ХЕРСОНЫГ АВАХ УКРАИНЫ ТӨЛӨВЛӨГӨӨ: Олон сар ярьсан сөрөг довтолгооны олз, гарз юу байв 

Зеленскийн дэглэмийн төлөөлөгчид болон барууны хэвлэл мэдээллийн хэрэгслээр удаа дараа зарласан Херсон руу хийх  Украины армийн сөрөг довтолгоо наймдугаар сарын 29-нд эхэллээ. Довтолгооны анхны үр дүн нь Киевийн агуу төлөвлөгөөнөөс хол зөрөв.

Дашрамд тодотгоход, Херсон бол Хар тэнгис болон  Днепер мөрний хооронд оршдог стратегийн чухал газар бөгөөд эндээс хөлөг онгоцуудын хөдөлгөөнийг бүрэн хянах боломжтойгоос гадна Крымээс ердөө 100 км-ийн зайтай оршдог  юм.

Оролдлого үнэхээр бүтэлгүйтэв
Хоёр хоногиийн өмнө ОХУ-ын Батлан ​​хамгаалах яам “Өнөөдөр В.Зеленскийн шууд зааварчилгааны дагуу Украины цэргүүд Николаев, Херсон мужийн гурван чиглэлд сөрөг довтлогоо хийхийг оролдлоо. Оросын цэргийн бүлэглэл идэвхтэй хамгаалсны үр дүнд Украины Зэвсэгт хүчний ангиуд ихээхэн хохирол амссан. Тулалдааны үеэр Украины 26 танк, явган цэргийн 23 байлдааны машин, бусад есөн хуягт байлдааны машиныг устгаж,  Су-25 довтолгооны хоёр онгоцыг устгасан. Тэд 560 гаруй цэргийн албан хаагчаа энэ үеэр алдлаа. Дайсны довтолгооны ээлжит оролдлого бүтэлгүйтэв гэж мэдэгдлээ.

Орой болоход Украины олон нийтийн сүлжээгээр Николаев хотод жижүүргүй байгаа эмч нарыг яаралтай ажилд дуудсан гэсэн мэдээлэл гарч ирсэн нь шархадсан хүмүүсийн их хэмжээний урсгалтай холбоотой байв. Түүнчлэн нийслэлийн иргэдийг ирж цусаа өгөхийг уриалсан байна.

Хэрэгжихээсээ өмнө задарсан төлөвлөгөө
Украины сөрөг довтолгооны төлөвлөгөө уг нь нээлттэй байгаагүй, мэдээж хэрэг маш нууцын зэрэглэлд байсан байх. Гэвч Приморийн ажлын хэсгийн штаб дээр боловсруулж, генерал Гнатов, штабын дарга хурандаа Бригнетс нарын баталсан Украины Зэвсэгт хүчний Херсоны чиглэлд довтлох энэхүү төлөвлөгөөг Украины хакерын "Берегини" бүлэглэл нийтэлсэн байна.

Төлөвлөгөө нь ОХУ-ын Зэвсэгт хүчний ар талд янз бүрийн дуураймал цохилт, галын хохирол учруулах, дараа нь Берислав мужид дайсны гол нөөцийг угтан бут цохих явдал байв.  Ялангуяа довтолгооны эхний цагуудад Сухой Ставок сууринг эзлэх ёстой байв. Энэ  ч ёсоороо 8-р сарын 29-нд түүний зүгт үнэхээр цохилт өгсөн.

"Берегини" хакерын бүлгийн төлөөлөгчид өөрсдийн нийтлэлдээ: "Давшилтыг 8-р сарын эхээр төлөвлөж байсан ч хүн хүчний хувьд цөөн, учир дутагдалтай байсан. Гэхдээ одоо хүн хүчийг оруулж ирсэн, гэвчиг эдгээр нь мэргэжлийн цэргүүд биш бөгөөд дайчилгааныхан  юм. Ийм байдал нь сайн зүйлээр дуусахгүй гэдгийг Николаев дахь төв байрны офицерууд ойлгож байгаа ч харин тэднийг улстөрчид тэднийг яарч шавдуулж байна” гэжээ.

