УИХ-ын дарга Г.Занданшатар нийгмийн анхаарлыг татаад байгаа нүүрсний хулгайн асуудлаар олон нийтийн нээлттэй сонсгол зохион байгуулах захирамж өнөөдөр гаргасан байна.
Нээлттэй сонсголыг Хилийн боомтын асуудлаарх УИХ-ын хянан шалгах түр хорооны дүгнэлтэд үндэслэн олон улсын болон иргэний нийгмийн байгууллагууд, салбарын мэргэжилтнүүд, судлаачдын төлөөллийг багтаан, яаралтай зохион байгуулах чиглэл өгчээ. УИХ-ын дарга “Уул уурхайн олборлолт явагддаг аймаг бүрийн төлөөллийг багтааж, нүүрсний хулгайн эсрэг нийтийн оролцоотойгоор тэмцсэнээр хөшигний цаана халаасан дотор өрнөдөг олон асуудлуудыг ил тод болгоно” гэв.
Олон нийтээс дэвшүүлсэн нийгэмд анхаарал татсан асуудлуудаар нээлттэй сонсгол явуулж, улмаар гэрч дуудах эрх бүхий тусгай хяналтын дэд хороог байгуулан, баримтуудыг ил болгож, хяналт тавих эрх УИХ-ын Хяналт шалгалтын тухай хуулиар баталгаажсан юм. Уг хуулийн хүрээнд анхлан Хөгжлийн банкны асуудлаар УИХ-аас нээлттэй сонсгол зохион байгуулж байв. Нэгдмэл зорилгын дор УИХ, Засгийн газар нийт иргэдийн мэдэх эрхийг хангаж, нүүрсний хулгайн асуудлаар нээлттэй сонсгол явуулснаар авлигачдад хариуцлага тооцож, нийтийн оролцоотойгоор шударга ёс, шинэ жишиг тогтоох чухал алхам болох юм.
Сэтгэгдэл (1)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Чадах уу?! Бас урьдах хэргүүд шиг сонсгол хийсэн болоод замхарах уу?