Энэ мэдээ хуучирсан буюу 2022-10-07 нд нийтлэгдсэн байна.

Д.Өнөрцэцэг: Хүүхэд бүхэн ээжийнхээ сэтгэлд мандсан нар

10/ 7/ 2022    7 цаг 42 минут

 

“Зууны мэдээ” сонин бага насны хүүхдээ харангаа хөдөлмөр эрхэлж, орлого олж, нийгэмд чиглэсэн сайн үйлс хийж буй ээжүүдийг алдаршуулах, тэдний дуу хоолойг хүргэх зорилгоор “Ээжүүд зүгээр суудаггүй” буланг эхлүүлсэн билээ. Бид эхний дугаартаа бялуу урладаг, хөдөлмөрч ээж Н.Дашдуламыг онцолж байсан бол энэ удаад гурван дэрсхэн хүүхдийн ээж, тархины саажилттай хүүхдэд зориулсан “Гэгээн ирээдүй” цэцэрлэгийг үүсгэн байгуулагч, хөдөлгөөн засалч Д.Өнөрцэцэгийг зочноор урилаа. 

 

АНХНЫ ХӨДӨЛГӨӨН ЗАСАЛЧИЙН НЭГ

Бяцхан хайрын цэцэг хэвлийд соёолж, өдрөөс өдөрт өсөн торниж, өөдөсхөн хөлөөрөө тийрэн тонгочих нь гайхалтай мэдрэмж билээ. Ээжүүдийн хувьд тэсэхүйеэ бэрх өвдөлтийг тэсэж төрүүлсний дараа тэр л жижигхэн ертөнцийг хараад бүх хайраа зориулдаг нь жам гэлтэй. Гэхдээ энэ удаад эх үрийн хайр илүү асгарч, тэр хэрээр шаналдаг тархины саажилттай хүүхдүүдийн тухай хөндөх гэж байна. Өнөөдөр бусад хүүхдийн адил дэгж дэрвээд гүйж чаддаггүй ийм оноштой  4000 гаруй хүүхэд байдаг гэсэн тоо байна. Насаараа ээж аавынхаа арчилгаанд байж, хөл дээрээ зогсож сурахын төлөө жижигхэн биедээ баймгүй хүч гаргаж байгааг нь харахад өр эмтрэм.

Үндэсний цэцэрлэгт хүрээлэнгийн ард байрлах “Park view” хотхонд эдгээр хүүхдүүдэд зориулсан “Гэгээн ирээдүй” хөдөлгөөн заслын цэцэрлэг бий. Цэцэрлэгийн хаалгаар ороход яг л бяцхан үлгэрийн ертөнцөд ороод ирсэн мэт содон. Харин энэхүү цэцэрлэгт бяцхан багачуудын хөлийн чимээ, инээд шуугиан сонсогдохгүй. Тэргэнцэр дээр суусан, зориулалтын орон дээр хэвтсэн, жижигхэн хөлөө чирж ядан мөлхөх бяцханууд гурван багшийн хамт биднийг угтсан юм. Харин энэ л хүүхдүүдийн өмнөөс шаналж, өөрийнхөө гурван хүүхэдтэй ижилсүүлэн хайрлаж, 10 жилийн турш тархины саажилттай хүүхдүүдийн төлөө чин сэтгэлээ зориулж, чадах бүхнээ хийж, эмчилж яваа залуухан ээж Д.Өнөрцэцэг энэхүү нийтлэлийн гол баатар билээ.

