Шойгу довтолгоог зориудаар удаашруулж байгаа гэв

 Украинд явуулж буй цэргийн тусгай ажиллагааны хүрээнд довтолгоог удаашруулж байгаа нь энгийн иргэдийн хохирлыг багасгахын тулд гаргасан зориудын шийдвэр юм гэж ОХУ-ын Батлан ​​хамгаалахын сайд Сергей Шойгу ШХАБ-ын орнуудын цэргийн салбарын тэргүүн  нарын уулзалтын үеэр мэдэгдэв.

"Тусгай ажиллагааны үеэр бид хүмүүнлэгийн хуулийн хэм хэмжээг чанд мөрдөж байна. Украйны Зэвсэгт хүчний цэргийн дэд бүтэц болох командын цэг, нисэх онгоцны буудал, агуулах, бэхэлсэн бүс, батлан хамгаалах үйлдвэрлэлийн цогцолбор, цэргийн объектуудад өндөр нарийвчлалтай зэвсгээр цохилт өгч байна. Үүний зэрэгцээ энгийн иргэдийг хохироохгүй байх бүх зүйлийг хийж байна. Үүний нэг нь  довтолгооны хурдыг удаашруулж байгаа  явдал. 

Чөлөөлөгдсөн нутаг дэвсгэрт Оросын арми энх тайван амьдралыг бий болгох, хүмүүнлэгийн тусламж үзүүлэх, дэд бүтэц, амьдралыг дэмжих системийг сэргээх ажилд оролцож байгааг тэрээр онцлон тэмдэглэв.
Үүний зэрэгцээ Украины цэргүүд террористууд шиг аашилж, олон улсын хэм хэмжээг бүдүүлгээр зөрчиж байна гэж сайд үргэлжлүүлэв. Тухайлбал,  Украины Зэвсэгт хүчин орон сууцны хороолол, эмнэлэг, сургууль, цэцэрлэгт буудлагын галын цэгээ байрлуулж байна.

Барууны орнуудаас Украинд зэвсэг нийлүүлж байгаа нь хохирогчдын тоог хэд дахин нэмэгдүүлж, мөргөлдөөнийг уртасгаж байгааг Шойгу онцолжээ.
"Өнөөдөр Оросын эсрэг хатуу хориг арга хэмжээ, мэдээллийн дайн эхэлсэн.  Украин дахь мөргөлдөөн үүний бас нэг шалтаг болж байна. АНУ болон түүний хамсаатнуудын зорилго бол Оросыг стратегийн хувьд туйлдуулах явдал юм . 

Москва "шинэ нөхцөлд Европ дахь тогтвортой байдлын хууль эрх зүйн үндсийг бүрдүүлэх" талаар ихээхэн хүчин чармайлт гаргасан боловч барууны орнууд харилцан аюулгүй байдлын баталгааны асуудлыг харгалзан үзэхээс татгалзсаныг тэрээр дурдав. Мөөн тэрбээр "Украиныг Оросын эсрэг эрлийз дайны зэвсэг болгон сонгосон" гэж Шойгу мэдэгдэв.

Эх сурвалж: РИА новости