-ОХУ-ын Хар тэнгисийн флотын шинэ командлагчаар дэд адмирал Виктор Соколов томилогдов-
Оросын Хар тэнгисийн флотын шинэ командлагчаар дэд адмирал Виктор Соколов томилогдсон тухай Тэнгисийн цэргийн хүчний эх сурвалж РИА Новости агентлагт мэдээлэв.
Соколов одоогоор шинэ албан тушаалаа хүлээн авч байна гэж Тэнгисийн цэргийн хүчний удирдлага мэдэгдэв. Үүнтэй холбоотойгоор олон нийтийг хамарсан арга хэмжээ болоогүй бөгөөд Севастополь хотод тогтоосон террорист аюул заналхийллийн "шар" түвшний улмаас ийм арга хэмжээ зохион байгуулагдахгүй байх магадлалтай гэж хэлэв.
Украинд Оросын тусгай ажиллагаа явагдаж байгаа нөхцөлд хэн ч ийм томилгооны талаар олон нийтэд мэдээлэх үүрэггүй гэж нөхцөл байдалтай танилцсан өөр эх сурвалж хэлэв. Хариуд нь Хар тэнгисийн флот энэ мэдээллийн талаар албан ёсоор тайлбар хийгээгүй байна.
Тоддруулахад Севастополь дахь террористуудын аюулын "шар" (өндөр) түвшинг наймдугаар сарын 29 хүртэл сунгасан тухай өмнө нь мэдээлж байсан бөгөөд энэ хүрээнд иргэдийг ойр орчмынхоо нөхцөл байдал, ялангуяа тээвэр, соёл урлаг, үзвэр үйлчилгээ, худалдаа, спортын төвүүдийг анхааралтай ажиглаж байхыг Засгийн газраас зөвлөөд байгаа юм.
Эх сурвалж: Лента, ру
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.