Европын бодлогын шинжилгээний төвийн мэргэжилтэн, шинжээч нар Орос, Украины хооронд энхийн хэлэлцээ хийх боломжийг үнэлж, энэ талаархи хоёр орны эрх баригчид болон АНУ, ЕХ-ны үзэл бодлын"улаан шугам"-ыг тайлбарлав.
Киев Москвагийн эрх баригчдад итгэхгүй байгаа тул хэлэлцээрийн ширээний ард суухад бэлэн биш байна гэж шинжээчид үзэж байна. "Украины удирдлага бүрэн ялалтын төлөө хичээж байгаагаа тодорхой илэрхийлсэн. Тиймээс хүмүүс үүнээс бага зүйл хүлээхгүй" гэж шинжээч онцолжээ.
Гэсэн хэдий ч Орос улс ч бас хэлэлцээр хийхэд бэлэн биш байна гэдэгт судлаачид итгэлтэй байна. ОХУ-ын Ерөнхийлөгч Владимир урт удаан дайнд бэлэн байна. Магадгүй тэр АНУ-ын Ерөнхийлөгчийн сонгуулийн жил болох 2024 онд юу болохыг харахын тулд тулалдсаар байж мэдэх юм" гэжээ.
Нөгөөтэйгүүр Европт Украиныг дэмжсэн үзэл баримтлал давамгайлж байгаа тул тэд Киевийг хэлэлцээ хийхийг шаардахгүйгээр үргэлжлүүлэн дэмжихэд бэлэн байна. АНУ-ын Ерөнхийлөгч Жо Байдены засаг захиргаа Украиныг хэлэлцээрийн ширээний ард суулгаж болох ч одоогоор тэд тохиромжтой цаг мөчийг хүлээж байна гэж шинжээчид үзэж байна.
Хятадын засгийн газар Оросоос асар их хэмжээний газрын тос, байгалийн хий худалдаж авсан ч Москвад бүрэн дэмжлэг үзүүлэхгүй байна гэдгийг тэд бас онцолжээ.
Үүний зэрэгцээ, шинжээчид улс орнууд суугаад яриа хэлэлцээ хийхэд эрт байна гэж үзэж байгаа ч үүнд бэлдэж болно. Тэгвэл энэ нь мөргөлдөөнийг зогсоох хүсэл эрмэлзэлтэй байгаагийн дохио болно.
Гэсэн хэдий ч одоохондоо барууны орнууд Украиныг дэмжсээр байх бөгөөд ерөнхийлөгч Владимир Зеленскийн засгийн газрыг хэлэлцээрийн ширээний ард суухыг албадахгүй гэдэгтэй санал нэг байна.
Эх сурвалж: Лента.ру
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.