-ын үед ТТТХК даргаар томидлгдож МАНАН үүсгэж байгаа юм байналдаа. саяхан л Эрдэнэтийн 49%, Эрдэнэтийн МедиПас эмнэлгийн хэргээр ял үүсгээд шалгаад байсан ямар ч учиртай юм мэдэхгүйэ.
Энэ хүн дэндүү сайн хийж чадна даа.Даанч тэр хүний хийж бүтээснийг мэдэхгүй харлуулаад бгаа нөхөд л иймэрхүү юм бичнэ ээ.
Зайлаа ийм ч бх гэж
Арай арай