Авлигатай тэмцэх газрын Мөрдөн шалгах хэлтэс эрүүгийн 745 хэрэгт мөрдөн байцаалтын ажиллагаа явуулснаас өнгөрсөн долоо хоногт 8 хэргийг шүүхэд шилжүүлэх, 11 хэргийг хаах, 3 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 721 хэрэг шалгагдаж байна. Өнгөрсөн долоо хоногт нийт 3 объектод нэгжлэгийн ажиллагаа явуулж, мөрдөгчийн 3 мэдэгдэл бичиж холбогдох байгууллагуудад хүргүүлэв.
Шүүхэд шилжүүлэх саналтайгаар прокурорын байгууллагад хүргүүлсэн хэргүүдийг дурдвал:
-Өвөрхангай аймгийн Өмчийн харилцааны газрын худалдан авах ажиллагааны газрын дарга “Д” нь албан тушаалын байдлаа урвуулан ашиглаж тендерт орж байгаа компаниудаас тендерт ялалт байгуулахад дэмжлэг үзүүлнэ гэж төрсөн эгчийнхээ дансаар мөнгө авдаг гэх;
-“Т” нь Мал эмнэлгийн ерөнхий газрын даргаар ажиллаж байхдаа албан үүрэг, бүрэн эрхийн байдлаа урвуулан ашиглаж гэмт хэргийн улмаас олсон мөнгө гэдгийг мэдсээр байж ашигласан, 2018 оны 10 сарын 12-ны өдрөөс 2020 оны 08 сарын 31-ний өдөр хүртэлх хугацаанд гэмт хэргийг байнга тогтвортой үйлдэж мөнгө угаасан гэх;
-Нийслэлийн түргэн тусламжийн төвийн удирдлага, эмч нар болон Шуурхай удирдлагын төвийн нийт 14 албан тушаалтан гэртээ нас барсан, өвчний онош тодорхой буюу цагдаагийн байгууллагад шалгуулах шаардлагагүй гэж үзсэн үйлчлүүлэгчийн гэрийн хаягийг буяны компанид өгч, шарилыг хувийн компаниудаар зөөлгөхөд хууль бус давуу байдал олгож энэхүү хууль бус үйлдэлдээ 100 сая төгрөгийн хахууль авсан гэх;
-“Г” нь Нийслэлийн Байгаль орчны газрын Захиргааны хэлтэст байгаль хамгаалагчаар ажиллаж байхдаа бусдаас хахууль авсан гэх;
-Сэлэнгэ аймгийн Баруунбүрэн сумын Засаг даргын Тамгын газар, Орхон бүсийн ойн ангийн эрх бүхий албан тушаалтнууд албан тушаалын байдлаа урвуулан ашиглаж 2021 оны 03 дугаар сарын 06-ны өдрийн орчимд ойгоос огтлолт хийх тусгай зөвшөөрөлгүй мэргэжлийн бус байгууллагад мод бэлтгэх зөвшөөрөл олгож, давуу байдал үүсгэсэн гэх;
-Архангай аймгийн Эрдэнэбулган сумын Засаг даргын Тамгын газрын албан тушаалтнууд нь эрх мэдэл албан тушаалын байдлаа урвуулан ашиглаж бусдад давуу байдал бий болгосон гэх.
Сэтгэгдэл (2)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Ene tur zasagt chini anhaaral tavidag hun baisiimuu haanaasaa haalgach hurtlee nuli hahuuli huuhed hugshid odoo buur uhsen nun ni mungu oloh heregslel bodiin bna nuguu elbegdorjizm ba ard chi al al gedeg ni ene uu ene buh buzar bulai huuli bus yumiig ni ileruuleed ehelheer elbegdorj battulgiin gar hul AN n namchinguud ni ene MAN muuhai geel soliorool gutgeed gujirdeed eheldiin bna mongolchuudaa ard tumen mini ene MAN g ydaad 8 Jil tur bariulaa ih yum garhiin bna olon ardchilagch aaviind suuhiin bna
Банкуудын теллерүүд ба ажилтнууд муу үйлчилж, ингэснээр өрсөлдөгч банкаа сурталчлан, хахууль авдгаараа төрийн албан хаагчдыг ардаа орхидог.