Д.Өнөрцэцэг 2007 онд дунд сургуулиа төгсөөд ЭМШУҮИС-ийн Сувилахуйн сургуулийн бага эмчийн ангид элсжээ. Харин төгсөх жилээ сургуульд нь хөдөлгөөн засалчийн анги шинээр элсэлт авахад тухайн ангид суралцаж, энэхүү мэргэжлийг эзэмшсэн байна. Энэ тухайгаа “Би хөдөлгөөн засалчийн ангийн анхны төгсөгчийн нэг. Энэхүү мэргэжил нь Монголд хамгийн эрэлттэй, шинэлэг мэргэжил. Бидэнд анх Японоос багш нар ирж хичээл зааж, манай ангийнхан дадлагаа Японд очиж хийж байсан. Миний хувьд төгссөн цагаасаа хүүхдийн хөдөлгөөн засалчаар 11 дэх жилдээ ажиллаж байна. Анхны дадлага, ажлын гараагаа тархины саажилттай хүүхдүүдийн 10 дугаар цэцэрлэгээс эхэлсэн. Цэцэрлэгтээ таван жил ажиллаад 2015 онд том хүүгээ төрүүлсэн. Хэдийгээр дикриттэй байсан ч үргэлж эмчилж байсан хүүхдүүдээ санаж, сэтгэл зовнидог байлаа. Тиймээс хүүгээ зургаан сар хүргээд хүүхдээ харангаа цөөн тооны саажилттай хүүхдүүдэд тусалъя  гэсэн сэтгэлээр анх цэцэрлэгээ нээж байсан. Тэр үеэс хойш зургаан жил өнгөрсөн байна.

Одоогоор манай цэцэрлэг 15 хүүхэдтэй. Үүнээс олон хүүхэд авах боломжгүй. Анх цэцэрлэгээ нээхдээ өөрт байсан, нөхрийнхөө бэлэглэсэн үнэтэй бүхнээ барьцаанд тавьж байрны түрээсээ төлж эхэлсэн. Хүүхдүүддээ хоол хийж өгөх материалаа гэрээсээ илүүчилж бэлдэж ирдэг байлаа. Энэ үед би хүүхдийн цагаан буян эргээд надад ирнэ дээ гэж сүсэглэдэг байсан.

Өнөөдөр манай улсын хэмжээнд тархины саажилттай 4000 гаруй хүүхэд бий гэсэн судалгаа гарсан. Гэтэл улсын хэмжээнд энэ хүүхдүүдэд зориулсан ганцхан цэцэрлэг байдаг нь харамсалтай. Намайг ажиллаж байх хугацаанд 10 дугаар цэцэрлэг 1.5-12 насны 120 хүүхэд хүлээж авах хүчин чадалтай байсан. Тэгэхээр нийт тархины саажилттай хүүхдийн дөнгөж 4 хувь нь л энэ цэцэрлэгт явах боломжтой. Үлдсэн 96 хувь гэртээ ээж аавынхаа асаргаанд өдрийг өнгөрүүлж байна. Тархины саажилттай хүүхэдтэй ээж аавуудын нэг нь заавал ажил төрлөө орхиж хүүхдээ харах шаардлагатай болдог. Харин би цэцэрлэгээ нээснээр цөөн ч болтугай ээж аавд хүүхдэдээ санаа зоволтгүйгээр мэргэжлийн хөдөлгөөн засалчдад үлдээж, ажлаа хийх, сурч боловсрох, сэтгэл тайван амрах боломж өгч байгаа ажлаараа бахархдаг” гэсэн юм.

 

“НАДАД ХҮҮХДЭЭ ҮЛДЭЭСЭН ЭЦЭГ ЭХИЙН ИТГЭЛИЙГ АЛДАХ ЁСГҮЙ”

Д.Өнөрцэцэгийн хувьд өөрөө бага насны гурван хүүхдийн ээж билээ. Бага охин нь одоо дөнгөж ой дөрвөн сартай. Тэрбээр хөл хүнд болж шинэ хүнээ өлгийдөх бүртээ гэртээ хүүхдээ хараад суухыг урьтал болголгүй цэцэрлэг рүүгээ яарч, өвлийн хүйтэнд өлгийтэй хүүхдээ тэврээд нийтийн унаанд  суугаад ирдэг байсан тухайгаа ярьж байсан юм. Энэ үедээ шантарч болимоор байсан ч “Би нэгэнт л энэ мэргэжлийг эзэмшсэн юм чинь энэ хүүхдүүдийн төлөө ажиллах ёстой. Надад итгэж хүүхдээ үлдээсэн эцэг эхийн итгэлийг алдаж болохгүй” гэсэн сэтгэлээр өөрийгөө хурцалдаг байжээ.

