Төрийн үйлчилгээг иргэдэд хүнд сурталгүй, шуурхай хүргэх зорилтын хүрээнд нэг цэгийн үйлчилгээг операторын горимд шилжүүлэхээр ажиллаж байна хэмээн ЦХХЯ-наас мэдээлэв. Энэ хүрээнд төрийн үйлчилгээ үзүүлэх менежментийн шинэчлэл хийж, төрийн байгууллага хоорондын уялдаа холбоо, үйл ажиллагааны процессыг шинэчилж, цаашид төрийн үйлчилгээг төр хувийн хэвшлийн түншлэлээр хийхээр зорьж байна гэв.
Үр дүнд нь:
- Нэг оператор төрийн бүх төрлийн үйлчилгээг үзүүлэх боломж бүрдэнэ.
- Төрийн байгууллагууд хоорондоо мэдээлэл солилцоно.
- Төрийн бүтээмжийг дээшлүүлнэ.
- Төрийн байгууллагаас цахим хэлбэрээр үзүүлж байгаа төрийн үйлчилгээний чанарыг хянаж, сайжруулах боломж бүрдэнэ.
- Төрийн үйлчилгээний нэгдсэн ойлголт, стандартыг мөрдүүлэх боломж бүрдэнэ.
- Орон нутагт салбаргүй (Оюуны өмчийн, Ашигт малтмал газрын тосны, Жижиг дунд үйлдвэрийн газар) төрийн байгууллагууд цаашид орон нутагт нэмж үйлчилгээний ажилтны бүтэц, орон бий болгох үүсгэх шаардлагагүй болно.
- Операторууд жигд ачаалалтай болно.
Төрийн цахим үйлчилгээний зохицуулалтын газар 2023 оны 01 дүгээр сарын 01-ны өдрөөс 39 байгууллагын 436 үйлчилгээг операторын горимоор үзүүлж эхлэх юм байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.