Украины Хойд Атлантын эвсэлд нэгдэх боломж ба НАТО  Оростой дайтах уу

Одоо Украиныг НАТО-д элсүүлэх боломжийг хэлэлцэх тохиромжтой цаг биш гэж АНУ үзэж байна гэж   АНУ-ын Ерөнхийлөгчийн Үндэсний аюулгүй байдлын зөвлөх Жэйк Салливан хэлжээ.

АНУ эвслийн нээлттэй хаалганы бодлогыг дэмжсээр байгаа ч "Одоогийн байдлаар Украиныг дэмжих хамгийн сайн арга бол газар дээр нь бодит дэмжлэг үзүүлэх явдал" гэж Цагаан ордны хэвлэлийн төлөөлөгч тайлбарлав.

Нэгдэх цаг биш

Украиныг яг одоо эвсэлд хүлээн авах боломжгүй гэдгийг НАТО-гийн Ерөнхий нарийн бичгийн дарга Йенс Столтенберг мөн мэдэгдэв. Хамтрагч 30 орны уулзалтаар гишүүнчлэлийн асуудлыг шийдэх ёстой гэдгийг онцолсон юм. "Одоо бид Украинд өөрийгөө хамгаалахад нь дэмжлэг үзүүлэхэд анхаарч байна" гэж Умард Атлантын эвслийн Ерөнхий нарийн бичгийн дарга тодотгов.

Өмнө нь АНУ-ын Төрийн нарийн бичгийн дарга асан Генри Киссинжер АНУ-ыг Оросын хамгаалалтын бүсийг устгасан гэж буруутгаж байсан. Киссинжерийн бодлоор Вашингтон Украиныг Умард Атлантын эвсэлд элсүүлэх гэж ерөөсөө зүтгэх ёсгүй.

Тэрбээр хэлэхдээ "Украйныг НАТО-д оруулах Америкийн чиг хандлага нь түүний интеграцчлал, ялангуяа цэргийн хувьд ухаалаг биш гэж би бодсон" гэж АНУ-ын Төрийн нарийн бичгийн дарга асан Хенри Киссинжер хэлжээ. 

Зеленскийн хүсэлт шүүмжлэлд өртөв

Украины Ерөнхийлөгч Владимир Зеленский НАТО-д аль болох хурдан элсэх санаархалыг Daily Mail сонины уншигчид шүүмжилжээ. Тэдний үзэж байгаагаар Украины удирдагчийн зорилго бол дэлхийн дайныг эхлүүлэх явдал юм.

Нэмж дурдахад, Newsweek-ийн  орлогч редактор Жейсон Филдс  Украины Ерөнхийлөгч Владимир Зеленскийн Украиныг НАТО-д хурдан элсүүлэх хүсэлтийг хамгийн муу санаа гэж нэрлэжээ. Энэ шийдвэр нь АНУ болон түүний холбоотнуудыг Оростой хийх дайнд татан оролцуулна гэж тэрээр тайлбарлав.

НАТО-г үүсгэн байгуулах гэрээний 5-р зүйлд зааснаар нэг гишүүн рүү халдсан бол эвслийнн бүх улс руу халдсан гэж үзэж дайнд оролцох нь бүхэл бүтэн холбоотнуудыг тулалдаанд оролцуулдагыг Жейсон Филдс  сануулжээ. 

Есдүгээр сарын 30-нд Украины Ерөнхийлөгч Владимир Зеленский тус улс НАТО-д түргэвчилсэн байдлаар өргөдөл гаргахаа мэдэгдэв. Төрийн тэргүүн хэлсэн үгэндээ Киев "де-факто аль хэдийн тус холбоонд орсон" бөгөөд түүний нэг хэсэг гэж мэдэгджээ.

НАТО Украины асуудлаар Оростой дайтна гэдэгт  эргэлзэж байна

Холбооны Зөвлөлийн Олон Улсын Хорооны нэгдүгээр орлогч дарга Владимир Жабаров Хойд Атлантын эвсэл одоогоор мөргөлдөөнд оролцож байгаа улс орныг элсүүлэхийг зөвшөөрөх боломжгүй гэж үзэж байгаагаа илэрхийлэв. Хэрэв онцгой нөхцөлөөр НАТО-д элсдэг юмаа гэхэд эвсэл Оростой дайнд орно гэсэн үг. Сенаторын хэлснээр НАТО Украины төлөөх дайнд оролцохгүй, гэхдээ үүний зэрэгцээ эвсэлд элсэх тухай яриа үргэлжлэх болно.

Төрийн Думын Олон улсын харилцааны хорооны нэгдүгээр орлогч дарга Дмитрий Новиковын хэлснээр, Зеленскийн баг есдүгээр сарын 30-нд Москвад болсон үйл явдалд хариу өгөх боломжийг хайж байгаа нь НАТО-д Украины Ерөнхийлөгчийн НАТО-д элсэх түргэвчилсэн хэлбэрээр өргөдөл гаргах тухай мэдэгдэл юм.

  Новиков Украин НАТО-д элсэхийг ойрын ирээдүйд хүлээх хэрэггүй гэдэгт итгэлтэй байна, учир нь  НАТО-гийн дотоод дүрэм журмыг зөрчихгүйгээр үүнийг  хэрэгжүүлэх боломжгүй юм.

Үүнтэй зэрэгцэн ирэх долдугаар сард Вильнюс хотноо болох дээд хэмжээний уулзалтын үеэр тус улс НАТО-д элсэж магадгүй гэж Украины ерөнхийлөгч Владимир Зеленскийн ажлын алба үзэж байгаагаа мэдэгджээ.

Эх сурвалж: Лента ру