Одоогоор энэхүү цэцэрлэгт тасралтгүй зургаан жил явсан хүүхдүүд ч байна.  Тэд багшийгаа таньж, ойртоод ирэхэд нь гараа өгөхөөр тэмүүлж, дууг нь сонсоод толгойгоо эргүүлэн хайх нь өхөөрдөм. “Гэгээн ирээдүй” цэцэрлэг одоо гурван багштай үйл ажиллагаа явуулдаг. Багш нар хүүхдүүдэд өөрт нь тохирсон дасгал хийлгэж хооллохоос гадна дуу хөгжим сонсгож, харандаа бариулж, хамтарч зураг будна гээд СӨБ-ын бүхий л үйлчилгээг үзүүлдэг ажээ.

Д.Өнөрцэцэг “Би анх хөгжлийн бэрхшээлийг хараагүй, хөлгүй, гаргүй, тэргэнцэртэй хүнээр л төсөөлж явсан. Харин анх 10 дугаар цэцэрлэгт очиж дадлага хийхдээ ийм жаахан хүүхдүүд хөдөлж, зогсож, тайван сууж ч чадахгүй байхыг хараад сэтгэл эмтэрсэн. Би өнөөдөр энэ хүүхдүүдээрээ үнэхээр их бахархаж, хайрладаг. Учир нь эд маань тэсвэр тэвчээрийн туйлыг үзүүлж байгаа. Өдөр бүр хоёр цаг тогтмол дасгал хийж, ганцхан удаа эргэж, хөл дээрээ зогсохын төлөө ямар их ядарч, туйлдаж, тэвчдэг гэж санана” гэсэн юм.

Үнэхээр “Гэгээн ирээдүй” цэцэрлэг дээр нэг өдрийг өнгөрүүлэхдээ Д.Өнөрцэцэг багшийг ямар хүнд мөртлөө аз жаргалтай ажил хийдэг юм бэ гэх бодол өөрийн эрхгүй төрж байсан юм. Бид л өөрийнхөө 2, 3-хан хүүхэдтэй өдрийг өнгөрүүлэх ямар чанга байдаг билээ. Гэтэл өөрийгөө хянаж, хоолоо идэж, зоргоороо гүйж чадахгүй 15 бяцхан зүрхийг эхийн сэтгэлээр хайрлаж, өглөөнөөс орой болтол асарч, уйгагүй заасан ганцхан дасгалынх нь үр дүнд өнөөх хүүхэд нь нэг алхахад өөрийн хүүхэд нь хөлд орж буй мэт баярлах гэгээн сэтгэлтэй энэ ээжээр бахархаж, хайрлахгүй байхын аргагүй байсан юм. Асуулт асуух бүрт “Би энэ нийгмийг өөрчилж чадахгүй ч, тархины саажилттай хүүхдүүдийн төлөө өөрийнхөө чадах хэмжээнд заавал нэг зүйл хийх ёстой” хэмээн зорьж яваа  гэж байв. Д.Өнөрцэцэг “Би тархины саажилттай хүүхдүүдэд зориулж төрийн бус байгууллага байгуулсан. Энэ байгууллагаараа дамжуулаад  хуучин хувцасны  аян зохион байгуулахаар зорьж байна. Хүн бүхний хувцасны шүүгээнд хэзээ авснаа мартчихсан, эсвэл өмсөж амжаагүй багадсан хувцас байж л байдаг. Бид эдгээр хувцсыг нь аваад багахан мөнгөөр хэрэгтэй хүнд нь борлуулж, олсон орлогоороо хүүхдүүдээ чиглэсэн нийгмийн ажлыг зохион байгуулахаар зорьж байна” гэсэн юм. 