Зеленский америкчуудад өгсөн амлалтдаа хүрэхээр
Эхэндээ Украины Зэвсэгт хүчний сөрөг довтолгооныг наймдугаар сарын 10-нд хийхээр төлөвлөж байсан ч гурван долоо хоног гаруй хугацаагаар хойшлуулжээ. Үүний шалтгаан нь Украины Ерөнхийлөгчийн Тамгын газар болон Зэвсэгт хүчний генералууд үйл ажиллагааны хэтийн төлвийн талаар нэгдмэл санаагүй, өөр өөр үзэл бодолтой байсантай холбоотой аж.

Эх сурвалжийн мэдээлснээр Украины зэвсэгт хүчний Ерөнхий командлагч Залужный  хамгаалалтын тактикийг одоогийн нөхцөлд хамгийн ашигтай гэж үзэж байгаа бөгөөд томоохон хэмжээний довтолгооны ажиллагаа нь хуримтлагдсан нөөц, зэвсэг хүн хүчийг  дэмий хоосон, үр дүнгүй үрэн таран хийнэ  гэж тооцож  байгаа гэжээ.

Харин Зеленский үүний хариуд Америкийн конгрессменд цэргийн амжилттай ажиллагаа хийхээр амласан зургаан долоо хоногийн хугацаа дуусч байгаа тул энэ чиглэлд хийх сөрөг довтолгоог одоо даруй эхлүүэхийг шаардсан тухай мэдээлж байна. 

8-р сарын 28-нд Киевийн дэглэмийн тэргүүн цэргийнхэнтэй нууц уулзалт хийж, үүний дараа довтолгоо эхэлсэн. Ийнхүү Украйны Ерөнхийлөгч хүссэн зүйлдээ хүрч, хэсэг хугацаанд барууны хэвлэлүүд “Украины довтолгоо”-г дахин нүүр хуудсандаа нийтлэх болно.  Гэвч асуудлын  үнэ цэнэ нь хүний амь амьдралаар хэмжигддэг  бөгөөд  Зеленский урьдын адилаар үүнийг авч хэлэлцсэнгүй.

Херсонд аюул байхгүй
Үүний зэрэгцээ генерал Залужныйгийн ойр дотны хүмүүс уг шийдвэрийн үр дагаварт санаа зовж байна. Хэрэв сөрөг довтолгоо амжилтад хүрэхгүй бол Украйны Зэвсэгт хүчнийг батлан ​​​​хамгаалалтаас татан буулгаж энэ цаг хугацааны "эзэнгүйдэл"-ийг ашиглаж Оросын арми урагшлах шинэ давшилтаа эхлүүлэхэд хүргэж болзошгүй юм.

Aif.ru-ийн эх сурвалжийн мэдээлснээр  тэнгисийн десантын болзошгүй довтолгооноос сэргийлж өмнө нь тэнд байршуулсан цэргийн анги нэгтгэлүүдийг  Одессаас Херсоны чиглэлд шилжүүлж байгаа гэжээ. Украины генералуудын төлөвлөгөөний дагуу эдгээр нөөц нь үйл явдлын өрнөл таагүй болсон  тохиолдолд болзошгүй сүйрлээс фронтыг хамгаалах ёстой аж.

 Бүс нутгийн засаг захиргааны орлогч дарга Кирилл Стремоусов “Херсон муж нь ОХУ-ын Батлан ​​хамгаалах яамны мэргэжлийн цэргийн хамгаалалтад бүрэн орсон. Хэд хэдэн хамгаалалтын шугам барьсан. Херсон болон Херсон мужид юу ч заналхийлэхгүй" гэж РИА Новости агентлагт ярьжээ.

Гэсэн хэдий ч Украины арми "гар хумхихгүй"  хэвээр байна. Херсон муж дахь суурин газруудыг буудаж байх үед тэд сургуулийг сүйтгэжээ. 

Эх сурвалж: АиФ