Виктор Медведчук Украины олзлогдсон 200 цэргийн "үнэ хүрэв"

Есдүгээр сарын 22-ны шөнө Украины эрх баригчид Оросын бүрэн хэмжээний түрэмгийлэл эхэлснээс хойшхи хамгийн олон хоригдлуудыг солилцсон тухай зарлав. Энэ тухай  Оросын Оросын БХЯ нэлээд хожуу мэдээлсэн ч Медведчукийн талаар дурдсангүй.  Киев Украины 215 цэргийг, тэр дундаа Азовсталын 100 гаруй хамгаалагчийг буцаан авчирчээ.

Украины Ерөнхийлөгчийн Тамгын газрын дарга Андрей Ермак “Украин улс Виктор Медведчукаас гадна “бидэнд онцын ач холбогдолгүй Оросын 55 хоригдлыг Орост шилжүүлсэн” гэж тодотгов.

Олон нийтийн сүлжээ, тэр дундаа Оросыг дэмжигч Rybar  суваг Оросын 55 цэргийн олзлогдогчдыг суулгасан онгоц Москвагийн ойролцоох Чкаловскийн нисэх онгоцны буудалд газардсан гэж бичжээ.

Ермакийн бичсэнчлэн Украин нэг Медведчукийн хариуд 200 цэргийн албан хаагчаа хүлээн авсан бөгөөд "тэр аль хэдийн мөрдөн байцаалтад боломжтой бүх нотлох баримтуудыг өгсөн". Үүнээс гадна "Азовсталын таван баатар-командлагч"-ын оронд Оросын 55 олзлогдогчдыг хүлээлгэн өгсөн гэв.

Түүнчлэн Саудын Арабын зуучлалаар Их Британи, АНУ, Хорват, Швед, Марокко улсын арван иргэнийг сулласан байна. Тэд бүгд Украины талд тулалдаж байгаад Орост олзлогдсон юм.

Суллагдсан хүмүүсийн дунд БНДАУ /Донецк/-ын шүүхээс  цаазаар авах ялаар шийтгүүлсэн Британийн гурван иргэн Шон Пиннер, Айден Аслин, мөн Мароккогийн иргэн Саадун Брахим нар байгаа юм.

Солилцоогоор эх орондоо ирсэн Украины 215 цэргийн дунд командлагчдыг оролцуулаад Азовын 108 байлдагч, мөн 124 офицер байна.

Өмнө нь Ермак Украины Ерөнхийлөгчийн Тамгын газрын хурлын танхимд Зеленскийтэй хамт сууж байхдаа Киев Украины 215 цэргийг солилцох талаар тохиролцож чадсан гэж мэдээлж байв.  Тэдний 108 нь Мариуполь, тэр дундаа Азовсталь үйлдвэрийг хамгаалж байсан Украины Үндэсний гвардийн Азовын  дайчид юм.

Ермакын хэлснээр, Украины 200 цэргийг Оросоос ганцхан хүн буюу Владимир Путины загалмайлсан эцэг Виктор Медведчукаар сольсон гэж дахин ахин тодотгожээ.

Мөн Украины Ерөнхийлөгчийн Тамгын газрын дэд дарга Кирилл Тимошенко Виктор Медведчукийн солилцоо энэ хүн Оросын хувьд ямар чухал болохыг харуулж байна гээд Дмитрий Песковын дөрөвдүгээр сард хийсэн  “Медведчук бол Украины иргэн. Тэр Оростой ямар ч холбоогүй, цэргийн хүн ч биш” гэсэн мэдэгдлийг эргэн сануулжээ

Медведчук сүүлийн жилүүдэд Оросын талыг баримтлагч Сөрөг хүчний платформ "Амьдралын төлөө нам"-ын удирдагчдын нэг байв. 2021 онд Медведчук эх орноосоо урвасан хэрэгт буруутгагдаж байсан. Оросын тусгай ажиллагаа эхэлснээс хойш тэрбээр сураг алдарсан ч 5-р сард Украины аюулгүйн албаныханд баривчлагдсан юм. 

Тодотгоход, түүний охин Дарьяаг 2004 онд Санкт-Петербургийн Казанийн сүмд  ОХУ-ын Ерөнхийлөгч В.В.Путин загалмайлсан бөгөөд энэ утгаар нь загалмайлсан эцэг гэж хэвэл мэдээллүүд 
тодотгон нэрлэдэг аж. 

Эх сурвалж: ВВС