Мөн “Тархины саажилттай хүүхдийг анх харахад жаахан эвгүй. Гэхдээ эд чинь ээж аавдаа бол сэтгэлд нь мандсан нар. Хүүхдэд ямар ч буруу байхгүй. Тиймээс тэд үргэлж инээмсэглэж, жаргалтай амьдрах ёстой. Гэхдээ энэ бүхнийг би ганцаараа хийж бүтээсэн гэвэл худал. Хамгийн эхэнд миний хань намайг ойлгож, ажлыг минь дэмждэг. Мөн цэцэрлэгээ нээсэн цагаас ээж минь тогоочоор ажиллаж, хүүхдүүдийг минь харж байна. Энэ хүмүүсийнхээ хүчээр би энэ хүртэл явсан” гэж онцолсон юм.

 

“ХҮНДРЭЛ БАГАТАЙ ХҮҮХДИЙГ ЭНГИЙН ЦЭЦЭРЛЭГТ ЯВУУЛАХ НЬ ҮР ДҮНТЭЙ”

 

Өнөөдөр манай нийгэмд тархины саажилттай хүүхдүүдийг эвэртэй туулай үзсэн юм шиг хардаг. Ядаж л тэргэнцэр дээрээ суугаад гарч салхилахад нь зориулалтын зам байхгүй нь харамсмаар. Энэ тухай ч хөдөлгөөн засалч Д.Өнөрцэцэг “Тархины саажилт нь хүнд, хөнгөн гээд олон хэлбэртэй байдаг. Харьцангуй бага хүндрэлтэй ярьж, ойлгож чаддаг хүүхдүүдийг нийгмээс тусгаарлах бус харин ч энгийн цэцэрлэгт явуулж үеийн хүүхэдтэй нь хүмүүжүүлэх нь илүү үр дүнтэй санагддаг. Гэтэл авах цэцэрлэг олддоггүй учир эргээд манайд хандах үзэгдэл их байна” гэв.

Энэхүү ээжтэй ярилцаж суухдаа үнэхээр тархины саажилттай хүүхдүүдэд зориулсан төрийн бодлого, мэргэжлийн хөдөлгөөн засалч дутмаг байгааг мэдэх ёстой, хийх ёстой хүмүүст нь хүргэхсэн, ажил хэрэг болгохсон гэж бодогдсон. Хүүхэд бүхэн Монголын ирээдүй гэж бид ярьдаг. Гэтэл ирээдүйн эзэд болсон 4000 хүүхэд өнөөдөр мэргэжлийн тусламж авч чадалгүй өдөр хоногийг өнгөрөөж байна.  Тэдэнд гурван хүүхдийн ээж Д.Өнөрцэцэг шиг саажилттай хүүхдүүдийн төлөө бүхнээ зориулж, чин сэтгэлээсээ ажлаа хийх олон олон багшийг бэлдэж, ажиллах орчин нөхцлөөр хангаж өгөх үүрэгтэйг төр засаг анхаараасай билээ. 

