Монгол Улсын 27 аж ахуйн нэгж самар экспортлох зөвшөөрөлтэй ч 15 нь хүн ажиллуулдаггүй, татвар төлдөггүй, байнгын алдагдалтай гэдэг тайлан холбогдох газруудад илгээдэг байна. Тиймээс Татварын ерөнхий газраас авсан мэдээллийн дагуу БОАЖЯ-наас эдгээр 15 аж ахуйн нэгжийн экспортын эрхийг нь цуцалж байгаа гэв.
Гэхдээ өнгөрсөн жилүүдэд БОАЖЯ-наас зөвшөөрөлтэй экспортлосон самрын мэдээлэл Гаалийн мэдээлэлтэй зөрүүтэй гарчээ. Тухайлбал, 2021 онд БОАЖЯ-наас авсан зөвшөөрлийн дагуу 13335 тонн самрыг экспортод гаргасан гэсэн мэдээ бий. Гэтэл Гаалиар 14000 гаруй тонн самар гарсан байна. Зөрүү нь 1064 тонн самар яамны зөвшөөрөлгүй гарчээ. БОАЖ-ын сайд Б.Бат-Эрдэнийн хэлснээр, Дэлхий нийтэд 2021 онд нийтдээ 42 мянган тонн орчим самар үйлдвэрлэсэн бөгөөд гуравны нэг нь Монгол Улсын хилээр гарсан ч эхний 8 нийлүүлэгч орны тоонд багтаагүй аж. Наймдугаарт жагссан орон нь 338 тонн самар нийлүүлсэн гэдэг мэдээ бий. Тэгэхээр манайд ченжийн системээр самрын бизнес эрхэлж байна гэлээ. Мөн манай улсын гаргадаг самрын үнэ дэлхийд дунджаар 24-50 орчим доллар байдаг бол аж ахуйн нэгжүүд 1.6 доллараас 10 орчим доллараар гаргасан байна. Энэ нь дунджаар 6.6 доллар болсон аж. Харин 2022 онд энэ дүнг 12 ам.долларт хүргэсэн. Манай улсад эрхзүйн орчин нь байна. Хариуцлагын асуудал огт шийдэгдэхгүй байна гэлээ.
Сэтгэгдэл (3)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
ийм эмх цэгцгүй хаана хэн бусдаас ихээхэн самар худалдан авч байгааг сум дүүрэг хороо хорин мэдэж байгаа чцагдаа сэргийлэх нь мэдээгүй мэт дүлий оргиод сууж байхад энэ бол цэвэр ченжүүд хийж байгаа наймаа. Үүнийг цэгцэлхэд орон нутгийн захиргааны баЙГУУЛЛАГУУДЫН эрх үүргийг тодорхой болгож зарим байгаль хамгаалагч нэртэй амьгүй албатуудыг өөрчлөх хэрэгтэй.
Шударга хяналт хэрэгтэй. Эзэн холбогдогчдыг мэдээллээч.
Энэ асуудлыг шууд гаалийн байцаагч л зохицуулсан нь илтэд бна ш дээ