УИХ-ын гишүүн асан Ж.Батзандан хэвлэлийн хурал хийв. Тэрбээр "Өчигдөр би хэвлэлийн хурлаар Ерөнхийлөгч У.Хүрэлсүхэд хандаж хатуухан мэдэгдэл хийсэн. Сөрөг хүчин байхгүй болсноор эрх баригч нам атар онгон болсон байна. Өнөөдөр сөрөг хүчний дуу хоолойг Шинэ хувьсгал хөдөлгөөнөөр босгож ирнэ. Шинэ хувьсгал хөдөлгөөнд олон арван залуучууд иргэний хөдөлгөөнүүд нэгдэхээ илэрхийлээд байна. Шинэ хувьсал хөдөлгөөн байгуулагдсанаа та бүхэндээ албан ёсоор хүргэж байна.
Өчигдөр лайвын дараа У.Хүрэлсүх надад уурлахдаа өөрийнхөө зөвлөх, дотны найз, дэд сайдыгаа баривчилж надад хүчийг үзүүлэв. Дарханы замын тендер зарлагддаг тэр жил У.Хүрэлсүхийн дотны найз, Дэд сайд нь яаманд бус, өөрийнх нь хажууд зөвлөхөөр нь ажиллаж байсан гэдгийг бид мартаагүй. Дүүтэй нь муудчихаад ахыг нь шоронд хорьдогоо больчих. Би таныг М.Энхболдоос арай шударгадуу юмдаа гээд дэмжиж авч үлдэж байсан. Та өнөөдөр Ж.Батзандангийн тусыг мартаж магадгүй ээ. Гэхдээ ахыг маань алчихдаггүй л юм бол эцсээ хүртэл тэмцэнэ гэсэн амлалтандаа хүрч бидэнтэй нэгдэнэ үү гэж уриалж байна. Тэрнээс биш Ж.Бат-Эрдэнэ гэдэг хүн та хоёр багийн найзууд. Найзыгаа яахаа та өөрөө мэд. Миний асуудал биш. Монголын төлөө эх орноо аврахын төлөө хамтдаа зүтгэе" гэв.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.