Засгийн газрын өнөөдрийн хуралдаанаас гарсан ЭЗХЯ-тай холбоотой шийдвэрийг ЭЗХ-ийн сайд Ч.Хүрэлбаатар танилцууллаа.
Тэрбээр “Цагааннуур чөлөөт бүсийг байнгын үйл ажиллагаатай болгох шийдвэр Засгийн газраас өнөөдөр гаргалаа. Цагааннуур чөлөөт бүсийн Азийн босоо тэнхлэгийн замын ажлыг гүйцээснээр БНХАУ-аас ОХУ руу чиглэсэн ачаа тээврийн ажиллагаа эрчимжсэн. Тиймээс тус чөлөөт бүсийг байнгын ажиллагаатай болгосноор тээвэр ложистикийн болон гадаад дотоод худалдааны төв, үйлдвэрлэл болон махны экспортын үйлдвэрлэл хөгжүүлэх боломжтой гэж үзсэн. Европоос гарсан ачаа Цагааннуурын боомтоор Улаанбаатарт орж ирэх нь Алтанбулагаар орж ирснээс 200 км-ээр татуу байгаа нь цаг хугацаа зардлын хэмнэлт гаргах боломжтой” гэлээ.
Мөн Гадаадын хөрөнгө оруулагч нарын гомдлыг шийдвэрлэх талаар Засгийн газрын хуралдаанаар хэлэлцэж, тогтоол гаргасан байна. ЭЗХ-ийн яамны харьяа Гадаадын хөрөнгө оруулалт, гадаад худалдааны агентлагийг байгуулж, 2023 оны 1 дүгээр сарын 1-нээс ажиллуулахаар болсон билээ.
Өнөөдрийн байдлаар ЭЗХЯ болон ГХЯ-нд нийт 38 аж ахуйн нэгжээс ирсэн гомдлын 6-г л шийдвэрлэсэн байна. ХБНГУ-аас 8, Канадаас 4, Япон, БНХАУ, БНСУ 3, Казахстан, Австри, Тайландаас тус бүр 2, Их Британи, Франц 1 аж ахуйн нэгж гомдол гаргаад байгаа аж.
Төрийн байгууллагатай холбоотой 8, төлбөр тооцоо залилан 4, бүртгэлийн маргаан 2, тусгай зөвшөөрөл цуцалсан 4, хяналт шалгалт 2, татварын маргаан 2, хууль хүчний байгууллагатай холбоотой 1 гэх зэргээр гомдол иржээ. Тиймээс Засгийн газрын хурлаар хэлэлцээд холбогдох албанд нь гомдлыг шийдвэрлэж хариу өгөхийг үүрэг болгосон байна. ЭЗХ-ийн сайд “Монгол Улсын Засгийн газар хөрөнгө оруулагч, бизнес эрхлэгч нар бол хөгжлийн хөдөлгөгч хүч гэж үзэж байгаа учраас анхаарал тавьж ажиллана” гэв.
Сэтгэгдэл (1)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
I'm happy after so many years attempts to sell my kidney, all thanks to NA HEALTH CARE from india who bought my kidney at the rate of ($600,000USD) contact them via NAHEALTHCARE.IN@GMAIL.COM whatsapp number : +19099134258 More about this source textSource text required for additional translation information Send feedback Side panels