Эх сурвалж: “Зууны мэдээ” сонин

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

УЕПГ: А.Адъяасүрэн гишүүний нүүрсний бизнес дагасан авлигын хэргийг хаагаагүй9 цаг 53 минутын өмнөЯс ба үений мөгөөрсний хорт хавдрын эмчилгээг ЭМД-ын сангаас бүрэн хариуцна12 сар 6. 17:04Хөгжлийн банк "Самурай" бондын эргэн төлөлтийн бүрэн барагдуулах боломжтой болсон гэв12 сар 6. 15:59О.Цогтгэрэл:МАН-ын гишүүд УИХ-ын танхимд бие биенээ нүүрсний хулгайчаар дуудсан баримт нь бий. Энэ тухай мэдээлэл хаана байна12 сар 6. 15:16"Чингис бондын өрийг бүрэн төллөө"хэмээн Засгийн газар мэдэгдэв12 сар 6. 14:20“Засагчандмань майнз” ХХК-ийн гүйцэтгэх захирал бусадтай бүлэглэн 19 сая долларын хохирол учруулсан хэргийг шүүхэд шилжүүлжээ12 сар 6. 13:39Ковидын үеэр У.Хүрэлсүх өрөвчхөн сэтгэлтэй болж жүжиглэн огцроход Ч.Ундрам сонгуулийн менежерээ БОАЖ-ын сайд болгосон12 сар 6. 12:31Л.Оюун-Эрдэнэ: Тогтолцооны томоохон шинэчлэл хийсэн тохиолдолд ард түмэндээ ахин сонгох эрх өгөх нь зүйтэй гэж үзэж байна12 сар 6. 12:13"Амгалан" ДЦС-д гарсан гэмтлийг засаж байна12 сар 6. 11:36“Элэг бүтэн Монгол” хөтөлбөрт зарцуулсан 230 тэрбумаа хэзээ тайлагнах вэ?12 сар 6. 10:53Б.Батхишиг алтан медаль хүртлээ12 сар 6. 9:44Н.Алтанхуяг: Бусдын "хашаа" давж өнгөлзмөөргүй байна12 сар 6. 9:41Өнөөдөр болох үйл явдлууд12 сар 6. 9:33Гацсан төслүүд буюу нүүрсний хулгайчдын бачаар...12 сар 6. 9:32ТЭД БИДНИЙ ТУХАЙ: Монголд авлигын эсрэг жагсаал эхэлж байна12 сар 6. 8:40"Financial Times" сонин Зеленскийг оны шилдэг хүнээр тодруулав12 сар 6. 8:26АНХААР: “Слава” брэндийн өттэй будаа зарагдаж байна12 сар 6. 7:30ЗАЛУУС: Бид дахиж 7 сарын 1-нийг хүсэхгүй байна12 сар 6. 7:30Орос Украины хэд хэдэн бүс нутагт дахин пуужингийн цохилт өгчээ12 сар 6. 7:23Дархлагдсан “Ажнай”-гийн даапаалсан мэдэгдлүүд12 сар 6. 7:20Түүхэн товчоон: Далан Түргэний хос толгойн зураг12 сар 6. 6:40Энэ өдрийн зурхай12 сар 6. 6:40Цаг агаарын урьдчилсан мэдээ12 сар 6. 6:30Усанд явах зам...12 сар 6. 6:30Жагсаал, цуглааныг албадан тараах тухай захирамжийг хүчингүй болголоо12 сар 6. 0:25ҮАБЗ-ийн зөвлөмжөөр Онц байдал зарлах тухай Ерөнхийлөгч зарлиг гаргана12 сар 5. 22:12"ТАВАНТОЛГОЙ ХК"-ийн ТУЗ-ын зөвлөлөөс уриалга гаргалаа12 сар 5. 20:41Хүүхдэдээ “тэсрэх бөмбөг”, " хиймэл дагуул" гэх зэргээр эх оронч нэр өгөхийг үүрэгджээ12 сар 5. 16:08Нүүрсний хулгайн асуудлаар УИХ нээлттэй сонсгол явуулна12 сар 5. 15:58Д.Амарбаясгалан: Засгийн газар шүгэл үлээгчийн үүргийг хангалттай гүйцэтгэж байгаа12 сар 5. 14:54116 мянган тонн сайжруулсан шахмал түлшний нөөц байна12 сар 5. 13:51С.Одонтуяа: Нүүрсний хулгайн асуудлаар нээлттэй сонсгол хийх шаардлагыг Ерөнхий сайдад тавьсан12 сар 5. 12:56ШШГЕГ-ын албан тушаалтнуудын хэргийг Прокурорт шилжүүлжээ12 сар 5. 12:29Коронавируст халдварын 61 тохиолдол батлагдав12 сар 5. 12:21Хуйвалдсанаа тэд шийтгэлээ, хулгайлснаа бид яах вэ Ерөнхий сайд аа12 сар 5. 11:53Т.Доржханд: Зарим нь үнэн сэтгэлээсээ, зарим нь зохион байгуулалттай талбай дээр гарч ирлээ12 сар 5. 11:49Ид шидийн түүх12 сар 5. 11:44С.Ганбаатар: У.Хүрэлсүх, Л.Оюун-Эрдэнэ, Г.Занданшатар гурав ажлаа хийхгүй байна12 сар 5. 11:27Нийтийн тээврийн 826 автобусанд өдөрт 134 тонн түлш зарцуулдаг12 сар 5. 11:23Индонезид галт уул дэлбэрчээ12 сар 5. 11:08
 Facebook Twitter Youtube