Эрхүү мужийн Усть-Илимск хотод нэгэн эр цэргийн бүртгэл, комиссын дарга руу гал нээжээ. Орон нутгийн эрх баригчдын мэдээлснээр цэрэг татлагын зөвлөлийн дарга хүнд шархадсан байна. Өнгөрсөн долоо хоногт ОХУ-д хэсэгчилсэн дайчилгаа зарласан.
Эрхүү мужийн амбан захирагч Игорь Кобзевын хэлснээр, цэргийн комиссар "эрчимт эмчилгээнд байгаа, биеийн байдал нь маш хүнд байна". "Аюулгүй байдлын арга хэмжээг чангатгах заавар өгсөн" гэжээ..
Болсон хэрэг явдлыг нүдээр харсан гэрч ийнхүү ярьжээ.
“Өнөөдөр 11:40 цагийн орчимд Цэргийн бүртгэл, комиссарт ирж бичиг баримтаа хүлээлгэн өгсөн. Цэргийн комиссар танхимд улс орны нөхцөл байдлын талаар ярьж байх үеэр нэг хүн босч түүн рүү ойртож ирээд: "Одоо бүгдээрээ гэртээ харьцгаа" гэж хэлээд цэргийн комиссар руу буудсан гэжээ.
Буудсан этгээдийг саатуулжээ. Тэрээр орон нутгийн 25 настай оршин суугч Руслан Зинин гэх ажилгүй нэгэн бололтой.
Мөрдөн байцаах хороо буудсан этгээдийн талаарх мэдээллийг баталж, “Хууль сахиулагчийн амь насанд халдсан”, “Хууль бусаар зэвсэг эзэмшсэн” гэсэн зүйл ангиар эрүүгийн хэрэг үүсгэсэн гэдгээ мэдэгдлээ.
Руслан Зининагийн ээж нь хэлэхдээ "Цэргийн комиссоос зарлан дуудах хуудас түүнд ирээгүй. Руслан эмээтэйгээ амьдардаг байсан. Өглөө нь тэр цэргийн комиссын газарт сайн дураараа очно гэж хэлсэн. Тэгээд бид түүнтэй холбогдож чадаагүй, дараа нь энэ мэдээг сонслоо. Өчигдөр түүний хамгийн сайн найзыг нь дайчилгаанд дуудсан. Найз нь цэргийн алба хаагаагүй нэгэн байсан. Үүнд Руслан маш их бухимдаж байсан. Хэсэгчилсэн дайчилгаа болно гэж хэлсэн боловч тэд бүгдийг нь татдаг" гэж ASTRA телеграм сувагт ярьжээ.
Эх сурвалж: ВВС
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.