Нүүрсний олборлосон дүн, гаалиар гарсан дүн, борлуулсан үнийн зөрүү зэрэг асуудлуудаас үүдсэн нүүрсний хулгай гэх хэрэгт УИХ-ын гишүүд болон төрийн удирдах албан тушаалтнууд холбогдоод байгаа. УИХ-ын гишүүн Д.Доржханд нүүрсний хулгай гэх хэргээс үүдэж улсад 40 их наяд төгрөгөөр үнэлэгдэх хохирол учирсан гэх мэдээллийг өгч, иргэд дөрвөн өдрийн турш Сүхбаатарын талбай дээр хариуцлага нэхэж жагсч байна. Засгийн газрын 2022 оны аравдугаар сарын 26-ны өдрийн хуралдаанаар "Эрдэнэс Тавантолгой" ХК-д онцгой дэглэм тогтоож, Бүрэн эрхт төлөөлөгч томилж, хэд хэдэн дарга нарыг нь үүрэгт ажлаас нь чөлөөлөөд байгаа. Тэгвэл урд шөнө тус компанийн Гүйцэтгэх захирал асан Б.Ганхуягийг АТГ-аас цагдан хорьсон байна.
Б.Ганхуягийг АТГ-аас баривчлахтай зэрэгцэн түүний эхнэр, мөн эгч Б.Нарантуяа, хүргэн Д.Пүрэвдорж, "Эрдэнэс Тавантолгой" ХК-ийн албаны дарга С.Энхтөр, "Сагсайс Редер" ХХК-ийн захирал С.Энхтүвшин, "Хишиг арвин индустрал" ХХК-ийн эзэн Б.Хишигдорж, тус компанийн гүйцэтгэх захирал М.Хүрэлбаатар нарыг баривчилж Цагдан хорих 461 дүгээр ангид саатуулжээ. Тэдний гэр оффист хийсэн нэгжлэгээр онц их хэмжээний мөнгө, бусад хориотой хэрэгсэл илэрчээ.
Мөн тэдний нэг нь жагсаал зохион байгуулахад үүрэг гүйцэтгэсэн нь урьдчилсан байдлаар тогтоогдож байгаа юм аж.
Сэтгэгдэл (4)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Бүх хөрөг үо хөдлөх хөрөгийн улсын орлого болгох хэрэгтэй
Эх сурвалжийг тавиачээ~ Баттай мэдээлэл юм уу?
Цогтбаяр бил үү?
МЭДЭЭЖ ЭНЭ ХУЛГАЙД ДАРГА НЯБО ГЭЭД Л БҮГД ХОЛБОГДОНО ШҮҮ ЭСВЭЛ ХЯНАДАГ ШАЛГАДАГ НЯБО ГЭЖ БАЙХГҮЙ ДУР ЗОРГООРОО ЮМ БОЛДОГ ГАЗАР УУ